រាជធានីភ្នំពេញ ៖ តារាចម្រៀង និងតារាសម្តែងល្បីឈ្មោះមួយចំនួនដែលបានចាកចេញទៅរស់នៅក្រៅប្រទេសបានបង្ហាញមុខព្រមគ្នានៅកម្ពុជានៅដើមឆ្នាំ២០១៨នេះ ។ តារាខ្លះបានសាងជីវិតថ្មីនៅលើទឹកដីអាមេរិកដោយបានស្វាមីជាអាណិកជនខ្មែរនៅទីនោះ ។ សិល្បការិនីទាំងនោះនៅតែមហាជននៅក្នុងស្រុក និងអ្នកសិល្បៈរួមជំនាន់ ព្រមទាំងរលកក្រោយនឹករលឹក…
រាជធានីភ្នំពេញ ៖ តារាចម្រៀង និងតារាសម្តែងល្បីឈ្មោះមួយចំនួនដែលបានចាកចេញទៅរស់នៅក្រៅប្រទេសបានបង្ហាញមុខព្រមគ្នានៅកម្ពុជានៅដើមឆ្នាំ២០១៨នេះ ។ តារាខ្លះបានសាងជីវិតថ្មីនៅលើទឹកដីអាមេរិកដោយបានស្វាមីជាអាណិកជនខ្មែរនៅទីនោះ ។ សិល្បការិនីទាំងនោះនៅតែមហាជននៅក្នុងស្រុក និងអ្នកសិល្បៈរួមជំនាន់ ព្រមទាំងរលកក្រោយនឹករលឹក និងចង់ដឹងពីសុខទុក្ខ ។
សម្រាប់ដើមឆ្នាំ២០១៨ នេះចាត់ទុកថាជារឿងប្លែកមួយដែលសិល្បការិនីជាច្រើននាក់បង្ហាញមុខព្រមគ្នានៅកម្ពុជាដូចជាណាត់គ្នា ។ តារាស្រីទាំងអស់នោះមានអ្នកស្រីឆោម ឆ វិន តារាចម្រៀងល្បីតាំងពីអំឡុងទសវត្ស៨០ ។ តារាភាពយន្តអម្ពរ ទេវីត្រូវគេដឹងថាមកសម្តែងរឿងភាគរបស់ទូរទស្សន៍ ។តារាចម្រៀងឆោម និមល តែងតែមកលេងស្រុកកំណើតជារៀងរាល់ឆ្នាំ ។
អ្នកនាងគឹម លីហ្សា ដែលចេញទៅនៅអូស្ត្រាលីទើបបានជាង២ឆ្នាំបានមកលេងស្រុកកំណើតជាលើកទី១ ។
តារាចម្រៀងអ្នកនាងផាន់ ណាវី ដែលទៅនៅអាមេរិកយូរឆ្នាំ បានមកលេងស្រុកកំណើតក្នុងអារម្មណ៍នឹករលឹកបំផុត ។ រស់នៅសហរដ្ឋអាមេរិកអ្នកនាងផាន់ ណាវី មានកូនប្រុស២នាក់ ។ នាងធ្លាប់ល្បីឈ្មោះនៅក្នុងពិភពសិល្បៈចម្រៀង ។ ពេលនេះនាងមិនទទួលឡើងសម្តែងលើឆាក ឬបង្ហាញមុខក្នុងកម្មវិធីសិល្បៈទេ ដោយសារតែនាងមកក្នុងគម្រោងការងារផ្ទាល់ខ្លួន ហើយប្រញាប់ទៅវិញ ។
ដំណើរមកលេងស្រុកលើកនេះ តារាសម្ដែងអ្នកនាងគឹម លីហ្សា មិនត្រឹមតែប្រកាសឡើងឆាក និងទទួលថតមុនដំណើរត្រឡប់ទៅអូស្ត្រាលីវិញប៉ុណ្ណោះទេ អ្នកនាងបញ្ជាក់ថាមានផលិតករ និងអ្នកត្រូវការឲ្យនាងចេញថត និងឡើងឆាកទាក់ទងមកជាច្រើនរហូតដល់នាងអត់មានពេលទំនេរ ។ ចំណែកកូនប្រុសរបស់នាង ក៏ត្រូវក្រុមហ៊ុនផលិតផលទឹកដោះគោ និងផលិតរបស់ប្រើប្រាស់កូនក្មេងធំមួយ ទាក់ទងឲ្យថតស្ប៉តដែរ ៕
ចែករំលែកព័តមាននេះ