ខេត្តកណ្ដាល ៖ ស្ត្រីជាពលការិនីនៅប្រទេសកូរ៉េម្នាក់មានប្ដីរួចទៅហើយ ប៉ុន្តែមានចិត្តមិនស្មោះត្រង់ ជាមួយប្តីលួចលាក់មានស្នេហាជាមួយនឹងបុរសម្នាក់ទៀត។ ប៉ុន្តែទំនាក់ទំនងស្នេហានោះបាន ធ្វើឡើងតាមរយៈឆាតបណ្ដាញសង្គមហ្វេសប៊ុក ហើយពីមួយថ្ងៃទៅមួយថ្ងៃនាងបានលង់ស្នេហ៍ ជាមួយបុរសនោះយ៉ាងខ្លាំងដោយមិនបានដឹងថា បុរសនោះគឺជាមុខសញ្ញាចោរប្លន់…
ខេត្តកណ្ដាល ៖ ស្ត្រីជាពលការិនីនៅប្រទេសកូរ៉េម្នាក់មានប្ដីរួចទៅហើយ ប៉ុន្តែមានចិត្តមិនស្មោះត្រង់ ជាមួយប្តីលួចលាក់មានស្នេហាជាមួយនឹងបុរសម្នាក់ទៀត។ ប៉ុន្តែទំនាក់ទំនងស្នេហានោះបាន ធ្វើឡើងតាមរយៈឆាតបណ្ដាញសង្គមហ្វេសប៊ុក ហើយពីមួយថ្ងៃទៅមួយថ្ងៃនាងបានលង់ស្នេហ៍ ជាមួយបុរសនោះយ៉ាងខ្លាំងដោយមិនបានដឹងថា បុរសនោះគឺជាមុខសញ្ញាចោរប្លន់ និងធ្លាប់ជាប់គុក រយៈពេល១២ឆ្នាំ ដែលទើបតែចេញពីគុកឡើយ។ ដោយសារតែស្រលាញ់ខ្លាំងពេក រហូតឈានដល់ហ៊ាន ថតរូបអាក្រាតកាយខ្លួនឯងផ្ញើមកឲ្យជននេះនៅស្រុកខ្មែរមើលថែមទៀត ហើយទីបំផុតក៏ត្រូវបានជននោះ យករូបភាពទាំងអស់គំរាមទារប្រាក់បានជាង៤ម៉ឺនដុល្លារ។ រហូតអស់លុយពីខ្លួនរលីងទើបនាងប្រាប់ប្ដី និងក្រុមគ្រួសារឲ្យដឹងព្រមទាំងធ្វើដំណើរចាកចេញពីប្រទេសកូរ៉េមកស្រុកខ្មែរដាក់ពាក្យប្ដឹងសុំឲ្យនគរបាលស្រុកអង្គស្នួលចាប់ខ្លួនជននោះតែម្ដង។ ហេតុការណ៍ប្រើរូបភាពអាក្រាតគំរាមទារប្រាក់នោះ ចុងក្រោយបានកើតឡើងនៅវេលាម៉ោង១ និង៥នាទីរសៀល ថ្ងៃទី២៨ ខែមករា ឆ្នាំ២០១៨ នៅក្នុងស្រុកហ្វាសងស៊ី ខេត្តចង់គីឌូ ប្រទេសកូរ៉េ ខាងត្បូង។
ស្ត្រីខាងលើមានអាយុ៣១ ឆ្នាំ ជនជាតិខ្មែរ មុខរបរពលការីនី នៅប្រទេសកូរ៉េ ផ្នែកគ្រឿងបន្លាស់រថយន្ត ត្រូវបានជននេះគំរាមឲ្យផ្ញើលុយតាមវីងអស់ សរុបចំនួន៤៣.០០០ដុល្លារ។ ចំណែកបុរសដែលជាជនសង្ស័យឈ្មោះ ផា ផាន់ណា អាយុ ៣២ឆ្នាំមានទីលំនៅក្នុងភូមិដងគោម ឃុំកំពង់អុស ស្រុកពញាឮ ខេត្តកណ្តាល។ ជននេះគឺជាមុខសញ្ញា ចោរប្លន់យ៉ាងសកម្មនៅក្នុងរាជធានីភ្នំពេញ និងធ្លាប់ជាប់គុកព្រៃស និងត្រពាំងផ្លុងរយៈពេល១២ឆ្នាំ ចាប់ពីឆ្នាំ២០០៣ ដល់ឆ្នាំ២០១៤។ ដោយឡែកពេលនេះត្រូវនគរបាលស្រុកអង្គស្នួលឃាត់ខ្លួនបានត្រង់ នៅចំណុច ស្ថានីយប្រេងឥន្ធនៈLHR ស្ថិតនៅក្នុងភូមិឃ្លាំងស្បែក ឃុំកំពង់ហ្លួង ស្រុកពញាឮ ខេត្ត ខេត្តកណ្ដាល វេលារសៀលថ្ងៃទី០៥ ខែកុម្ភៈ ឆ្នាំ២០១៨។ នៅក្នុងខណៈដែលនគរបាលដកហូតបាន វត្ថុតាងមួយចំនួនពីជននោះរួមមាន ក្រដាសលេខកូដ Wing ចំនួន១៥សន្លឹក មានទឹកលុយសរុប ១,២៨២០ដុល្លារ ម៉ូតូម៉ាកហុងដាស្កូពី ពណ៌ស ស្លាកលេខ ភ្នំពេញ 1GQ-9967, ទូរស័ព្ទ ០១ គ្រឿង ,កាបូបដៃ០១ មានលុយ ៣០ដុល្លារ,អត្តសញ្ញាណប័ណ្ណ ០១សន្លឹក,ខ្សែដៃប្លាទីន១ខ្សែ ,ខ្សែក០១ខ្សែ ,ចិញ្ចៀន០១ វង់ និងខ្សែចង្កេះប្រាក់០១ ខ្សែ។
នគរបាលបានឲ្យដឹងថា ស្ត្រីរងគ្រោះ បានចេញទៅធ្វើការ នៅប្រទេសកូរ៉េលើកដំបូងនោក្នុង ថ្ងៃទី០២ ខែធ្នូ ឆ្នាំ២០១៣។ លុះដល់ថ្ងៃទី១៩ ខែកុម្ភៈ ឆ្នាំ២០១៧ បានសុំច្បាប់ថៅកែត្រលប់មកស្រុកកំណើតវិញមួយរយៈ ដើម្បីរៀបការប្ដី ហើយក្រោយពេលរៀបការ រួចនាងបានសម្រាកនៅរួមរស់ជាមួយប្ដីបានរយៈពេល១ខែ០៥ថ្ងៃ ទើបវិលត្រលប់ទៅធ្វើការនៅប្រទេស កូរ៉េវិញគឺនៅថ្ងៃទី០១ ខែមេសា ឆ្នាំ២០១៧។ លុះដល់នៅដើមខែឧសភា ឆ្នាំ២០១៧ នាងបានចាប់ផ្ដើម បែកឆ្វេងដោយមានទំនាក់ទំនងជាមួយជនសង្ស័យ ឈ្មោះ ផា ផាន់ណា តាមរយៈ បណ្ដាញសង្គមហ្វេសបុក និងបានសាសងគ្នាលេងតាមឆាត ជាមួយអាខោនជនសង្ស័យឈ្មោះ Srey Nang ចំណែករបស់នាងរងគ្រោះគឺ (Sok Chen)។ ប្រភពដដែលបានបន្តទៀតថារហូតដល់ក្នុងខែមិថុនា ឆ្នាំ២០១៧ ទំនាក់ទំនងស្គាល់គ្នានោះឈានដល់ការស៊ីជម្រៅ រហូតឈានដល់ស្រលាញ់គ្នាទៅវិញទៅមក។ មិនតែប៉ុណ្ណោះបានថតlive វីដេអូរបង្ហាញកេរ្តិ៍ភេទ ឲ្យគ្នាមើលទៅវិញទៅមកជាច្រើនដងថែមទៀតផង។ បន្តបន្ទាប់ពីបានរូបភាពអាក្រាតកាយពីនារីរងគ្រោះ ពេញក្នុងដៃហើយជនសង្ស័យ បានចាប់ផ្ដើមយករូបនោះគំរាមទារលុយពីជនរងគ្រោះ ដោយគំរាមនាងថា បើមិនឲ្យទេរូបគេនឹងយករូបអាក្រាតទាំងនោះបង្ហាញ និងបង្ហោះប្រាប់ទៅឲ្យក្រុមគ្រួសារ និងប្ដីរបស់នាង ដឹង ឲ្យឈឺចាប់ក្អួតឈាម និងខ្មាស់គេមិនខានឡើយ។
