យោងទៅតាមសេចក្តីរាយការណ៍របស់ Mail Online ឲ្យដឹងថា ការពិបាកអាចនឹងកើតឡើងលើមនុស្សគ្រប់គ្នារួចទៅហើយ ប៉ុន្តែតើមនុស្សដែលមិនសូវបានកម្ពស់ ដឹងថាពិបាកក្នុងការទទួលបានភាពឆ្លាតវៃដែរទេ ? រឿងនេះបានមកពីការសិក្សាទៅលើហ្សែនមួយប្រភេទដែលគេរកឃើញថា មនុស្សដែលខ្ពស់ទំនងជាមានហ្សែនបង្កើតឡើងឲ្យមានជាប់ទាក់ទងនឹងភាពឆ្លាតវៃកាន់តែខ្លាំង ។
ការសិក្សានេះបានវិភាគទៅលើមនុស្សដែលមិនពាក់ព័ន្ធប្រមាណ៦៨១៥នាក់ ហើយរកឃើញការទាក់ទងមួយចំនួនរវាងកម្ពស់ និងភាពឆ្លាតវៃ ថ្វីបើវាមិនមានអ្វីខ្លាំងក្លាក៏ដោយ។ ពួកគេក៏បានរកឃើញអំណះអំណាងដែលថាការទាក់ទងនេះ អាចដោយសារតែកត្តាហ្សែនដែលចែកពីឪពុកម្តាយ ។
អ្នកស្រាវជ្រាវសង្ឃឹមថា ការសិក្សានៅថ្ងៃក្រោយនឹងជួយដល់ពួកគេយល់ដឹងកាន់តែល្អទៀតរវាងការទាក់ទងកម្ពស់ ភាពឆ្លាតវៃ និងសុខភាព ។
រឿងដែលសំខាន់ចំពោះការសិក្សានេះ គឺថា ការទាក់ទងរវាងកម្ពស់ និងភាពឆ្លាតវៃគឺមិនទាន់មានការកាត់សេចក្តីច្បាស់នៅឡើយទេ ដូច្នេះវាអាចនឹងមិនយុត្តិធម៌ឡើយដែលនិយាយថា មនុស្សទាបដឹងតែរៀនខ្សោយនោះ ៕
ចែករំលែកព័តមាននេះ