រាជធានីភ្នំពេញ៖ ដូចដែលអ្នកបានដឹងហើយថា ការម៉ាស្សាមានប្រយោជន៍យ៉ាងច្រើនសម្រាប់សុខភាព។ ការម៉ាស្សាជាប្រចាំនឹងធ្វើឱ្យអ្នកមានអារម្មណ៍ធូរស្រាល ស្រស់ថ្លា បំបាត់ស្ត្រេស និងមានសុខភាពមាំមួនបានក្នុងពេលតែមួយ។ ភាពស្ត្រេសបណ្តាលមកពីការងារ ការសិក្សា ជំងឺ…
រាជធានីភ្នំពេញ៖ ដូចដែលអ្នកបានដឹងហើយថា ការម៉ាស្សាមានប្រយោជន៍យ៉ាងច្រើនសម្រាប់សុខភាព។ ការម៉ាស្សាជាប្រចាំនឹងធ្វើឱ្យអ្នកមានអារម្មណ៍ធូរស្រាល ស្រស់ថ្លា បំបាត់ស្ត្រេស និងមានសុខភាពមាំមួនបានក្នុងពេលតែមួយ។
ភាពស្ត្រេសបណ្តាលមកពីការងារ ការសិក្សា ជំងឺ និងបញ្ហាផ្សេងៗទៀតនឹងធ្វើឱ្យសាច់ដុំរបស់អ្នកតឹងណែន។ ការតឹងណែនសាច់ដុំនេះ អាចធ្វើឱ្យអ្នកមានដំណើរការមិនល្អលើសំពាធឈាម និងសំពាធខ្យល់ ហើយមានអារម្មណ៍ថា អស់កំលាំង និងស្ពឹកខ្លួន ។
ប៉ុន្តែការទទួលយកនូវការម៉ាស្សាដ៏ល្អមួយ គឺអាចជួយអ្នកបានក្នុងការកាត់បន្ថយនូវសម្ពាធដែលមាននៅក្នុងសាច់ដុំនៃសារពាង្គកាយរបស់អ្នក នោះគឺការធ្វើម៉ាស្សាដោយប្រើប្រេងក្រអូប ដែលវានឹងធ្វើឱ្យអ្នកមានអារម្មណ៍ល្អ មានភាពស្រស់ស្រាយ និងធូរស្រាលជាងមុន ។
ការម៉ាស្សានឹងអាចជួយបង្កើននូវចរន្តឈាម និងសំពាធខ្យល់រត់បានល្អពេញសារពាង្គកាយ ហើយអាចឱ្យវានាំមកនូវកម្រិតឈាម និងអុកស៊ីសែនច្រើនជាងមុន មកកាន់សាច់ដុំដែលអាចជួយក្នុងការកំចាត់ចោលនូវជាតិពុលបានផងដែរ។
អត្ថប្រយោជន៍នៃការម៉ាស្សាប្រេងនឹងជួយសម្រួលសរសៃឈាមកកស្ទះ ជួយធ្វើឱ្យចលនាឈាមដើរស្រួល បំបាត់ភាពធុញថប់ក្នុងអាម្មណ៍នឹងធ្វើឱ្យកោសិកាស្បែកមានសំណើម រស់ឡើងវិញបានតាមបែបធម្មជាតិ ។
អ្នកគ្រប់គ្រងនៅហាងម៉ាស្សាចំប៉ីស្ប៉ា ដែលជាហាងមួយផ្តល់សេវាកម្មម៉ាស្សាប្រេងបានឱ្យដឹងថា ចំពោះប្រេងដែលប្រើសម្រាប់ម៉ាស្សា គឺចំរាញ់ចេញពីផ្ការុក្ខជាតិ និងមើមរុក្ខជាតិផ្សេងៗ ផលិតដោយជនជាតិបារាំង និងផលិតនៅកម្ពុជា ជាពិសេសគឺមានដល់ទៅ ៥ក្លិន ដូចជាក្លិនចាស្មីន ឡាវវែនឌ័រ លីមិនក្រាស់ ជាដើម។
លោក វ៉ាត ណាឡំ គ្រូបណ្តុះបណ្តាលម៉ាស្សានៅហាងចំប៉ីស្ប៉ាបញ្ជាក់ថា៖ «ផលិតផលនិងប្រេងទាំងអស់ដែលយើងកំពុងតែប្រើប្រាស់ គឺមានការផ្សំឡើងនៅក្នុងស្រុកខ្មែរយើងតែម្តងដោយមានជនជាតិបារាំងដែលជានាក់រៀបចំផលិត និងត្រួតពិនិត្យលើគុណភាពផ្ទាល់។ សំរាប់ក្លិន និងគុណភាពធានាថា មិនមានផលប៉ះពាល់ដល់សុខភាពស្បែកនោះទេ នៅពេលដែលយើងម៉ាស្សាប្រេងហើយ ។ ប្រសិនបើជាជនជាតិអឺរ៉ុបវិញ គាត់អត់ងូតទឹកទេ ក្រោយពេលធ្វើម៉ាស្សារួចរាល់ ព្រោះគាត់យល់ឃើញថា សារជាតិប្រេងវាជួយការពារស្បែកមិនអោយទទួលរងផលប៉ះពាល់ពីកំដៅព្រះអាទិត្យ និងព្យាបាលស្បែកស្ងួតអោយមានសំណើមឡើងវិញ»។
លោកបន្តថា នៅហាងចំប៉ីស្ប៉ាប្រភេទនៃការម៉ាស្សាប្រេងនេះទទួលបានការចាប់អារម្មណ៍ពីភ្ញៀវយ៉ាងខ្លាំង ជាពិសេសភ្ញៀវបរទេស។ លោកបន្ថែមថា សំរាប់ភ្ញៀវដែលគាត់ជ្រើសរើសសេវាកម្មម៉ាស្សាប្រេងនេះ ភាគច្រើនគាត់មានអាការៈឈឺចាប់ពេញរាងកាយ ចលនាឈាម និងសម្ពាធខ្យល់មានដំណើរការមិនល្អ ភាពហត់នឿយក្នុងការងារ ឬការឈឺចាប់ដោយសារការលេងកីឡា…។
លោក វ៉ាត ណាឡំ មានប្រសាសន៍បន្ថែមទៀតថា៖ «ប្រភេទម៉ាស្សាប្រេងនេះ គឺអាចនិយាយបានថា វាជាការល្អមួយដែរ ក្នុងវិស័យសេវាកម្មស្ប៉ា និងម៉ាស្សា ដោយសារតែគុណភាព និងអត្ថប្រយោជន៍របស់វាមាននាទីសំខាន់ក្នុងការដោះស្រាយរាល់បញ្ហាឈឺចុកចាប់លើសារពាង្គកាយរបស់អតិថិជន ។ ចលនានីមួយៗ គឺយើងប្រើមេដៃ និងថ្លើមដៃមករុញឈ្លីសង្កត់ទៅលើសរសៃពួរសាច់ដុំ ប្រព័ន្ធសរសៃឈាម សន្លាក់ និងចំណុចផ្សេងៗដែលមានការឈឺចុកចាប់ ស្ពឹកស្រពន់ ឱ្យត្រលប់មកសភាពធម្មតាដូចដើមវិញ»៕
ចែករំលែកព័តមាននេះ