រាជធានីភ្នំពេញ ៖ តារាសម្តែងនាងមាស សម្ជស្ស បានក្រើនរំលឹកដល់នារីគ្រប់រូបកុំយកបុរស៤ប្រភេទធ្វើជាគូអនាគត ។ តើប្រភេទអ្វីខ្លះទៅ ? ជារឿយៗបន្ទាប់ពីស្នេហាឈានដល់ផ្លូវបំបែក មាស…
រាជធានីភ្នំពេញ ៖ តារាសម្តែងនាងមាស សម្ជស្ស បានក្រើនរំលឹកដល់នារីគ្រប់រូបកុំយកបុរស៤ប្រភេទធ្វើជាគូអនាគត ។ តើប្រភេទអ្វីខ្លះទៅ ?
ជារឿយៗបន្ទាប់ពីស្នេហាឈានដល់ផ្លូវបំបែក មាស សម្ជស្ស ត្រូវគេមើលឃើញថា បានបង្ហោះសារសោកសៅ ខូចចិត្ត និងរឿងប្លែកៗជាច្រើនទៀត ដោយនៅក្នុងនោះតាមរយៈបទពិសោធន៍ដែលខ្លួនបានជួបនាងបានបង្ហោះសារក្នុងន័យដាស់តឿននារីគ្រប់រូបកុំយកបុរសដែលមានលក្ខណៈ៤ប្រភេទ ។ តាមរយៈសារដែលបានបង្ហោះកាលពីពេល ថ្មីៗ កន្លងមក មាស សម្ជស្ស បបញ្ជាក់ថា «ស្រឡាញ់មើលចិត្តសិនបាន តែកុំរៀបការនឹងបុរស៤ប្រភេទនេះ ប្រយ័ត្នដូចបក្សីជាប់ទ្រុង ។ រឿងស្នេហាមុនឈានដល់ដំណាក់កាលជាប្ដីប្រពន្ធត្រូវចំណាយពេលច្រើនខែច្រើនឆ្នាំដើម្បីឈ្វេងយល់ពីគ្នា ។ ក្នុងរយៈពេលនៅសិក្សាចិត្តគ្នានេះ បើក្នុងករណីណាមួយត្រូវបែកគ្នា ច្បាស់ជានៅតែមានអារម្មណ៍ឈឺចាប់មិនខាន ។ ប៉ុន្តែបើ ស្រីៗយើងរកឃើញថាបុរសដែលយើងកំពុងដាក់ចិត្តស្រលាញ់មានចរិតដូចខាងក្រោមនេះគួរតែដកខ្លួនចេញ ទ្រាំឈឺចាប់មួយពេលសិនចុះ ជាជាងវេទនាចិត្តមួយជីវិតទៅថ្ងៃក្រោយ ។
បុរសដែលប្រចណ្ឌមិនដឹងក្បាលកន្ទុយ កុំយកលេសថា មកពីស្រលាញ់ទើបប្រច័ណ្ឌ ពាក្យនេះគ្រាន់តែជាការដោះសាយកគុណសម្បត្តិរបស់បុរសខូចប៉ុណ្ណោះ ។ បើថាសង្សារជានារីឡូយឆាយ ឱ្យភ្នែកប្រុសផ្សេងញឹកញាប់ទៅអាចថាមិនប្រចណ្ឌមិនបាន ប៉ុន្តែបើសង្សារជានារីសុភាព ស្រលាញ់ខ្លួនដោយស្មោះ ហើយបែរជាគិតតែរករឿងប្រច័ណ្ឌមិនឈប់មិនឈរ យកល្អកុំបណ្ដោយពេលជាមួយបុរសបែបនេះទៀតអី គ្មានក្ដីសុខទេ » ។
មាស សម្ផស្ស បន្តថា «បុរសដែលគិតពីរឿងផ្លូវភេទមិនដឹងថ្ងៃ មិនដឹងយប់ បើពេលរាប់អានគ្នាមួយរយៈគេចេះតែលួងលោមអ្នកទៅធ្វើរឿងស៊ីជម្រៅដែលអ្នកមិនចង់ ឬធ្លាប់បានហើយ តែចេះតែចង់បានទៀត មិនឈប់ឈរ មិនយល់អារម្មណ៍អ្នកនោះ គួរតែឈប់ទាក់ទងទៀតទៅ ។ បុរសប្រភេទនេះបើថ្ងៃក្រោយបានរៀបការជាមួយ គេនឹងទុកអ្នកសម្រាប់តែកំដរចំណង់របស់គេ ដោយមិនខ្វល់ថាអ្នកឈឺ ជា ឬហត់នឿយយ៉ាងណាទេ សំខាន់ឱ្យតែបានតាមបំណងសិន ។
បុរសដែលទុកលុយកាក់ជាសំខាន់ ពាក្យដែលគេតែងនិយាយតគ្នាថា «ទុក្ខស្រីប្ដីកាន់លុយ» ការណ៍ពិតគឺមានមែន ។ ធម្មតារឿងលុយកាក់ គឺនារីជាអ្នកទុកដាក់ ពេលប្ដីរកបានមក ព្រោះនារីចេះបែងចែកដឹងថាគួរចាយប៉ុន្មាន ទុកប៉ុន្មាន ដើម្បីគ្រួសារបានរុងរឿង ។ ប៉ុន្តែបើប៉ះប្រពន្ធមិនចេះទុកដាក់ ការណ៍ដែលប្ដីយកលុយទៅកាន់កាប់បែងចែកគឺជារឿងប្រសើរទៅវិញ ។ ផ្ទុយទៅវិញបើគាត់ជាមនុស្សស្រលាញ់លុយតាំងពីដំបូង អ្នកអាចនឹងគ្មានសិទ្ធិអ្វីសោះឡើយ គឺបានត្រឹមទទួលតែអ្វីដែលគាត់នឹងផ្ដល់ឱ្យប៉ុណ្ណោះ ។
បុរសដែលចូលចិត្តប្រើកម្លាំងបាយដោះស្រាយបញ្ហា ទោះបីគាត់ប្រើកម្លាំងបាយជាមួយអ្នកដទៃក្រៅពីខ្លួនអ្នកក៏ដោយ នេះដោយសារក្នុងរយៈពេលស្រលាញ់ដំបូង គាត់ចង់ឱ្យអ្នកជឿជាក់ និងគិតថាគាត់ជាមនុស្សល្អប៉ុណ្ណោះ ។ បុរសប្រភេទនេះថ្ងៃក្រោយបើបានជាប្ដី អ្នកមុខជាទទួលរងការប្រើអំពើហិង្សាក្នុងភាគរយច្រើន ទោះមិនមែនហិង្សាដោយកម្លាំងបាយ ក៏ការស្រែកជេរ ឬឈ្មោះប្រកែកបែកផ្សែងដែរ»។
មាស សម្ជស្ស បានកាត់ផ្តាច់ចំណងជាប្តីប្រពន្ធជាមួយបុរសអាណិកជនខ្មែរនៅអាមេរិកលោកវី លៀម ដែលជាវេជ្ជបណ្ឌិតកាលពីអំឡុងដើមឆ្នាំ២០១៧ ។ ការសម្រេចចែកផ្លូវគ្នានេះនាងអះអាងថា ដោយសារការរស់នៅមិនយល់ចិត្តគ្នា ៕
ចែករំលែកព័តមាននេះ