ខេត្តឧត្តរមានជ័យ ៖ អ្នកទោសខ្មែរ២នាក់ដែលក្រុមអាជ្ញាធរថៃចោទពីបទឆ្លងដែនខុសច្បាប់ហើយកាប់ឈើគ្រញួងកាលពីថ្ងៃទី២៨ ខែវិច្ឆិការ ឆ្នាំ២០១៧ កន្លងទៅត្រូវបានដោះលេងឱ្យមានសេរីភាពវិញនូវព្រឹកថ្ងៃទី១១ ខែកុម្ភៈ ឆ្នាំ២០១៨ តាមមាត់ច្រកទ្វារអន្តរជាតិជាំ ស្ថិតក្នុងភូមិជាំ…
ខេត្តឧត្តរមានជ័យ ៖ អ្នកទោសខ្មែរ២នាក់ដែលក្រុមអាជ្ញាធរថៃចោទពីបទឆ្លងដែនខុសច្បាប់ហើយកាប់ឈើគ្រញួងកាលពីថ្ងៃទី២៨ ខែវិច្ឆិការ ឆ្នាំ២០១៧ កន្លងទៅត្រូវបានដោះលេងឱ្យមានសេរីភាពវិញនូវព្រឹកថ្ងៃទី១១ ខែកុម្ភៈ ឆ្នាំ២០១៨ តាមមាត់ច្រកទ្វារអន្តរជាតិជាំ ស្ថិតក្នុងភូមិជាំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ ។
អ្នកទោសខ្មែរ២នាក់ដែលជាប់ពន្ធធនាគាខេត្តអ៊ូប៊ុន ប្រទេសថៃ នោះឈ្មោះ វូត សុរិទ្ធ ភេទប្រុស អាយុ១៧ឆ្នាំ នឹងម្នាក់ទៀតឈ្មោះ អង់ ឡុង ភេទប្រុស អាយុ១៧ឆ្នាំ ទាំង២នាក់រស់នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ។ អ្នកទោសដែលក្រុមអាជ្ញាធរថៃដោះលេងបានរៀបរាប់ថា ពួកខ្លួនទៅរុករកកាប់ឈើគ្រញួងនោះចូលតាមច្រកភូមិសាស្ត្រក្បាលអូរស្វាយ ស្ថិតនៅភូមិទំនប់អភិវឌ្ឍន៍ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ខាងថៃស្ថិតនៅភូមិស្ទឹងចាន់ ឃុំស្ទឹងចាន់ ស្រុកឃុនហាន ខេត្តស៊ីសាកេត ។
មន្ត្រីដែលបម្រើការងារមាត់ច្រកទ្វារអន្តរជាតិឱ្យដឹងថា បន្ទាប់ពីបានទទួលអ្នកទោសខ្មែរពីក្រុមអាជ្ញាធរថៃ សមត្ថកិច្ចកម្ពុជាបានធ្វើការអប់រុំរួចឱ្យវិលត្រឡប់ទៅជួបជុំក្រុមគ្រួសារវិញក្នុងថ្ងៃដដែល ៕
ចែករំលែកព័តមាននេះ