ដើរតួជាមន្ត្រីជាន់ខ្ពស់ បោកប្រាក់ពលរដ្ឋត្រូវតុលាការផ្តន្ទាទោស
- ភ្នំពេញ
រាជធានីភ្នំពេញ ៖ លោក នូ វាសនា ចៅក្រមជំនុំជម្រះសាលាដំបូងរាជធានីភ្នំពេញ កាលពីរសៀលថ្ងៃទី១ កុម្ភៈ ឆ្នាំ២០១៨ បានប្រកាសសាលក្រមផ្តន្ទាទោសជនជាប់ចោទម្នាក់…
រាជធានីភ្នំពេញ ៖ លោក នូ វាសនា ចៅក្រមជំនុំជម្រះសាលាដំបូងរាជធានីភ្នំពេញ កាលពីរសៀលថ្ងៃទី១ កុម្ភៈ ឆ្នាំ២០១៨ បានប្រកាសសាលក្រមផ្តន្ទាទោសជនជាប់ចោទម្នាក់…
រាជធានីភ្នំពេញ ៖ លោក នូ វាសនា ចៅក្រមជំនុំជម្រះសាលាដំបូងរាជធានីភ្នំពេញ កាលពីរសៀលថ្ងៃទី១ កុម្ភៈ ឆ្នាំ២០១៨ បានប្រកាសសាលក្រមផ្តន្ទាទោសជនជាប់ចោទម្នាក់ ដែលប្រើប្រាស់ឈ្មោះមន្ត្រី ជាន់ខ្ពស់ក្នុងជួររដ្ឋាភិបាល ដើម្បីឆបោកប្រាក់ពីប្រជាពលរដ្ឋ ដាក់ពន្ធនាគារ២ឆ្នាំ។ ជនរូបនេះឈ្មោះ ស មឿនតារា ហៅឧត្តម អាយុ២៨ឆ្នាំ បម្រើការនៅក្រុមហ៊ុនហ្គ្រីតផាត់ន័រ អ៊ីនធីធីង ខូអិលធីឌី។ ជនជាប់ចោទត្រូវបានសមត្ថកិច្ច នៃអង្គភាពប្រឆាំងអំពើពុករលួយ(ACU) ឃាត់ខ្លួនកាលពីថ្ងៃទី១៦ ខែមិថុនា ឆ្នាំ២០១៧ ជាប់ពាក់ពីបទឆបោក មានស្ថានទម្ងន់ទោស។
ដើមចមដែលនាំឲ្យមានការ ឃុំខ្លួនលើជនជាប់ចោទ កាលពីអំឡុងដើមខែមិថុនា ឆ្នាំ២០១៧ ឈ្មោះ ស មឿនតារា ដែលមានស្រុកកំណើតនៅខេត្តក្រចេះ បានយកឈ្មោះថ្នាក់ដឹកនាំនៅទីស្តីការគណៈរដ្ឋមន្ត្រី និងថ្នាក់ដឹកនាំសាលាខេត្តក្រចេះ ព្រមទាំងថ្នាក់ដឹកនាំអង្គភាពប្រឆាំងអំពើពុករលួយ ទៅអះអាងប្រាប់ប្រជាពលរដ្ឋមួយចំនួន ដែលមានរឿងក្តីនៅតុលាការខេត្តក្រចេះថា ខ្លួនមានឥទ្ធិពលអាចអន្តរាគមន៍ និងអាចពិនិត្យមើលសំណុំរឿងនៅសាលាដំបូងខេត្តបាន។
ដោយសារការប៉ិនប្រសប់ក្នុងការឃោសនាអូសទាញប្រជាពលរដ្ឋ មួយចំនួនមានឲ្យជំនឿទុកចិត្តលើខ្លួន ឈ្មោះ ស មឿនតារា បានរៃអង្គាសប្រាក់មួយចំនួនពីប្រជាពលរដ្ឋ ដើម្បីធ្វើជាសោហ៊ុយឡើងចុះ និងចាយវាយនៅពេលមកមកជួបថ្នាក់លើ។ ប៉ុន្តែក្រោយមកក៏បែករឿង ប្រជាពលរដ្ឋដឹងគ្រប់គ្នាថា ឈ្មោះនេះជាជនឆបោកទើបបានប្តឹងទៅអង្គភាពប្រឆាំងអំពើពុយរលួយជួយចាត់ការតាមផ្លូវច្បាប់៕
ចែករំលែកព័តមាននេះ