ខេត្តក្រចេះ៖ មនុស្សប្រុសស្រី៤នាក់ សុទ្ធសឹងជាមុខសញ្ញាជួញដូរគ្រឿងញៀនត្រូវបាន កម្លាំងនគរបាលការិយល័យប្រឆាំងគ្រឿងញៀន និងកម្លាំងនគរបាលស្រុកឆ្លូង ធ្វើការស្រាវ ជ្រាវចាប់ខ្លួនជាបន្តបន្ទាប់ និងដកហូតបានថ្នាំញៀនទម្ងន់ជាង១គីឡូក្រាម ។
ព្រះរាជអាជ្ញាអមសាលាដំបូងខេត្តលោកកែវ សុជាតិ មានប្រសាសន៍ថា មានគ្រឿង ញៀនជាងទម្ងន់២គីឡូក្រាម ដែលត្រូវបាននគរបាលក្រោមការសម្រមសម្រួលពីស្ថាប័នអយ្យការខេត្ត បានចុះស្រាវជ្រាវចាប់ខ្លួនបានជាមួយ និងជនជាមុខសញ្ញាជួញដូរប្រុសស្រីជាច្រើននាក់ ក្នុងអំឡុង រយៈពេលជាងមួយខែមកនេះ ។
យុទ្ធនាការក្នុងការចាប់បង្ក្រាបជនសង្ស័យមានគ្រឿងញៀនប្រុសស្រីចំនួន៤នាក់ ដែលបាន ធ្វើឡើងពីនគរបាលជំនាញកាលពីថ្ងៃទី៣១ ខែមករា ឆ្នាំ២០១៨ នៅភូមិឈើទាលភ្លោះ ឃុំព្រែកសាម៉ាន់ ស្រុកឆ្លូង ក្នុងនោះមានជនប្រុសស្រី៤នាក់ ត្រូវបានចាប់ខ្លួនជាមួយ និងគ្រឿងញៀនទម្ងន់ជាង១គីឡូក្រាម ។
នាយការិយាល័យប្រឆាំងគ្រឿងញៀន លោកវរសេនីយ៍ឯក គង់ ស៊ីដនឲ្យដឹងថា ប្រតិ បត្តិការណ៍ឈានឲ្យមានការចាប់បង្ក្រាបមុខសញ្ញាគ្រឿងញៀនធំៗ២ករណី ក្នុងខេត្តក្រចេះ លើកមុន និងលើកនេះបានដកហូតថ្នាំញៀនជាង២គីឡូក្រាម គឺបានធ្វើឡើង ក្រោមការចង្អុលបង្ហាញនីតិវិធីពីលោក ឧត្តមសេនីយ៍ទោ លន់ សុផាត ស្នងការនករបាល ។
លោកនាយការិយាល័យបានបញ្ជាក់ថា មានជនសង្ស័យគ្រឿងញៀន៣នាក់ ត្រូវបាន កម្លាំងនគរបាលឆ្មក់បង្ក្រាបនៅក្នុងព្រៃមួយកន្លែងក្នុងឃុំព្រែក សាមាន់ ស្រុកឆ្លូង។ក្រោយការ ចាប់ខ្លួនលើជនសង្ស័យទាំង៣នាក់នេះបាន កម្លាំងនគរបាលបានបន្តចាប់ខ្លួនស្ត្រីមេគ្រឿង ញៀនធំបានម្នាក់ទៀត ឈ្មោះ រី ហ្វីអះ អាយុ៣៦ឆ្នាំ ជនជាតិខ្មែរឥស្លាម នៅក្នុងលំនៅឋាន មូយកន្លែង និងបានដកហូតថ្នាំញៀន៧៩កញ្ចប់ធំ ។
ស្នងការរងប្រឆាំងបទល្មើសលោកឧត្តមសេនីយ៍ត្រី គង់ វណ្ណរឹទ្ធ បានបញ្ជាក់ថា គ្រឿង ញៀនដែលបានដកហូតពីជនជាមុខសញ្ញាទាំង៤នាក់នេះ មានទម្ងន់ជាង១គីឡូក្រាម ។ ជនទាំងនេះ រួមទាំងវត្ថុតាង ត្រូវបាននាំមកនៅការិយាល័យដើម្បីបន្តនីតិវិធី ៕
ចែករំលែកព័តមាននេះ