ខេត្តបន្ទាយមានជ័យ ៖ សពពលករខ្មែរម្នាក់ត្រូវបានភាគីថៃបញ្ជូនឲ្យសាច់ញាតិតាមច្រកទ្វារអន្តរជាតិប៉ោយប៉ែតនៅម៉ោងជាង៥ល្ងាចថ្ងៃទី០៦ ខែកុម្ភៈ ឆ្នាំ២០១៨ ស្លាប់ដោយសារធ្លាក់ពីលើអគារការដ្ឋានសំណង់មួយនៅខេត្តសារ៉ាក់បុរីប្រទេសថៃ ។
ជនរងគ្រោះឈ្មោះ គិត ប៊ុនថេត ភេទប្រុស អាយុ២៩ឆ្នាំ ជាកម្មករសំណង់ ដែលស្នាក់នៅក្នុងខេត្តកើតហេតុខាងលើ និងមានទីលំនៅភូមិត្រពាំងក្រឡាញ់ ឃុំមហាសាំង ស្រុកភ្នំស្រួច ខេត្តកំពង់ស្ពឺ ។
តាមសាច់ញាតិប្រាប់ឲ្យដឹងថា ជនរងគ្រោះជួបគ្រោះថ្នាក់ធ្លាក់ពីលើអគារការដ្ឋានសំណង់កម្ពស់ប្រហែល៤ម៉ែត្រ ខណៈឡើងធ្វើជាជាងសំណង់ ហើយរអិលជើងធ្លាក់បាក់.កស្លាប់ ។ សពរងគ្រោះត្រូវបានក្រុមសាច់ញាតិដឹកតាមរថយន្តផ្ទាល់ខ្លួនតូចមួយមិនស្គាល់ម៉ាកទៅលំនៅដ្ឋាន ក្រោយភាគីថៃបញ្ជូនដល់កម្ពុជា ដើម្បីយកទៅធ្វើបុណ្យតាមប្រពៃណី៕
ចែករំលែកព័តមាននេះ