រាជធានីភ្នំពេញ ៖ បុរសជាជនជាតិបរទេសម្នាក់ ជិះម៉ូតូឌូកមួយគ្រឿង បោះពួយយ៉ាងលឿនជ្រុលទៅបុកម៉ូតូហុងដាឌ្រីមមួយគ្រឿងដែលជិះឆ្លងផ្លូវ បណ្ដាលឲ្យដួលឆេះម៉ូតូហុងដាឌ្រីម សំណាងល្អអ្នកបើកបររងរបួសស្រាលទាំង២នាក់ គ្រោះថ្នាក់នេះកើតឡើងកាលពីវេលាម៉ោង០១និង២០នាទីរំលងអាធ្រាត្រ ឈានចូលថ្ងៃទី០២ ខែកុម្ភៈ…
រាជធានីភ្នំពេញ ៖ បុរសជាជនជាតិបរទេសម្នាក់ ជិះម៉ូតូឌូកមួយគ្រឿង បោះពួយយ៉ាងលឿនជ្រុលទៅបុកម៉ូតូហុងដាឌ្រីមមួយគ្រឿងដែលជិះឆ្លងផ្លូវ បណ្ដាលឲ្យដួលឆេះម៉ូតូហុងដាឌ្រីម សំណាងល្អអ្នកបើកបររងរបួសស្រាលទាំង២នាក់ គ្រោះថ្នាក់នេះកើតឡើងកាលពីវេលាម៉ោង០១និង២០នាទីរំលងអាធ្រាត្រ ឈានចូលថ្ងៃទី០២ ខែកុម្ភៈ ឆ្នាំ២០១៨ តាមបណ្ដោយផ្លូវ៤៣០កែង និងផ្លូវ១៩៩ ស្ថិតក្នុងសង្កាត់ទំនប់ទឹក ខណ្ឌចំការមន ។
តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុ គេឃើញបុរសម្នាក់ជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ភ្នំពេញ ១CA-៥២២២ ធ្វើដំណើរតាមបណ្ដោយផ្លូវ១៩៩ ក្នុងទិសដៅពីកើតទៅលិច ។
លុះមកដល់ចំណុចកើតហេតុ ក៏បានបើកឆ្លងកាត់ផ្លូវ៤៣០ ខណៈពេលនោះស្រាប់តែមានម៉ូតូមួយគ្រឿងទៀតម៉ាកឌូក ពណ៌ទឹកក្រូចលាយខ្មៅ ពាក់ស្លាកលេខ ភ្នំពេញ ១FW-៩៤៥០ ដែលបើកបរដោយបុរសជាជនជាតិបរទេសម្នាក់តាមបណ្ដោយផ្លូវ៤៣០ ទិសដៅពីត្បូងទៅជើងក្នុងល្បឿនលឿន រួចក៏ជ្រុលទៅបុកម៉ូតូហុងដាឌ្រីមចំពាក់កណ្ដាលពេញទំហឹង បណ្ដាលឲ្យម៉ូតូឌូករងការខូចខាតបន្តិចបន្តួច ឬឯអ្នកបើកបររងរបួសបាក់ជើងខាងស្តាំ ចំណែកឯម៉ូតូហុងដាឌ្រីមបាក់ខ្ទេចផ្នែកខាងមុខកន្លែងម៉ាស៊ីនធ្វើឲ្យឆាបឆេះ ភ្លាមៗនោះត្រូវបានប្រជាពលរដ្ឋនៅក្បែរកន្លែងកើតហេតុ យកបំពង់ពន្លត់អគ្គិភ័យទៅបាញ់ពន្លត់ទាន់ពេលវេលា ឬឯអ្នកបើកបររងរបួសស្រាល ។
ក្រោយពេលកើតហេតុ បុរសរងគ្រោះទាំងពីរនាក់ត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅគ្លីនិកឯកជន ចំណែកឯម៉ូតូទាំងពីរត្រូវបានសមត្ថកិច្ចជំនាញធ្វើការវាស់វែងយកទៅរក្សានៅអធិការដ្ឋាននគរបាលខណ្ឌចំកាមន ដើម្បីរង់ចាំធ្វើការដោះស្រាយគ្នានៅពេលក្រោយ ៕
ចែករំលែកព័តមាននេះ