រាជធានីភ្នំពេញ ៖ ជាលើកទីមួយហើយដែលតារាចម្រៀងលោកអ៊ែនឌី បានវាយបកទៅលើមហាជនមួយចំនួនដែលរិះគន់វីដេអូចម្រៀងរបស់លោកដែលបង្កប់ទៅដោយភាពសិចស៊ីស្រើបស្រាល ។ ការឆ្លើយតបរបស់លោកអ៊ែនឌី នេះបន្ទាប់ពីវីដេអូចម្រៀងដែលលោកផលិតចេញកាលពីពេល ថ្មីៗកន្លងមករងការរិះគន់ពីទស្សនិកជន ព្រោះបទចម្រៀង នីមួយៗសុទ្ធតែមានឈុតសម្តែងក្តៅរោលរាលជាមួយនឹងតារាស្រី…
រាជធានីភ្នំពេញ ៖ ជាលើកទីមួយហើយដែលតារាចម្រៀងលោកអ៊ែនឌី បានវាយបកទៅលើមហាជនមួយចំនួនដែលរិះគន់វីដេអូចម្រៀងរបស់លោកដែលបង្កប់ទៅដោយភាពសិចស៊ីស្រើបស្រាល ។
ការឆ្លើយតបរបស់លោកអ៊ែនឌី នេះបន្ទាប់ពីវីដេអូចម្រៀងដែលលោកផលិតចេញកាលពីពេល ថ្មីៗកន្លងមករងការរិះគន់ពីទស្សនិកជន ព្រោះបទចម្រៀង នីមួយៗសុទ្ធតែមានឈុតសម្តែងក្តៅរោលរាលជាមួយនឹងតារាស្រី ផ្សេងៗ ។
អ៊ែនឌី បានចាត់ទុកការរិះគន់នោះគឺកើតចេញពីមនុស្សមួយចំនួនដែលចូលចិត្តនិយាយ តែមិនបានធ្វើ ខណៈពេលដែលវីដេអូចម្រៀងរបស់លោកមានអ្នកទស្សនាច្រើន ។
តារាចម្រៀងលោកអ៊ែនឌី បានបង្ហោះសារតាមហ្វេសប៊ុកឆ្លើយតបទៅកាន់អ្នករិះគន់ទាំងនោះថា «នឿយហត់ណាស់មួយរយៈ នេះមិនដឹងធ្វើយ៉ាងណាឱ្យត្រូវចិត្តអ្នកទាំងអស់គ្នានោះទេ ជួយប្រាប់ផងតើឱ្យខ្ញុំធ្វើយ៉ាងណា ? ខ្ញុំខំអស់ពីលទ្ធភាពរបស់ខ្ញុំហើយ អ្នកទាំងអស់គ្នាមានយល់អត់ ? និយាយវាងាយស្រួលជាងធ្វើ។ MV ខ្ញុំសិចស៊ីមានអ្នកមិនពេញចិត្ត និងជេរតែចូលចិត្តមើលច្រើន តែពេលខ្ញុំថតធម្មតាអ្នកមិនដែលយកភ្នែកមើល ឬក៏សរសើរទេ និយាយទៅអ្នកសិល្បៈខ្មែរគឺមានតែពាក្យថាខុសមួយមុខប៉ុណ្ណោះ ចុះបើអ្នកមិនចូលចិត្តMV របៀបសិចស៊ី អ្នកកុំមើល កុំគាំទ្រ វាចប់បាត់ទៅហើយ លើកក្រោយមានអ្នកណាហ៊ានថតទៀត តែនេះចូលចិត្តមើល រួចហើយជេរ ហើយថាខ្លួនឯងហ្នឹងត្រឹមត្រូវ ។
ខ្មែរមិនជួយខ្មែរផងតើបរទេសណាមកជួយអ្នកឯងទៅ តែបើ Share ពេលគេជេរគ្នា ឈ្លោះគ្នា និងនាំរឿងឱ្យគ្នាវិញ ចូលចិត្តណាស់ នេះហើយចរិតខ្មែរដែលរក្សាវប្បធម៌បានល្អបំផុតនោះ តែបើនិយាយពីការងារត្រឹមត្រូវវិញមិនដែលមើលទេ សូម្បីlike ក៏គ្មានដែរ ។
ខ្ញុំធ្វើចម្រៀង និង MV រាល់ថ្ងៃនេះពិបាកណាស់ ត្រូវពឹងទៅលើលុយខ្លួនឯងខ្លះ ការជួយពី Spenserខ្លះ ពេលខ្លះក៏បានរួចខ្លួន ពេលខ្លះក៏ខាត ព្រោះចង់ឱ្យល្អបំផុតតាមលទ្ធភាពដែលអាចធ្វើបាន តែខ្ញុំគ្មានបានអីមកវិញទេ មានតែការជេរ មិនចូលចិត្តបែបនេះ បែបនោះ ចុះយើងមិននិយាយឱ្យយោបល់ស្រួលបួលមក តាមរយៈការចេះដឹង និងពីវប្បធម៌ដែលអ្នកស្រលាញ់ និងគោរពមក ចាំបាច់មកជេរគ្នាឱ្យគេឃើញពីភាពថោកទាបរបស់ខ្មែរធ្វើអី ? ហើយតាំងខ្លួនជាមនុស្សល្អ ធ្វើអុីចឹងធ្វើអី ? ខ្ញុំខំរាល់ថ្ងៃគ្មានអ្វីដែលខ្ញុំចង់បានពីអ្នក ក្រៅតែពីកម្លាំងចិត្ត និងក្តីស្រលាញ់ប៉ុណ្ណោះ តែវាផ្ទុយស្រឡះអ្វីដែលខ្ញុំបាន មានតែការជេរ និងមិនពេញចិត្ត តើឱ្យខ្ញុំធ្វើបែបណាទៀត ៕
ចែករំលែកព័តមាននេះ