ខេត្តពោធិ៍សាត់ ៖ ប្រធានការិយាល័យលទ្ធកម្មសាលាស្រុកវាលវែងម្នាកបានត្រូវសមត្ថកិច្ចនគរបាលយុត្តិធម៌ស្រុកវាលវែងឃាត់ខ្លួនពាក់ព័ន្ធនឹងករណីក្លែងបន្លំឯកសារសាធារណៈ និងប្រើប្រាស់ត្រាក្លែងលើពាក្យសុំកាន់កាប់ដីធ្លី រួមទាំងបង្កាន់ដៃទទួលពាក្យរបស់ភូមិបាលស្រុកវាលវែងផងដែរ ។ អធិការនគរបាលស្រុកវាលវែងលោកវរសេនីយ៍ទោ ធាង ឡេង បានឲ្យដឹងថា…
ខេត្តពោធិ៍សាត់ ៖ ប្រធានការិយាល័យលទ្ធកម្មសាលាស្រុកវាលវែងម្នាកបានត្រូវសមត្ថកិច្ចនគរបាលយុត្តិធម៌ស្រុកវាលវែងឃាត់ខ្លួនពាក់ព័ន្ធនឹងករណីក្លែងបន្លំឯកសារសាធារណៈ និងប្រើប្រាស់ត្រាក្លែងលើពាក្យសុំកាន់កាប់ដីធ្លី រួមទាំងបង្កាន់ដៃទទួលពាក្យរបស់ភូមិបាលស្រុកវាលវែងផងដែរ ។
អធិការនគរបាលស្រុកវាលវែងលោកវរសេនីយ៍ទោ ធាង ឡេង បានឲ្យដឹងថា ជនសង្ស័យឈ្មោះ ប្រាក់ រតនា ភេទប្រុស អាយុ៣២ឆ្នាំ មុខងារជាប្រធានការិយាល័យលទ្ធកម្មនៃសាលាស្រុកវាលវែង រស់នៅភូមិប្រមោយ ឃុំប្រមោយ ស្រុកវាលវែង ។
លោកអធិការឲ្យដឹងទៀតថា ជននេះបានប្រពឹត្តបទល្មើសតាំងពីឆ្នាំ២០១១ដល់ឆ្នាំ២០១៧ ថែមទាំងបានយកថ្លៃកម្រៃសេវាលើការធ្វើឯកសារទាំងនោះខុសគោលការណ៍ទៀតផង ។ មកដល់ពេលនេះសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងខេត្តតាមបទបញ្ជារបស់លោក ម៉ៅ ធនិន អភិបាលនៃគណៈអភិបាលខេត្តពោធិ៍សាត់ដើម្បីចាត់ការតាមច្បាប់ ៕
ចែករំលែកព័តមាននេះ