ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីន លោក RODRIGO DUTERTE នាថ្ងៃទី៦ កុម្ភៈ បានចូលរួមក្នុងពិធីកម្ទេចចោលរថយន្តប្រណាំង ព្រមទាំងរថយន្តទំនើបៗឯទៀតជាច្រើនសិបគ្រឿងក្នុងក្របខណ្ឌនៃយុទ្ធនាការរបស់លោកតស៊ូប្រឆាំងអំពើពុករលួយក្នុងផ្ទៃគយរបស់ប្រទេស ។
រថយន្តទាំងនេះ ក្នុងនោះរួមមានរថយន្តធុន JAGUAR មួយ រថយន្ត LEXUS មួយ រថយន្ត
CORVETFE STINGRAY មួយ ព្រមទាំងរថយន្តទំនើបអាល្លឺម៉ង់ច្រើនសិបគ្រឿង និងរថយន្ត
ធុន VUS ជប៉ុនមួយគ្រឿងត្រូវយកទៅកម្ទេចចោលនៅទីធ្លានៃការិយាល័យគយក្រុងម៉ានីល ។
អាជ្ញាធរនិយាយថា រថយន្តទាំងនោះត្រូវចាប់រឹបអូសក្រោយនាំចូលដោយខុសច្បាប់មកកាន់ហ្វ៊ី
លីពីន ។ សរុបរថយន្ត៣០គ្រឿងមានតម្លៃ៦១,៦លានពឺសូ (១,៥លានដុល្លារកាណាដា) ត្រូវបំផ្លាញចោលនៅក្រុងម៉ានីល ព្រមទាំងក្នុងទីក្រុង២ទៀតរបស់ហ្វ៊ីលីពីនតាមបញ្ជារបស់ប្រធានាធិបតី ។
តាមធម្មតាបណ្តារថយន្តដែលចាប់រឹបអូសត្រូវលក់ដេញថ្លៃបញ្ចូលក្នុងថវិការដ្ឋ ។ លោក DUTERTE សន្យាថា ឥតបញ្ហាទេ ខ្ញុំនឹងចេញថ្លៃរថយន្តទាំងនេះចូលថវិការដ្ឋ ។ ភ្នាក់ងារគយមានភារកិច្ចប្រមូលពន្ធលើការនាំចូល ។ គយជាភ្នាក់ងារដែលរកចំណូលច្រើន ក៏ប៉ុន្តែការស៊ើបអង្កេតឯករាជ្យលើបណ្តាភ្នាក់ងាររដ្ឋដែលពុករលួយបំផុតគឺគយនាំមុខគេ ។ ឡើងកាន់អំណាចកាលពីឆ្នាំ២០១៦ លោក DUTERTE បានយកការតស៊ូប្រឆាំងអំពើពុករលួយ និងប្រឆាំងការរត់ពន្ធគ្រឿងញៀនជាអាទិភាពក្នុងអាណត្តិ៥ឆ្នាំរបស់លោក ។ លោកបានធ្វើសង្គ្រាមយ៉ាងបង្ហូរឈាមប្រឆាំងការរត់ពន្ធគ្រឿងញៀនដោយក្នុងសង្គ្រាមនេះប៉ូលិសបានសម្លាប់មនុស្សជាង៤.០០០នាក់រួចហើយ ៕
ចែករំលែកព័តមាននេះ