ខេត្តបន្ទាយមានជ័យ ៖ បុរសជាឪពុក ដែលមានពាក្យគេតែងពោលថា ត្រីឆ្កោស៊ីកូនឯងនោះ ភាគច្រើនគឺកើតមានចំពោះតែកូនចុង ឬកូនដើមប៉ុណ្ណោះ តែបុរសរូបនេះបែរជាត្រេកត្រអាលនឹងសាច់ឈាមខ្លួនឯង ដោយបានចាប់កូនស្រីបង្កើតរបស់ខ្លួនរំលោភបានសម្រេចជាច្រើនលើក ទើបបែកធ្លាយ ។ ពេលនេះប្រពន្ធក៏បានប្តឹងនគរបាលព្រហ្មទណ្ឌកម្រិតធ្ងន់ បន្ទាប់ពីកូនស្រីទ្រាំលែងបានហើយនិយាយប្រាប់ម្តាយ ។ បុរសដែលមានសារជាតិជាតិរច្ឆានត្រីឆ្តោសុីកូនឯងនេះ ត្រូវបានសមត្ថកិច្ចស្ទាក់ចាប់ឃាត់ខ្លួនកាលពីវេលាម៉ោង០៩និង១៥នាទីយប់ថ្ងៃទី៣១ ខែមករាកន្លងទៅ ខណៈជននេះឆ្លងពីដីថៃមកស្រុកខ្មែរវិញក្នុងភូមិសាស្ត្រក្រុងប៉ោយប៉ែត ។
លោកវរសេនីយ៍ទោ ភឿង ម៉ាន់ នាយការិយាល័យនគរបាលព្រហ្មទណ្ឌកម្រិតធ្ងន់ខេត្ត បានឲ្យដឹងថា បន្ទាប់ពីទទួលបណ្តឹងពីម្តាយក្មេងស្រីនិងជាប្រពន្ធជនថោកទាបរូបនេះ លោកឧត្តមសេនីយ៍ទោ អាត់ ខែម ស្នងការនគរបាលខេត្តដោយមានការសម្របសម្រួលពីលោកព្រះរាជអាជ្ញាអមសាលាដំបូងខេត្តគឺលោក មាស ចាន់ពិសិដ្ឋ កម្លាំងការិយាល័យព្រហ្មទណ្ឌកម្រិតធ្ងន់សហការជាមួយនគរបាលក្រុងប៉ោយប៉ែត និងអាជ្ញាធរមូលដ្ឋាន បានចាំស្ទាក់ចាប់ជនល្មើសជាឪពុកល្មោភកាមរូបនេះតាំងពីម៉ោង២និង៣០នាទីរសៀលរហូតដល់ម៉ោង៩និង១៥នាទីយប់ថ្ងៃទី៣១ ខែមករាទើបចាប់បាន ខណៈអាជ្ញាធរថៃចាប់បញ្ជូនពលករខ្មែរដែលឆ្លងដែនខុសច្បាប់ត្រឡប់មកវិញតាមច្រកព្រំដែនអន្តរជាតិប៉ោយប៉ែត ។
លោកឧត្តមសេនីយ៍ត្រី សិទ្ធ ឡោះ ស្នងការរងនគរបាលខេត្តទទួលផែនព្រហ្មទណ្ឌ បានឲ្យដឹងថា ជនតិរច្ឆានដែលចាប់រំលោភកូនស្រីខ្លួនឯង និងជាអនីតិជនថែមទៀត បានសម្រេចជាច្រើនដងនោះឈ្មោះ ឈុន សារុំ អាយុ៣៤ឆ្នាំ នៅឃុំបុស្បូវ ស្រុកព្រះនេត្រព្រះ ។ នៅចំពោះមុខសមត្ថកិច្ច ជនលាមកនេះសារភាពថា ខ្លួនពិតជាបានចាប់បង្ខំកូនស្រីរបស់ខ្លួនរំលោភប្រាកដមែន ទាំងនៅស្រុកខ្មែរនិងនៅស្រុកថៃ ក្នុងអំឡុងខែឧសភារហូតមកដល់ដើមខែធ្នូ ឆ្នាំ២០១៧ គឺបានសម្រេចជាច្រើនដង ខណៈប្រពន្ធមិននៅផ្ទះក្រោកទៅលក់ដូរនៅផ្សារថៃ ៕
ចែករំលែកព័តមាននេះ