ខេត្តកោះកុង ៖ ពិតជាគួរឲ្យខ្មាស់អៀនណាស់ ដែលអាជ្ញាធរសង្កាត់ទាំង២ ក៏ដូចជាស្ថាប័នពាក់ព័ន្ធទាំងអស់ខ្វះវិធានការណ៍ទប់ស្កាត់ បណ្ដោយឲ្យប្រជាពលរដ្ឋដែលរស់នៅអមសងខាងអូរដ៏តូចមួយបោះចោលសំរាមចូលក្នុងទឹកអូរយ៉ាងអនាធិបតេយ្យ ហើយអណ្តែតហូរធ្លាក់ទៅក្នុងដៃសមុទ្រព្រែកកោះប៉ោ នៃក្រុងខេមរៈភូមិន្ទខេត្តកោះកុង ដែលមើលទៅហាក់បីដូចជាធុងសំរាមមួយអីចឹង ។…
ខេត្តកោះកុង ៖ ពិតជាគួរឲ្យខ្មាស់អៀនណាស់ ដែលអាជ្ញាធរសង្កាត់ទាំង២ ក៏ដូចជាស្ថាប័នពាក់ព័ន្ធទាំងអស់ខ្វះវិធានការណ៍ទប់ស្កាត់ បណ្ដោយឲ្យប្រជាពលរដ្ឋដែលរស់នៅអមសងខាងអូរដ៏តូចមួយបោះចោលសំរាមចូលក្នុងទឹកអូរយ៉ាងអនាធិបតេយ្យ ហើយអណ្តែតហូរធ្លាក់ទៅក្នុងដៃសមុទ្រព្រែកកោះប៉ោ នៃក្រុងខេមរៈភូមិន្ទខេត្តកោះកុង ដែលមើលទៅហាក់បីដូចជាធុងសំរាមមួយអីចឹង ។
ប្រភពគំនរសំរាមដែលហូរធ្លាក់ទៅក្នុងដៃសមុទ្រកោះប៉ោនោះ គឺចេញពីប្រភពប្រជាពលរដ្ឋដែលរស់នៅអមសងខាងមាត់អូរ ដែលម្ខាងជាទឹកដីសង្កាត់ស្ទឹងវែង និងម្ខាងទៀតជាទឹកដីសង្កាត់ដងទង់ ។ ជាទម្លាប់ពួកគាត់ដែលរស់នៅតាមមាត់អូរ តែងតែចោលសំរាម ឬកាកសំណល់សព្វសារពើចូលទៅក្នុងទឹកអូរ ហើយក្នុងខណៈពេលទឹកសមុទ្រជោ រួចនាចទៅវិញ វាតែងតែហូរនាំយកសំរាមទាំងឡាយទៅជាមួយទម្លាក់ក្នុងដៃសមុទ្រ ហេតុនេះទើបដៃសមុទ្រព្រែកកោះប៉ោក្លាយជាកខ្វក់ ។
មន្ត្រីអាជ្ញាធរសង្កាត់ទាំង២បានលើកឡើងថា កន្លងមកសង្កាត់បានចុះធ្វើការពន្យល់ណែនាំពីការវេចខ្ចប់ និងទុកដាក់សំរាមតាមធុងប្រមូលផ្តុំសំរាមដើម្បីងាយស្រួលឲ្យក្រុមហ៊ុនសំរាមប្រមូលយក តែពួកគាត់មិនព្រមអនុវត្តតាមការណែនាំឡើយ ។
ក្រៅពីណែនាំដោយផ្ទាល់អាជ្ញាធរមូលដ្ឋាន បានសហការណ៍ជាមួយមន្ទីរបរិស្ថានលើកជាស្លាកបំរាម ថែមទៀតផងតែក៏នៅតែគ្មានប្រសិទ្ធភាព ។ មន្ត្រីហិរញ្ញវត្ថុម្នាក់អះអាងថា ថវិកាសម្រាប់ការងារបរិស្ថានតាមទីសាធារណៈក្នុងមួយឆ្នាំៗមានចំនួនប្រមាណជាង២២០លានរៀលក្នុងមួយឆ្នាំៗ ដែលមានក្រុមហ៊ុនប្រមូលសំរាមផ្ដាច់មុខមួយឈ្មោះ «សហគ្រាស ទឹម រិន» ដេញថ្លៃបានតែស៊ីហើយមិនធ្វើ ៕
ចែករំលែកព័តមាននេះ