ខណៈនោះដោយសារតែខ្លាចបែករឿង ដឹងដល់ប្ដី និងក្រុមគ្រួសារទើបនាងសុខចិត្តវេរលុយតាមវីងឲ្យជននេះជាបន្តបន្ទាប់ដោយចាប់ពីថ្ងៃទី២៦ ខែមិថុនា ឆ្នាំ២០១៧ ដល់ខែធ្នូ ឆ្នាំ ២០១៧ អស់សរុប ចំនួន៦.០០០ដុល្លារ(ប្រាំមួយពាន់ដុល្លារ)។ បន្ទាប់មកជននេះបានបន្តគំរាមយកលុយរហូតនាងអត់លុយបានទាក់ទងដោយសម្ងាត់មកកាន់បងប្អូនដែលបើកនៅខេត្តកំពង់ឆ្នាំងឲ្យជួយវេរលុយឲ្យសរុប១១,០០០ដុល្លារ។ ក្រោយមកនាងបានសងទៅបង ប្អូន ខាងលើទើបតែបានចំនួន៣,០០០ដុល្លារតែប៉ុណ្ណោះ។ ប្រភពខាងកើបានបន្តទៀតថា មិនបានប៉ុន្មានផងជននោះបានគំរាមទារលុយទៀត ពេលនោះនាងបានទាក់ទងទៅមិត្តភក្ដិនាងដែល ធ្វើការនៅប្រទេសកូរ៉េដូចគ្នា ហើយមានបងប្អូននៅស្រុកខ្មែរ រកស៊ីវេរលុយ ខ្មែរ-កូរ៉េ-មានទីតាំងនៅក្នុងខេត្តពោធិ៍សាត់ ឲ្យជួយទាក់ទងគ្នាបន្តមកបងប្អូនរបស់ខ្លួនមួយទៀត នៅខេត្តព្រៃវែងជួយបើកវីងបានសរុបលុយ៨.៧៩០ដុល្លាររួចផ្ញើរឲ្យជននោះ។ បន្ទាប់មកចំនួន៣.៥០០ដុល្លារ និងលើកចុងក្រោយផ្ញើរតាមរយៈប្រព័បន្ធWestern Unoin ពីប្រទេសកូរ៉េមកខ្មែរ សរុបលុយចំនួន១,៩០០,០០០Won ស្មើនឹង១,៦៥០ដុល្លារ។
ប៉ុណ្ណឹងហើយជនសង្ស័យនៅតែមិនព្រមបញ្ឈប់សកម្មភាពគំរាមទៀត ហើយដោយសារតែខ្លួនអស់មានលទ្ធភាព រកលុយបន្ថែម ឲ្យជនសង្ស័យ បានតទៅទៀតនោះក៏សម្រេចចិត្តប្រាប់ប្ដី និងក្រុមគ្រួសារបានដឹងហើយនាងបានសុំច្បាប់ថៅកែ ត្រលប់មកស្រុកខ្មែរវិញ ហើយដាក់ពាក្យបណ្ដឹងឲ្យនគរបាលស្រុកអង្គស្នួល ជួយចាប់ខ្លួនជននោះចាត់ការតាមច្បាប់តែម្ដង។ នគរបាលបានបន្តទៀតថា ក្រោយពេលទទួលបានបណ្ដឹងជនរងគ្រោះ កម្លាំងបានចុះទៅធ្វើការចាប់ខ្លួនជននោះដល់ស្រុកពញាឮបានភ្លាមៗ នាំយកមកសាកសួរ ហើយជននោះបានសារភាពថាខ្លួនពិតជាបានធ្វើសកម្មភាពគំរាមជនរងគ្រោះមែន។ ចំណែកលុយដែលនាងផ្ញើឲ្យខ្លួនបានស៊ីចាយ និងលេងល្បែងកាស៊ីណូអស់ហើយគ្មានសល់ទេ។ ដោយឡែកជននេះគឺជាមិត្តភក្ដិប្ដីរបស់នាងរងគ្រោះផងដែរ ដោយស្គាល់គ្នាតាមរយៈ ការទៅរៀនភាសាកូរ៉េ នៅក្នុងភូមិស្រែតាជៃ ឃុំអភិវឌ្ឍន៍ ស្រុកទឹកផុស ខេត្តកំពង់ឆ្នាំង ហើយក្រោយមកជននេះក៏បានក្លាទៅយជាគ្រូបង្គោលទៀតផង៕
https://youtu.be/5Gaoooul2Qc
ចែករំលែកព័តមាននេះ