ខេត្តតាកែវ ៖ មន្ត្រីប៉ូលិសសេដ្ឋកិច្ចបាននិយាយថា រហូតមកដល់ដើមឆ្នាំ២០១៨ ក្នុងខែ១ និងដើមខែ២ ឈ្មួញបាននាំឈើខុសច្បាប់ទៅលក់នៅស្រុកយួនតាមច្រកទឹកដីខេត្តតាកែវមិនតិចជាង១០យីឌុបឡើយហើយករណីដែលមានការដឹកជញ្ជូនឈើខុសច្បាប់យកទៅស្រុកយួនយ៉ាងគក្រិងគក្រេងបែបយ៉ាងរលូនបែបនេះបានដោយសារអ្នករត់ការបន្តពីមេឈ្មួញដឹកជញ្ជូនឈើពីខេត្តផ្សេងជាអ្នកមានអំណាចនៅក្នុងខេត្តទើបធ្វើអោយសមត្តកិច្ច មានប៉ូលិស កងរាជអាវុធហត្ថ និងយោធា ពិសេសជំនាញមេព្រែដែលឈរជើងនៅខេត្តតាកែវអត់ហានបង្ក្រាបឡើយ ។
មន្ត្រីប៉ូលិសដដែលបានបន្តទៀតថាបច្ចុប្បន្ននេះក្នុង១ខែត្រូវឈ្មួញដឹកជញ្ជូនឈើខុសច្បាប់តាមរថយន្តយីឌុបពីខេត្តផ្សេងៗមកដោយឆ្លងកាត់ខេត្តតាកែវ១ជើងមាន៣យីឌុប១ខែ៥ទៅ៦ជើងសរុបទៅមិនក្រោម១៥យីឌុបឡើយបញ្ហានេះមិនដែលឃើញមានសមត្ថកិច្ចឬជំនាញមេព្រែថ្នាក់ណាមួយហានចេញមុខបង្ក្រាបឡើយព្រោះតែអ្នកកាងបន្តពីមេឈ្មួញជាអ្នកមានអំណាចធំក្នុងខេត្ត។ បើតាមសម្តីមេព្រែខេត្តម្នាក់បានបង្ហើបប្រាប់ថាករណីអ្នកមានអំណាចកាងឡានដឹកឈើបន្តពីមេឈ្មួញខេត្តផ្សេងរួចដឹកបន្តយកទៅលក់នៅស្រុកយួនដោយខុសច្បាប់នោះសមត្ថកិច្ចក្នុងខេត្តនរណាក៏បានដឹងដែរតែបានត្រឹមតែម៉ាដឹងតែប៉ុណ្ណោះ ហើយចំពោះច្រកដែលអ្នកមានអំណាចកាងឈើខុសច្បាប់យកទៅល4ក់នៅស្រុកយួនបានយ៉ាងរលូននោះគឺនៅកំពង់ទូកក្បាលពោស្ថិតក្នុងភូមិក្បាលពោឃុំសំបួរស្រុកទ្រាំងនៅពេលយប់តាមទូករួចដឹកតាមបណ្តោយស្ទឹងស្រុកបូរីជលសារដោយដឹកចូលទៅស្រុកយួនតាមច្រកទ្វេភាគីកំពង់ក្រសាំង ព្រោះបច្ចុប្បន្ននេះនៅខាងគយវៀតណាមគេរឹតបន្តិងដឹកចូលតាមច្រករបៀងគេនិងចាប់តែបើតាមច្រកទ្វាប៉ុស្កិធំគយយួនអត់ចាប់ទេ ។
ពាក់ពន្ធ័ទៅនឹងករណីខាងលើនេះមេព្រែក្នុងខេត្តតាកែវគ្រប់ថ្នាក់បាននិយាយថាបានត្រឹមតែដឹងអត់ហានទៅក្បែផង។ ចំណែកលោកឧត្តមសេនី ឡា ឡែ មេបញ្ជាការកងរាជអាវុធហត្ថខេត្តបានប្រាប់កោះសន្តិភាពយើងតាមទូរសព្ទ័នៅរសៀលថ្ងែទី៦ ខែកុម្ភៈ ឆ្នាំ២០១៨ នេះថារឿងមានការនាំឈើទៅលក់នៅស្រុកយួនតាមច្រកកំពង់ក្រសាំងនោះលោកអត់បានដឹងទេ តែកន្លងមកកំលាំងរបស់លោកបានចាប់ឈើខុសច្បាប់បានច្រើនជាងសមត្ថកិច្ចផ្សេងហើយរឿងនេះសួរទៅមេព្រែទើបបានដឹងហើយបើខាងអ្នកកាសែតដឹងជួយថតនិងប្រាប់គាត់ផងគាត់និងចុះទៅចាប់ ។ លោកឧត្តមសេនីទោ សុខ សំណាង ស្នងការនគរបាលខេត្តតាកែវ បានប្រាប់កោះសន្តិភាពយើងតាមទូរសព្ទ័ថាពូអត់ដឹងទេរឿងនេះពូពិបាកណាស់អត់ហានប៉ះទេ ៕
ចែករំលែកព័តមាននេះ