រាជធានីភ្នំពេញ ៖ អ្នកនាងស៊ុនណារី ម៉ូនីកា តារាកំប្លែងជើងចាស់បានជួបបញ្ហាក្នុងគ្រួសារ ដោយកូនប្រុសធ្លាក់ខ្លួនឈឺធ្ងន់ ។ អ្នកនាងស៊ុន ណារីម៉ូនីកា មិនចង់ឱ្យគេដឹងទេ សុខចិត្តទ្រាំលំបាក បើទោះជាចំណាយច្រើនស្ទើរខ្សោះខ្លួនក្តី ។
ដំណឹងនេះត្រូវគេចែកចាយបន្តគ្នាក្រោយពេលលោកអុឹម ជីវ៉ា បង្ហោះរូបទៅសួរសុខទុក្ខអ្នកនាងស៊ុនណារី ម៉ូនីកា ។
កូនរបស់តារាចម្រៀង និងកំប្លែងសុ៊ន ណារីម៉ូនីកា គឺលោកស៊ុន តារាឡង់ឌី បានដឹកយកទៅសង្គ្រោះបន្ទាន់នៅមន្ទីរពេទ្យលោកសង្ឃ ដោយសារជំងឺដំបៅសួត និងទឹកនោមផ្អែមធ្ងន់ ។
ពេលដែលលោកអុឹម ជីវ៉ាទៅសួរសុខទុក្ខដល់មន្ទីរពេទ្យ អ្នកនាងសុ៊នណារី ម៉ូនីកា បាននិយាយទាំងទឹកភ្នែកថា កូនរបស់អ្នកនាងមានជំងឺរាុំរៃ៉ជាយូឆ្នាំមកហើយរហូតធ្វើឱ្យនាងសម្រេចចិត្តលក់ផ្ទះដើម្បីយកប្រាក់ព្យាបាល ។ មកដល់ពេលនេះនាងគ្មានលទ្ធភាពព្យាបាលទៀតទេ ដោយសារ មួយថ្ងៃៗត្រូវចំណាយច្រើនពេកណាមួយអ្នកនាងមិនសូវមានចំណូលផង ។
អ្នកនាងសុ៊នណារី ម៉ូនីកា គឺជារារាកំប្លែងធ្លាប់ជាអតីតសមាជិកក្រុមនាយកុយនាយនិងនាយក្រឹម កន្លងមក ។
អ្នកនាងស៊ុនណារី ម៉ូនីកា ក្រោយសម្រេចចិត្តវិលពីបារាំងមកនៅមាតុភូមិវិញរមែងបង្ហាញវត្តមាននៅតាមវេទិកាជាច្រើន និងតាមកម្មវិធីមិត្តសិល្បៈមួយចំនួន ។ នាងបានច្រៀងឲ្យផលិតកម្មមួយ ប៉ុន្តែមិនសូវលេចធ្លោដូចពីមុន។ ចំណែកការបង្ហាញមុខតាមកញ្ចក់ទូរទស្សន៍ក៏មិនសូវញឹកញាប់ដូចមុនដែរ ។
អ្នកនាងស៊ុនណារី ម៉ូនីកា បានបង្ហូរទឹកភ្នែកក្នុងកិច្ចសម្ភាសន៍ថា នាងពិតជាអស់លទ្ធភាពបន្តការសង្គ្រោះកូនប្រុសរបស់អ្នកនាង គឺកូនប្រុសច្បងវ័យ២៨ឆ្នាំនោះប្រាកដមែន ដោយសារតែគេមានជំងឺដំបៅសួត និងមានជំងឺទឹកនោមផ្អែមក្នុងកម្រិតធ្ងន់ដល់កម្រិតជាង៦០០ បណ្ដាលឲ្យខូចក្រលៀន ។
អ្នកនាងស៊ុនណារី ម៉ូនីកា និយាយថា«ប្រមាណជា៥ឆ្នាំមកហើយដែលកូនប្រុសខ្ញុំកើតមានជំងឺមួយនេះ ហើយត្រូវបង្ខំចិត្តឲ្យនាងខ្ញុំសម្ងំរស់នៅប្រទេសបារាំងអត់បាន ដល់ថ្នាក់សម្រេចចិត្តចុះមកស្រុកខ្មែរដើម្បីមើលថែជំងឺរបស់កូនប្រុស ។
ខ្ញុំបានលក់ផ្ទះជាន់ក្រោមមួយកន្លែងនៅម្ដុំសន្ធរម៉ុក ដោយសុខចិត្តទុកតែផ្ទះជាន់លើដើម្បីរស់នៅ តែខ្ញុំមិនដែលថ្ងូរពីការលំបាករបស់ខ្លួនឲ្យអ្នកណាបានដឹងនោះទេ គឺទើបតែក្នុងពេលដែលកូនប្រុសសង្គ្រោះបន្ទាន់ប៉ុន្មានថ្ងៃចុងក្រោយនេះ ហើយនាងខ្ញុំស្ទើរតែលែងមានលទ្ធភាពបន្តការព្យាបាលប៉ុណ្ណោះ ទើបនាងខ្ញុំដាច់ចិត្តនិយាយថាពិតជាកំពុងពិបាក» ៕
ចែករំលែកព័តមាននេះ