សេចក្ដីប្រកាសព័ត៏មាន កម្មវិធីជម្រុញអាជីកម្មខ្នាតតូចនិងកណ្ដាលរបស់សភាយុវពាណិជ្ជករកម្ពុជា : Business Aspirant
- ភ្នំពេញ
ថ្ងៃច័ន្ទ ទី០៥ ខែកុម្ភៈ ឆ្នាំ២០១៨ : Junior Chamber International Cambodia Chaktomuk…
ថ្ងៃច័ន្ទ ទី០៥ ខែកុម្ភៈ ឆ្នាំ២០១៨ : Junior Chamber International Cambodia Chaktomuk…
ថ្ងៃច័ន្ទ ទី០៥ ខែកុម្ភៈ ឆ្នាំ២០១៨ : Junior Chamber International Cambodia Chaktomuk (JCI សភាយុវពាណិជ្ជករកម្ពុជា – សាខាចតុមុខ) សហការជាមួយធនាគារ អ អេច ប៊ី ឥណ្តូឆៃណា ដោយមោទនភាពបង្ហាញជាផ្លូវការពីកម្មវិធីជុំរុញសហគ្រាសខ្នាតតូចនិងមធ្យម (MSME) ហៅកាត់ថា “Business Aspirant” ដែលមានគោលបំណងលើកកម្ពស់ សហគ្រិនកម្ពុជា ក្នុងការអភិវឌ្ឍន៏ជំនួញរបស់ពួកគេអោយមានស្ដង់ដារកាន់តែប្រសើរឡើង ។
ដោយសារប្រទេសកម្ពុជា ជាប្រទេសដែលមានសេដ្ឋកិច្ចបើចំហរ ប្រជាសាស្ត្រចម្រុះ ទីក្រុងដែលរស់រវើកនិងពហុភាសាព្រមទាំងគោលនយោបាយសេដ្ឋកិច្ចបើកទូលាយរបស់រដ្ឋាភិបាលកម្ពុជាបានប្រែក្លាយ ប្រទេលស ទៅជាដែនដីនៃឱកាស។ ជាលទ្ធផលសហគ្រាសខ្នាតតូចនិងមធ្យមបានរីកចម្រើនយ៉ាងឆាប់រហ័សគួរអោយកត់សម្គាល់។ សហគ្រាសខ្នាតតូចនិងមធ្យម (MSMEs) ដើរតួនាទីយ៉ាងសំខាន់ក្នុងការរួមចំណែកដល់កំណើនសេដ្ឋកិច្ចរបស់ប្រទេសកម្ពុជា។ ជាក់ស្ដែង យោងតាមប៉ាន់ប្រម៉ានរបស់រដ្ឋាភិបាលកម្ពុជា 40% ទៅ 50% នៃការងារសរុបអាចត្រូវបានបង្កើតដោយសហគ្រាសខ្នាតតូចនិងមធ្យម។
ថ្វីបើវាមានតួនាទីសំខាន់ក្នុងការបង្កើតការងារនិងការអភិវឌ្ឍសេដ្ឋកិច្ចក៏ដោយ MSME ភាគច្រើននៅតែប្រឈមនឹងបញ្ហាជាច្រើនដែលរារាំងដល់ដំណើរពង្រីកខ្លួនរបស់សហគ្រាស។ ជាក់ស្ដែងបញ្ហាប្រឈមមួយចំនួនរួមមាន: កង្វះនៃការតភ្ជាប់រវាងសហគ្រាសនិងអ្នកផ្គត់ផ្គង់ ខ្វះខាតលទ្ធភាពទទួលបានព័ត៌មានម្ចាស់អាជីវកម្ម កង្វះខាតដើមទុន។ ល។ ជាឧទាហរណ៍លទ្ធភាពទទួលបានហិរញ្ញវត្ថុ គឺជាឧបសគ្គមួយក្នុងចំណោមឧបសគ្គជាច្រើន ដែលបណ្ត ល មកពីសមត្ថភាពរបស់សហគ្រាសធុនតូចនិងមធ្យមនៅមានកំរិតនៅឡើយ ក្នុងការរៀបចំឯកសារហិរញ្ញវត្ថុអោយគោរពទៅតាមស្តង់ដារ។
គម្រោង JCI Business-Aspirant នឹងដើរតួជាអ្នកតភ្ជាប់រវាងសហគ្រាសខ្នាតតូចនិងមធ្យមទៅកាន់អ្នកផ្តល់សេវាកម្មដូចជាៈក្រុមហ៊ុនជំនាញច្បាប់, គ្រឺះហិរញ្ញវត្ថុ, ក្រុមហ៊ុនដំណោះស្រាយផ្នែកបច្ចេកវិទ្យាជាដើម ដើម្បីជួយអោយសហគ្រាសទាំងនោះប្រែក្លាយខ្លួនអោយកាន់តែមានស្ដង់ដា។ កញ្ញា ឡាយ ហ៊ុយហួយប្រធានគម្រោង ក៏មានយោបល់ផងដែរថា «កម្មវិធី Business Aspirant នឹងដើរតួនាទីជាស្ពានដែលតភ្ជាបគ្រប់សហគ្រាសខ្នាតតូចនិងមធ្យមទាំងអស់ ជាមួយនឹងដៃគូរកស៊ីនិងធនធាន ដែលអាចជឿទុកចិត្តបាន» ។
