រាជធានីភ្នំពេញ ៖ ជនសង្ស័យដែលជាមុខសញ្ញាជួញដូរគ្រឿងញៀនដ៏សកម្ម និងទ្រង់ទ្រាយធំ២នាក់ ត្រូវបានកម្លាំងនគរបាលខណ្ឌដង្កោដឹកនាំដោយលោកវរៈសេនីយ៍ឯកជឹម ស៊ីថា អធិការនគរបាលខណ្ឌចុះបង្ក្រាប និងចាប់ខ្លួនបានដោយដកហូតបានគ្រឿងញៀនចំនួន៥កញ្ចប់ធំ ។ ប្រតិបត្តិការនេះបានធ្វើឡើងកាលពីវេលាម៉ោង១០នាទីព្រឹកថ្ងៃទី០៨…
រាជធានីភ្នំពេញ ៖ ជនសង្ស័យដែលជាមុខសញ្ញាជួញដូរគ្រឿងញៀនដ៏សកម្ម និងទ្រង់ទ្រាយធំ២នាក់ ត្រូវបានកម្លាំងនគរបាលខណ្ឌដង្កោដឹកនាំដោយលោកវរៈសេនីយ៍ឯកជឹម ស៊ីថា អធិការនគរបាលខណ្ឌចុះបង្ក្រាប និងចាប់ខ្លួនបានដោយដកហូតបានគ្រឿងញៀនចំនួន៥កញ្ចប់ធំ ។ ប្រតិបត្តិការនេះបានធ្វើឡើងកាលពីវេលាម៉ោង១០នាទីព្រឹកថ្ងៃទី០៨ ខែកុម្ភៈ ឆ្នាំ២០១៨ នៅតាមផ្លូវបេតុងស្ថិតនៅមុខហាងកាហ្វេមួយកន្លែងស្ថិតនៅក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
ជនសង្ស័យទាំង២នាក់ខាងលើម្នាក់ឈ្មោះ នុត លីណា ភេទប្រុស អាយុ៣០ឆ្នាំ ស្នាក់នៅផ្ទះជួល ក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ ។ មានស្រុកកំណើតនៅក្នុងភូមិត្រពាំងជ្រៃ ឃុំស្វាយធំ ស្រុកកំពត ខេត្តកំពត ។ ចំណែកម្នាក់ទៀតឈ្មោះ យឹម ប៊ុនឆៃ ភេទប្រុស អាយុ២៨ឆ្នាំ ស្នាក់នៅផ្ទះជួល ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
នគរបាលដកហូតបានថ្នាំញៀនចំនួន៥កញ្ចប់ធំ មានទម្ងន់ប្រហែលជិត១គីឡូក្រាម ម៉ូតូចំនួន២គ្រឿង ក្ន្ងុងនោះមានម៉ូតូ សេ១២៥ ពណ៌ខ្មៅ ស៊េរីឆ្នាំ២០១៧ កាំបន្ទះ ពាក់ស្លាកលេខ ភ្នំពេញ ១GM-២៦៣២ និងមួយគ្រឿងទៀត ពាក់ស្លាកលេខ ភ្នំពេញ ១CU-៦៥៥២ ។
នគរបានបានឲ្យដឹងថា កម្លាំងនគរបាលខណ្ឌដង្កោបានធ្វើការស្រាវជ្រាវយូរមកហើយ បន្ទាប់ពីប្រជាពលរដ្ឋផ្ដល់ព័ត៌មកថា ជនសង្ស័យទាំង២នាក់នេះ គឺជាមុខសញ្ញាជួញដូរគ្រឿងញៀនយ៉ាងសកម្មបំផុត ។ បន្ទាប់មកលោកវរៈសេនីយ៍ឯកជឹម ស៊ីថា អធិការនគរបាលខណ្ឌ បានដាក់កម្លាំងនគរបាលខណ្ឌនិងនគរបាលប៉ុស្ដិ៍តាមឃ្លាំមើល រហូតកំណត់បានច្បាស់ហើយទើបធ្វើការបង្ក្រាប និងចាប់ខ្លួនបានបែបនេះតែម្ដង ។
ប្រភពដដែលបានបន្តទៀតថា ការចាប់ខ្លួននោះបានធ្វើឡើងក្នុងខណៈពេលដែលជនសង្ស័យកំពុងជិះម៉ូតូតាមផ្លូវចេញធ្វើសកម្មភាពជួញដូរ ។ បន្ទាប់មកបាននាំពួកគេរួមជាមួយវត្ថុតាងទៅធ្វើការសាកសួរនៅប៉ុស្ដិ៍ដង្កោរង់ចាំការកសាងសំណុរឿងចាត់ការតាមច្បាប់ ៕
ចែករំលែកព័តមាននេះ