អ្នកសច្ចំពិការភ្នែក៖ អ្នកមាននិស្ស័យទើបជួយជីវិតបាន
- កំពត
ខេត្តកំពត ៖ លោកតា សុខ សាវុធ អាយុ៥២ឆ្នាំពិការភ្នែករស់នៅក្នុងអាស្រមតូចមួយនៅជាប់ជើងភ្នំរមណីយដ្ឋាន ភ្នំឈ្ងោក ស្ថិតក្នុងភូមិបុសត្របែក ឃុំត្រពាំងព្រីង ស្រុកទឹកឈូ…
ខេត្តកំពត ៖ លោកតា សុខ សាវុធ អាយុ៥២ឆ្នាំពិការភ្នែករស់នៅក្នុងអាស្រមតូចមួយនៅជាប់ជើងភ្នំរមណីយដ្ឋាន ភ្នំឈ្ងោក ស្ថិតក្នុងភូមិបុសត្របែក ឃុំត្រពាំងព្រីង ស្រុកទឹកឈូ…
ខេត្តកំពត ៖ លោកតា សុខ សាវុធ អាយុ៥២ឆ្នាំពិការភ្នែករស់នៅក្នុងអាស្រមតូចមួយនៅជាប់ជើងភ្នំរមណីយដ្ឋាន ភ្នំឈ្ងោក ស្ថិតក្នុងភូមិបុសត្របែក ឃុំត្រពាំងព្រីង ស្រុកទឹកឈូ ខេត្តកំពត។ លោកតា សុខ សាវុធ ពិការភ្នែកមាន តែប្រពន្ធតែមិនមានកូនទេ។ លោកតា សុខ សាវុធ ត្រូវបានគេអះអាងថា ជាអ្នកសច្ចំស្មោះត្រង់ ចេះទស្សន៍ទាយមើលជំងឺ ដោយមិនបង្គាប់ឲ្យអ្នកជំងឺបង់លុយ ឬរៀបទ្រនឹបជូនគ្រូឡើយ។ លោកតា ប្រាប់ឲ្យដឹងថា រូបគាត់ពិការភ្នែកជាង អាយុ២០ឆ្នាំមកហើយ ដោយដោយសារតែមានរោគា។ នៅមុនពេលពិការភ្នែក គាត់បានសុបិនអាក្រក់ណាស់ យប់ណាក៏សុបិនដើរមកព្រៃភ្នំដែរ។
លុះពេលពិការភ្នែកមានអារម្មណ៍ស្ងប់ស្ងាត់ ក៏សម្រេចមកនៅផ្លូវចូលក្នុងមាត់ រូងភ្នំឈ្ងោកនេះជាង២០ឆ្នាំហើយ។ លោកតា សុខ សាវុធ ប្រាប់បន្តថា គាត់ចេះមើលជំងឺនេះ ដោយប្រើសិល្ប៍បាលី និងថ្នាំបូរាណ តែមិនមានអ្នកដែលឈឺទាំងអស់មើលជាទាំងអស់គ្នានោះទេ ទាល់តែអ្នកមាននិស្ស័យ ជួនកាលគ្រាន់តែស្រោចទឹកជានាក៏មានដែរ។ អ្នកជំងឺម្នាក់ឈ្មោះ ជន និវន្ត ភេទប្រុស អាយុ៣៣ឆ្នាំ នៅភូមិអូក្រសា សង្កាត់អូក្រសា ក្រុងកែប បាននិយាយប្រាប់ឲ្យដឹងថា គាត់មកឲ្យតាសច្ចំនៅភ្នំឈ្ងោកមើលនេះមកពីគាត់ហើមជើង ម្ខាងអត់មានមូលហេតុតែឥឡូវបានធូរស្បើយជាងមុនហើយ។ អាជ្ញាធរមូលដ្ឋាន ឃុំត្រពាំងព្រីងនិយាយថា នៅរមណីយដ្ឋានភ្នំឈ្ងោកនេះ មានអ្នកតាំងខ្លួនជាអ្នកចេះមើលជំងឺច្រើននាក់ដែរ តែមិនច្រើនដូចពេលមុនៗទេ៕
ចែករំលែកព័តមាននេះ