លើសពីនេះទៀត គម្រោងនេះមិនត្រឹមតែភ្ជាប់ពួកគេទៅនឹងធនធានដែលជឿទុកចិត្តនោះទេប៉ុន្តែ ថែមទាំងផ្តល់នូវការបណ្តុះបណ្តាលជំនាញដែលមានសារៈសំខានសម្រាប់ការធ្វើអាជីវកម្ម ដល់សហគ្រិនមួយកំរិតទៀត។ បន្ថែមពីលើនេះទៅទៀតនោះ សហគ្រិនឬអ្នកជំនួញដែលជោគជ័យត្រូវបានអញ្ជើញជាគណៈកម្មាធិការប្រឹក្សាយោបល់ និងផ្តល់ដំបូន្មានទៅលើ MSME ដែលចុះឈ្មោះចូលរួម ដែលក្នុងនោះរួមមានលោកជី សិលា-ស្ថាបនិកនៃក្រុមហ៊ុន Sabay Corp.; ឧកញ្ញ៉ាកែវ មុំ-ស្ថាបនិកក្រុមហ៊ុនលីលី; ឧកញ្ញ៉ាស្រ៊ាត មុំសុភា-ស្ថាបនិកនិងនាយិការនៃ SOPHIYA Corp និង លោកវា វីរៈ-ស្ថាបនិកក្រុមហ៊ុនអចលនទ្រព្យ Century 21 Fortuna Investment។
លោកជី សិលាស្ថាបនិកនៃក្រុមហ៊ុន Sabay ក៏មានប្រសាសន៍ផងដែរថា “ការផ្លាស់ប្តូរឬប្រែក្លាយអាជីវកម្មទៅអោយមាននិរន្តរភាពមិនមែនជាកិច្ចការងាយស្រួលនោះទេ, ការអភិវឌ្ឍន៍អាជីវកម្មនេះទាមទារអោយមានការត្រួតពិនិត្យឥតឈប់ឈរ និងការណែនាំ ហើយវាកាន់តែប្រសើរបើសិនបើពួកគាត់បានទទួលការណែនាំពីសហគ្រិនដែលមានបទពិសោធន៏ឬជោគជ័យដែលមានជំនាញក្នុងវិស័យរបស់ពួកគេ”។
កម្មវិធីនេះនឹងដើតួជាវេទិកាសម្រាប់សហគ្រាសធុនតូចនិងមធ្យម (MSMEs) ដើម្បីភ្ជាប់ជាមួយអ្នកផ្តល់សេវាកម្ម/ ផលិតផល ហើយសំខាន់ជាងនេះទៀតត្រូវជំរុញឱ្យសហគ្រាសខ្នាតតូចនិងមធ្យមនៅកម្ពុជាអភិវឌ្ឍអោយមានស្តង់ដារប្រសើរជាងមុន តាមរយៈការប្រឹក្សាយោបល់ ការបង្ហាត់បង្រៀនព្រមទាំងណែនាំ។ គូសបញ្ចាក់ផងដែរថាកម្មវិធី Business Aspirantនឹងចាប់ផ្ដើមបើទទួលពាក្យចាប់ពីថ្ងៃទី០៥ ខែកុម្ភៈនេះដល់ថ្ងៃទី០៧ ខែមិនាឆ្នាំ២០១៨។
លោកលីម លូងសេង,នាយកគ្រប់គ្រងនិងជាប្រធានប្រចាំប្រទេសនៃធនាគារ RHB Indochina Bank Ltd.បានមាន ប្រសាសន៍ថា “យើងចង់ត្រួសត្រាយផ្លូវសម្រាប់យុវជនកម្ពុជាឱ្យចូលធ្វើអាជីវកម្មក្នុងស្រុកនិងអន្តរជាតិ។ ហើយយើងសង្ឃឹមយ៉ាងមុតមាំថាការបណ្ដុះបណ្ដាលនឹងក្លាយជាផ្លែផ្កាមួយហើយធនាគារ អ អេច ប៊ី នឹងបន្តកិច្ចខិតខំប្រឹងប្រែងរបស់ខ្លួនដើម្បីពង្រឹងជំហររបស់ខ្លួននៅក្នុងទីផ្សារសហគ្រាសខ្នាតតូចនិងមធ្យមដោយមានកិច្ចព្រមព្រៀងនិងការច្នៃប្រឌិតថ្មីៗដើម្បីជំរុញកំណើនសេដ្ឋកិច្ចរបស់ប្រទេសកម្ពុជា”
ព័ត៌មានបន្ថែម: https://goo.gl/forms/Uh6jDkN9JOTJ73Wa2
ទូរស័ព្ទ: +(855) 81 232 617
បណ្ដាញសង្គម: https://www.facebook.com/jcibusinessaspirant/
ចែករំលែកព័តមាននេះ