ខេត្តបន្ទាយមានជ័យ ៖ ផ្លូវប្រឡាយប្រះបាក់ស្រុតជាង១ឆ្នាំ គ្មានមន្ត្រីជំនាញធ្វើការជួសជុលប្រជាពលរដ្ឋមានការព្រួយបារម្ភចំពោះការធ្វើដំណើរទៅមកបាន នៅមុខវត្តពង្រភូមិពង្រ ឃុំបន្ទាយនាង ស្រុកមង្គលបូរី ។ ប្រជាពលរដ្ឋធ្វើដំណើរឆ្លងកាត់បានប្រាប់ថា ក្រោយពេលដែលកសាងផ្លូវភ្លោះស្របប្រឡាយ…
ខេត្តបន្ទាយមានជ័យ ៖ ផ្លូវប្រឡាយប្រះបាក់ស្រុតជាង១ឆ្នាំ គ្មានមន្ត្រីជំនាញធ្វើការជួសជុលប្រជាពលរដ្ឋមានការព្រួយបារម្ភចំពោះការធ្វើដំណើរទៅមកបាន នៅមុខវត្តពង្រភូមិពង្រ ឃុំបន្ទាយនាង ស្រុកមង្គលបូរី ។
ប្រជាពលរដ្ឋធ្វើដំណើរឆ្លងកាត់បានប្រាប់ថា ក្រោយពេលដែលកសាងផ្លូវភ្លោះស្របប្រឡាយ គឺប្រជាពលរដ្ឋ ឃុំរហាត់ទឹក និងឃុំបន្ទាយនាង ធ្វើដំណើរទៅមក និងដឹកកសិផលបានឆាប់ តែរយៈពេលជាង១ឆ្នាំមកហើយ ឃើញផ្លូវខ្នងប្រឡាយផ្នែកខាងជើង មានប្រះស្រុត បណ្តាលឲ្យខូចដែលមានប្រវែង២០ម៉ែត្រ ធ្វើឲ្យប្រជាពលរដ្ឋធ្វើដំណើរទៅមកជួបការលំបាក ។
ប្រជាពលរដ្ឋសំណុំពរសុំឲ្យមន្ត្រីជំនាញ ឬអាជ្ញាធរខេត្តស្រុកគួរតែធ្វើការជួសជុលឡើងវិញ ដើម្បីឲ្យប្រជាពលរដ្ឋគ្មានការព្រួយបារម្ភ ហើយបានធ្វើដំណើរស្រួល ហើយសង្ឃឹមថា មន្ត្រីជំនាញនឹងធ្វើការជួសជុលបានឆាប់ ។
ទាក់ទិនផ្លូវខ្នងប្រឡាយបាក់ស្រុតបានទំនាក់ទំនងទៅលោក យឹម ប៊ុនរុំ ប្រធានមន្ទីធនធានទឹក និងឧតុនិយមខេត្តបន្ទាយមានជ័យដែរទូរស័ព្ទចូល តែមិនទទួល ។
លោក រ័ត្ន ដាស៊ីណង់ អភិបាលស្រុកមង្គលបូរីបានបញ្ជាក់ថា ផ្លូវខ្នងប្រឡាយដែលបាក់ស្រុតបណ្តាលឲ្យខូចផ្លូវលោកដូចជា មិនទាន់ទទួលបានព័ត៌មានបានដឹងនៅឡើយទេ រងចាំឲ្យអាជ្ញាធរឃុំចុះទៅពិនិត្យ ហើយរាយការណ៍ជូនទៅមន្ទីជំនាញ ដើម្បីមកធ្វើការជួសជុលឡើងវិញ ព្រោះផ្លូវភ្លោះនេះមានសារៈសំខាន់ណាស់ សម្រាប់ប្រជាពលរដ្ឋទៅមក ហើយនឹងដឹកកសិផលផងដែរ ៕
ចែករំលែកព័តមាននេះ