ជួបសំណេះសំណាលជាមួយប្រតិភូប៉ូលិសវៀតណាម
- សៀមរាប
ខេត្តសៀមរាប ៖ នៅថ្ងៃទី០២ ខែកុម្ភៈ ឆ្នាំ២០១៨ លោកឧត្តមសេនីយ៍ត្រី តូច សាកល ស្នងការរងនគរបាលខេត្ត តំណាងលោកឧត្តមសេនីយ៍ត្រី…
ខេត្តសៀមរាប ៖ នៅថ្ងៃទី០២ ខែកុម្ភៈ ឆ្នាំ២០១៨ លោកឧត្តមសេនីយ៍ត្រី តូច សាកល ស្នងការរងនគរបាលខេត្ត តំណាងលោកឧត្តមសេនីយ៍ត្រី ទិត្យ ណារ៉ុង ស្នងការ នៃស្នងការដ្ឋាននគរបាលខេត្តសៀមរាប បានជួបសំណេះសំណាលជាមួយគណៈប្រតិភូវៀតណាមចំនួន១៦នាក់ ដែលដឹកនាំដោយលោកវរសេនីយ៍ឯក ផាម វ៉ាន់ជុង ប្រធានវិជ្ជាស្ថានស៊ើបការណ៍ក្រៅប្រទេស មកពីសាលាមធ្យមសិក្សាជាន់ខ្ពស់ សន្តិសុខប្រជាជនវៀតណាម នៅទីក្រុងហូជីមិញ ចូលជួបសម្ដែងការគួរសម និងពិភាក្សាការងារដោយមានការរួមពីសំណាក់ លោកឧត្តមសេនីយ៍ត្រី ហួត សុធី ស្នងការរងទទួលបន្ទុកផ្នែក សន្តិសុខ នាយ នាយរង ការិយាល័យ ដែលពាក់ព័ន្ធជាច្រើនទៀតផងដែរ ។
ក្នុងពិធីសំណេះសំណាលនាពេលនេះ លោក ផាម វ៉ាន់ជុង ប្រធានវិជ្ជាស្ថាន ស៊ើបការណ៍ក្រៅប្រទេស មកពីសាលាមធ្យមសិក្សាជាន់ខ្ពស់ សន្តិសុខប្រជាជនវៀតណាម នៅទីក្រុងហូជីមិញ ក៏បានលើកឡើងអំពីបញ្ហាការអនុវត្តច្បាប់ និងការអនុវត្តន៍នីតិវិធីរបស់នគរបាលព្រហ្មទណ្ឌ និងនគរបាលប្រឆាំងបទល្មើស និងកិច្ចការពារថែរក្សាសន្តិសុខ សុវតិ្ថភាព សណ្តាប់ធ្នាប់សាធារណៈជូនភ្ញៀវទេសចរណ៍ផងដែរ ។
ក្នុងនោះដែរ លោកឧត្តមសេនីយ៍ត្រី តូច សាកល ស្នងការរងនគរបាលខេត្ត បានមានប្រសាសន៍ថា ជំនួសមុខឱ្យលោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្ត និងក្នុងនាមខ្លួនលោកផ្ទាល់ សូមសម្ដែងនូវការស្វាគមន៍យ៉ាងរីករាយចំពោះវត្តមានគណៈប្រតិភូនាពេលនេះ ពាក់ព័ន្ធលើការងារកិច្ចប្រតិបត្តិការណ៍រក្សាសន្តិសុខ សុវត្ថិភាព និងសណ្តាប់ធ្នាប់នៅតាមណ្តាភូមិសាស្ត្រក្នុងខេត្ត ដែលកងកម្លាំងនគរបាលបានអនុវត្តន៍កន្លងមកក្រោមការបញ្ជាដឹកនាំ នៃក្រសួងមហាផ្ទៃអគ្គស្នងការនគរបាលជាតិ និងគណៈបញ្ជាការឯកភាពរដ្ឋបាលខេត្ត កងកម្លាំងនគរបាលទាំងអស់តែងបានអនុវត្តភារៈកិច្ចជំនាញ និងនីតិវិធីស្របតាមគោលការច្បាប់លើការងារថែរក្សាសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋជាពិសេសភ្ញៀវជាតិ និងអន្តរជាតិ អ្នកវិនិយោគទុនដែលមកបណ្ដាក់ទន់ក្នុងខេត្តបានយ៉ាងល្អប្រសើរ ។
បន្ទាប់មក លោក ផាម វ៉ាន់ជុង បានថ្លែងអំណរគុណ ចំពោះលោកឧត្តមសេនីយ៍ត្រី តូច សាកល ស្នងការរងនគរបាលខេត្ត ដែលបានជួយសម្រួល និងសហការណ៍ និងឆ្លៀតពេលដ៏មមាញឹកដើម្បីជួបសំណេះសំណាលគ្នាក្នុងការស្វែងយល់ និងដកបទពិសោទពីគ្នាទៅវិញទៅមក ដើម្បីរឹតចំណងសាមគ្គីភាពរវាងគ្នាឱ្យបានស្អិតរមួត ។ លោកបន្តទៀតថា ចាប់ពីពេលនេះទៅ យើងនឹងបន្តសហការណ៍ និងផ្លាស់ប្តូរយោបល់គ្នាឱ្យបានកាន់តែល្អប្រសើរថ្វេរឡើងថែមទៀត ក្នុងការរក្សាសន្តិសុខ និងសុវត្ថិភាពជូនប្រជាពលរដ្ឋផងដែរ ៕
ចែករំលែកព័តមាននេះ