ខេត្តស្ទឹងត្រែង ៖ បុរសម្នាក់បានរងការចាប់ខ្លួនដោយកម្លាំងនគរបាលនៃការិយាល័យប្រឆាំងគ្រឿងញៀន ស្នងការដ្ឋាននគរបាលខេត្តស្ទឹងត្រែង ក្នុងគ្រាមួយត្រូវបានឆែកឆេរកឃើញថ្នាំញៀនខុសច្បាប់ជាប់ខ្លួន នាថ្ងៃទី៩ ខែកុម្ភៈ ឆ្នាំ២០១៨ ស្ថិតនៅភូមិរាជានុកូល សង្កាត់ស្ទឹងត្រែង…
ខេត្តស្ទឹងត្រែង ៖ បុរសម្នាក់បានរងការចាប់ខ្លួនដោយកម្លាំងនគរបាលនៃការិយាល័យប្រឆាំងគ្រឿងញៀន ស្នងការដ្ឋាននគរបាលខេត្តស្ទឹងត្រែង ក្នុងគ្រាមួយត្រូវបានឆែកឆេរកឃើញថ្នាំញៀនខុសច្បាប់ជាប់ខ្លួន នាថ្ងៃទី៩ ខែកុម្ភៈ ឆ្នាំ២០១៨ ស្ថិតនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។ ប្រភពឲ្យដឹងថា ដោយមានការតាមដានរាល់សកម្មភាពជនសង្ស័យលើករណីពាក់ព័ន្ធជាមួយគ្រឿងញៀនខុសច្បាប់ កម្លាំងនគរបាលការិយាល័យប្រឆាំងគ្រឿងញៀនបានចាប់ខ្លួនបុរសម្នាក់ ហើយបានរកឃើញថ្នាំញៀន មួយខ្នាច់ក្នុងបំពង់ទុយោបឺត។ ប្រភពដដែលបានបន្តថា ក្រោយការចាប់ខ្លួនកម្លាំងជំនាញបាននាំខ្លួន ជនសង្ស័យទៅដល់លំនៅស្ថានព្រមទាំងបានធ្វើការឆែកឆេក្រោមការសម្របសម្រួលដោយព្រះរាជអាជ្ញារួមជាមួយអាជ្ញាធមូលដ្ឋានផងនោះ បានរកឃើញថ្នាំញៀនចំនួន១៦ខ្នាច់បន្ថែមទៀត។
ក្នុងរបាយការណ៍លោក ម៉ៅ តារា ស្នងការនគរបាលខេត្តស្ទឹងត្រែងឲ្យដឹងថា នៅវេលាម៉ោង១០ និង៤០នាទីព្រឹក ថ្ងៃទី៩ ខែកុម្ភៈ ឆ្នាំ២០១៨ ការិយាល័យប្រឆាំងគ្រឿងញៀនបានបើកវិធានមួយ បង្ក្រាបបទល្មើសជួញដូរ និងប្រើប្រាស់នូវសារធាតុញៀនខុសច្បាប់មួយករណីព្រមទាំងបានឃាត់ខ្លួនជនសង្ស័យម្នាក់ ឈ្មោះ វ៉ែន សំឡី ភេទប្រុស អាយុ៣០ឆ្នាំ មានលំនៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។ របាយការណ៍បន្តថា ក្រោយការចាប់ខ្លួនជនសង្ស័យ កម្លាំងជំនាញបានចាប់យកវត្ថុតាងជាក់ស្ដែង ជាប្រភេទម្សៅក្រាមពណ៌សថ្លាច្រកចូលក្នុងបំពង់បឺតចំនួន០១ ហើយបន្តទៅឆែកឆេរលំនៅដ្ឋានរកឃើញ នូវវត្ថុតាងប្រភេទនេះចំនួន១៦ខ្នាច់បន្ថែមទៀត។
ក្រោយការចាប់ខ្លួនជនសង្ស័យរួមវត្ថុតាងជាក់ស្តែង កម្លាំងជំនាញនៃការិយាល័ប្រឆាំងគ្រឿងញៀនបានបញ្ជូនមកស្នងការដ្ឋាននគរបាលខេត្តស្ទឹងត្រែងព្រមទាំងបានធ្វើតេស្តលើវត្ថុតាងរកឃើញថា ថ្នាំញៀនខាងលើជាប្រភេទមេតំហ្វេតាមីនម្សៅក្រាមពណ៌សថ្លា សរុបចំនួន១៧ខ្នាច់ បានរក្សាទុកក្នុងបំពង់ទុយោបឺត។ សង្ស័យស្ថិតក្នុងការ សាកសួរបន្តរកជនសង្ស័យនៅពីក្រោយនៃការផ្តល់វត្ថុតាងបទល្មើសអោយជនសង្ស័យសម្រាប់ចែកចាយបន្ត៕
ចែករំលែកព័តមាននេះ