ជនស៊ីវិលយ៉ាងតិច២៨នាក់ ក្នុងនោះមានកុមារ៧នាក់បានត្រូវស្លាប់កាលពីថ្ងៃទី៥ កុម្ភៈ នៅស៊ីរី ដោយសារការវាយប្រហារតាមអាកាសយ៉ាងខ្លាំងក្លារបស់កងទ័ពស៊ីរីលើតំបន់ឧទ្ទាមមួយជិតក្រុងដាម៉ាស់ ។ នេះជាសោកនាដកម្មថ្មីរយៈពេលតែមួយថ្ងៃសម្រាប់ជនស៊ីវិលក្នុងជម្លោះ ។ ការវាយប្រហារលើតំបន់ GHOUTA…
ជនស៊ីវិលយ៉ាងតិច២៨នាក់ ក្នុងនោះមានកុមារ៧នាក់បានត្រូវស្លាប់កាលពីថ្ងៃទី៥ កុម្ភៈ នៅស៊ីរី ដោយសារការវាយប្រហារតាមអាកាសយ៉ាងខ្លាំងក្លារបស់កងទ័ពស៊ីរីលើតំបន់ឧទ្ទាមមួយជិតក្រុងដាម៉ាស់ ។ នេះជាសោកនាដកម្មថ្មីរយៈពេលតែមួយថ្ងៃសម្រាប់ជនស៊ីវិលក្នុងជម្លោះ ។
ការវាយប្រហារលើតំបន់ GHOUTA ខាងកើត ភាគខាងកើតក្រុងដាម៉ាស់ធ្វើឡើងក្រោយពីការទម្លាក់គ្រាប់បែកយ៉ាងខ្លាំងក្លានៅខេត្តអុីដលីបកាន់កាប់ដោយពួកឧទ្ទាមនៅភាគពាយ័ព្យប្រទេសដោយនៅទីនោះរបបលោកបាចាអាល់អាសាដ ជាប់សង្ស័យជាថ្មីថា ប្រើប្រាស់ឧស្ម័នពុល ។ នៅប្រទេសស៊ីរីដែលធ្លាក់ក្នុងសង្គ្រាមចាប់ពីឆ្នាំ២០១១មក ខែមករា ឆ្នាំនេះជាខែយ៉ាងបង្ហូរឈាមដោយតាមអង្គការយូនីសេហ្វថា កុមារ៥៩នាក់ស្លាប់ក្នុងអំពើហិង្សា ។
អង្គការសិទ្ធិមនុស្សស៊ីរី OSDH រាយការណ៍ថា កាលពីថ្ងៃទី៥ កុម្ភៈ ជនស៊ីវិល២៨នាក់ ក្នុងនោះមានកុមារ៧នាក់ស្លាប់ ដោយសារការវាយប្រហារតាមអាកាសរបស់កងទ័ពស៊ីរីសំដៅលើមូលដ្ឋានជាច្រើននៃតំបន់ GHOUTAខាងកើត ។ ការវាយប្រហារយ៉ាងបង្ហូរឈាមសំដៅលើមូលដ្ឋាន BEIT SAWA ដែលនៅ
ទីនោះមនុស្ស១០នាក់ ក្នុងនោះមានកុមារ២នាក់ស្លាប់នៅផ្សារមួយ ។ ផ្សារមួយនៅមូលដ្ឋាន ARBINE ក៏រងការវាយប្រហារដែរ ហើយជនស៊ីវិល៩នាក់ស្លាប់ ។
នេះជាការសងសឹកចំពោះការវាយប្រហាររបស់ពួកឧទ្ទាម ដោយគ្រាប់ផ្លោង
លើរដ្ឋធានី បណ្តាលឱ្យនារីម្នាក់ស្លាប់ ហើយមនុស្ស៤នាក់ទៀតរងរបួស ៕
ចែករំលែកព័តមាននេះ