ខេត្តសៀមរាប ៖ នាថ្ងៃទី៣១ ខែមករា ឆ្នាំ២០១៨ លោកវសេនីយ៍ឯក ភឹង សម្បត្តិ ស្នងការរងទទួលបន្ទុកការងារបង្ការពន្លត់អគ្គីភ័យ និងសង្គ្រោះតំណាងដ៏ខ្ពង់ខ្ពស់លោកឧត្តមសេនីយ៍ត្រី…
ខេត្តសៀមរាប ៖ នាថ្ងៃទី៣១ ខែមករា ឆ្នាំ២០១៨ លោកវសេនីយ៍ឯក ភឹង សម្បត្តិ ស្នងការរងទទួលបន្ទុកការងារបង្ការពន្លត់អគ្គីភ័យ និងសង្គ្រោះតំណាងដ៏ខ្ពង់ខ្ពស់លោកឧត្តមសេនីយ៍ត្រី ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាបបានជួបបដិសណ្ឋារកិច្ច និងសំណេះសំណាលជាមួយលោក ណា កាហ្កាវ៉ា តាកេស៊ី អគ្គនាយកសកលវិទ្យាល័យវ៉ាសេដា ទីក្រុងតូក្យូ ប្រទេសជប៉ុន និងសហការីដោយមានការចូលរួមពីលោកវរសេនីយ៍ទោ អ៊ុន ភិរម្យ នាយរងការិយាល័យបង្ការពន្លត់អគ្គិភ័យ និងសង្គ្រោះរួមទាំងមន្ត្រីដែលពាក់ព័ន្ធផងដែរ ។
លោកវរសេនីយ៍ទោ អ៊ុន ភិរម្យ នាយរងការិយាល័យបង្ការពន្លត់អគ្គិភ័យ និងសង្គ្រោះបានរាយការសង្ខេបអំពីការងារបង្ការពន្លត់ អគ្គិភ័យ និងសង្គ្រោះនៅពេលមានអគ្គិភ័យ វិធីបង្ការ និងសង្គោះ និងរបៀបប្រើប្រាស់រថយន្តត្រៀមកម្លាំងប្រចាំការនៅពេលអគ្គិភ័យកើតឡើងក្នុងការចេញជួយសង្គ្រោះប្រជាពលរដ្ឋឱ្យបានទាន់ពេល ជូនលោក ណា កាហ្កាវ៉ា តាកេស៊ី អគ្គនាយកសកលវិទ្យាល័យ វ៉ាសេដា ទីក្រុងតូក្យូ ប្រទេសជប៉ុន និងសហការី ។
ក្នុងឱកាសនាពេលជួបពិភាក្សាគ្នាមកលោកវរសេនីយ៍ឯក ភឹង សម្បត្តិ ស្នងការរងទទួល
បន្ទុកការងារបង្ការពន្លត់អគ្គីភ័យ និងសង្គ្រោះក៏បានមានប្រសាសន៍ផងដែរថា ជំនួសមុខឱ្យ
លោកឧត្តមសេនីយ៍ត្រី ទិត្យ ណារ៉ុង ស្នងការនគរបាលខេត្ត និងក្នុងនាមកម្លាំងនគរបាលបង្ការពន្លត់អគ្គីភ័យ និងសង្គ្រោះទាំងអស់ សូមសម្តែងនូវអំណរគុណយ៉ាងជ្រាលជ្រៅចំពោះលោក ណាកា ហ្កាវ៉ា តាកេស៊ី អគ្គនាយកសកលវិទ្យាល័យ វ៉ាសេដា ទីក្រុងតូក្យូ ប្រទេសជប៉ុន ដែលកន្លងមកបានជួយឧបត្ថម្ភមធ្យោបាយសម្ភារបច្ចេកទេសដល់ការងារជំនាញ បង្ការពន្លត់អគ្គិភ័យក្នុងការជួយសង្គ្រោះ ដល់ប្រពលរដ្ឋកម្ពុជា ជាពិសេសប្រជាពលរដ្ឋក្នុងខេត្តសៀមរាបដើម្បីធានា និងបង្ការបាននូវគ្រោះអគ្គិភ័យកាន់តែល្អប្រសើរឡើវិញផងដែរ ព្រោះខេត្តសៀមរាប ជាតំបន់ទេសចរណ៍ដែលកំពុងទាក់ទាញភ្ញៀវជាតិ និងអន្តរជាតិរាប់ម៉ឺននាក់ដើម្បីចូលមកទស្សនានូវប្រាង្គប្រាសាទដែលជាសម្បត្តិបេតិកភ័ណ្ឌពិភពលោកផងដែរ ៕
ចែករំលែកព័តមាននេះ