ខេត្តព្រៃវែង ៖ ដើម្បីលើកកម្ពស់សុខមាលភាពបងប្អូនប្រជាពលរដ្ឋ និងកាត់បន្ថយការចំណាយទៅលើសេវាសុខាភិបាលផងនោះ កាលពីព្រឹកថ្ងៃទី០៤ ខែកុម្ភៈ ឆ្នាំ២០១៨ លោក ស សុខា…
ខេត្តព្រៃវែង ៖ ដើម្បីលើកកម្ពស់សុខមាលភាពបងប្អូនប្រជាពលរដ្ឋ និងកាត់បន្ថយការចំណាយទៅលើសេវាសុខាភិបាលផងនោះ កាលពីព្រឹកថ្ងៃទី០៤ ខែកុម្ភៈ ឆ្នាំ២០១៨ លោក ស សុខា អ្នកតំណាងរាស្ត្រមណ្ឌលព្រៃវែង បានដឹកនាំក្រុមគ្រូពេទ្យស្មគ្រ័ចិត្តប្រមាណជាង៥០នាក់ ចុះទៅជួយពិនិត្យនិងព្យាបាលជំងឺទូទៅ ជូនដល់បងប្អូនប្រជាពលរដ្ឋនៅស្រុកពាមរក៌ ដោយឥតគិតថ្លៃ ។
លោក ស សុខា អ្នកតំណាងរាស្ត្រមណ្ឌលព្រៃវែង បានមានប្រសាសន៍ថា ការពិនិត្យព្យាបាលជំងឺនេះ គឺសម្រាប់បងប្អូនប្រជាពលរដ្ឋទូទៅ ដោយមិនប្រកាន់និន្នាការនយោបាយទេ ចំណែកឯកក្រុមគ្រូពេទ្យទាំងអស់នេះ គឺសុទ្ធតែជាគ្រូពេទ្យដែលមានជំនាញឯកទេសច្បាស់លាស់ ដោយក្នុងនោះមួយចំនួនមកពីរាជធានីភ្នំពេញ និងមួយចំនួនទៀតជាគ្រូពេទ្យនៅតាមមន្ទីរពេទ្យក្នុងខេត្តព្រៃវែង ។
លោកបានបញ្ជាក់ថា ក្រុមគ្រូពេទ្យស្ម័គ្រចិត្តរបស់លោក មានកិច្ចសហការណ៍ជាមួយមន្ទីរពេទ្យធំៗនៅក្នុងប្រទេស និងក្រៅប្រទេស ហើយពេលចុះព្យាបាលនេះ បើមានអ្នកជំងឺណាមានស្ថានភាពធ្ងន់ធ្ងរ លោកនឹងបញ្ជូនទៅព្យាបាលបន្តនៅតាមមន្ទីរពេទ្យធំៗនៅក្នុងស្រុក ឬក៏បញ្ជូនទៅព្យាបាលនៅក្រៅប្រទេស ជាមួយនឹងមន្ទីរពេទ្យធំៗ ដែលបានសហប្រតិបត្កិការណ៍ជាមួយគ្នាផងដែរ ។
នៅក្នុងឱកាសនោះដែរ លោក ស សុខា បានណែនាំដល់គ្រូពេទ្យស្ម័គ្រចិត្តទាំងអស់ ឲ្យយកចិត្តទុកក្នុងការពិនិត្យព្យាបាលជូនបងប្អូនប្រជាពលរដ្ឋ ឲ្យអស់ពីលទ្ធភាព និងបានផ្តាំផ្ញើដល់អ្នកជំងឺទាំងអស់ត្រូវលេបថ្នាំឲ្យបានទៀងទាត់ ទៅតាមការណែនាំរបស់គ្រូពេទ្យ និងត្រូវរក្សាអនាម័យខ្លួនប្រាណឲ្យបានជាប់ជានិច្ច គឺហូបស្អាត ផឹកស្អាត និងរស់នៅស្អាត ។
គួរបញ្ជាក់ផងដែរថា សកម្មភាពចុះពិនិត្យ និងព្យាបាលជំងឺជូនដល់បងប្អូនប្រជាពលរដ្ឋ ដោយឥតគិតថ្លៃរបស់ក្រុមគ្រូពេទ្យស្ម័គ្រចិត្ត លោក ស សុខា បានធ្វើឡើងជាបន្តបន្ទាប់ នៅតាមបណ្តាស្រុកនានាក្នុងខេត្តព្រៃវែង ហើយគិតមកដល់ស្រុកពាមរក៌នេះ ប្រជាពលរដ្ឋដែលបានទទួលសេវាព្យាបាលពីក្រុមគ្រូពេទ្យស្ម័គ្រចិត្តនេះ មានចំនួន១៥,០០០នាក់ហើយ ហើយចំនួននេះនឹងបន្តកើនឡើងថែមទៀត ព្រោះសកម្មភាពនេះមិនទាន់បញ្ចប់នៅឡើយ ៕
ចែករំលែកព័តមាននេះ