ទីក្រុងម៉ុងត្រេអាល់ ៖ កាលពីថ្ងៃចន្ទ ដើមសប្ដាហ៍នេះ ប្រធានផ្នែកពាណិជ្ជកម្មរបស់លោកប្រធានាធិបតីដូណាល់ត្រាំ (Donald Trump)បានជំទាស់សំណើរបស់ប្រទេសកាណាដា ក្នុងការបញ្ឈប់ការរាំងស្ទះការចរចាទំនើបកម្មនៃកិច្ចព្រមព្រៀងពាណិជ្ជកម្មសេរីអាមេរិកខាងជើង(NAFTA) ប៉ុន្តែបានសន្យាថានឹងបន្តការចរចា ។…
ទីក្រុងម៉ុងត្រេអាល់ ៖ កាលពីថ្ងៃចន្ទ ដើមសប្ដាហ៍នេះ ប្រធានផ្នែកពាណិជ្ជកម្មរបស់លោកប្រធានាធិបតីដូណាល់ត្រាំ (Donald Trump)បានជំទាស់សំណើរបស់ប្រទេសកាណាដា ក្នុងការបញ្ឈប់ការរាំងស្ទះការចរចាទំនើបកម្មនៃកិច្ចព្រមព្រៀងពាណិជ្ជកម្មសេរីអាមេរិកខាងជើង(NAFTA) ប៉ុន្តែបានសន្យាថានឹងបន្តការចរចា ។
លោកត្រាំធ្លាប់បានអះអាងថា កិច្ចព្រមព្រៀងដែលបង្កើតឡើងក្នុងឆ្នាំ១៩៩៤នោះ ធ្វើឲ្យអាមេរិកបាត់បង់ការងារផ្នែកផលិតកម្ម និងបានគំរាមជាប្រចាំថា នឹងដកសហរដ្ឋអាមេរិកចេញ ប្រសិនបើចរចាមិនបានកិច្ចព្រមព្រៀងដែលអាចនាំការងារមកកាន់សហរដ្ឋអាមេរិកវិញនោះ ។
លោក Robert Lighthizer អ្នកតំណាងផ្នែកពាណិជ្ជកម្មអាមេរិក បាននិយាយបន្ទាប់ពីការចរចាលើកទី៦នៃការធ្វើទំនើបកម្ម NAFTA ថា គំនិតរបស់លោកត្រាំលើកិច្ចព្រមព្រៀងនេះមិនមានការផ្លាស់ប្តូរទេ ហើយបានព្រមានថាការចរចានេះដំណើរការយឺតណាស់ក្នុងកន្លែងដែលសំខាន់សម្រាប់សហរដ្ឋអាមេរិក ។
ប៉ុន្តែភាគីខាងប្រទេសម៉ិកស៊ិក និងកាណាដាបាននិយាយថា ដំណើរការចរចាបានប្រព្រឹត្តទៅគ្រប់គ្រាន់ហើយ និងអាចសម្រេចកិច្ចព្រមព្រៀងនេះក្នុងពេលឆាប់ៗ ជាមួយនឹងការចរចាបន្ទាប់នឹងកើតមានឡើងនៅថ្ងៃទី ២៦ខែកុម្ភៈនៅទីក្រុង ម៉ិកស៊ិកូ ។
ក្នុងពេលបច្ចុប្បន្ននេះ មន្ត្រីព្យាករណ៍ថា ការខិតខំប្រឹងប្រែងដើម្បីជួយសង្គ្រោះកិច្ចព្រមព្រៀងតម្លៃ១,២ទ្រីលានដុល្លារនេះ នឹងបន្តហួសចុងខែមីនា ។
មន្ត្រីកាណាដាម្នាក់បានអះអាងថា លោក Lighthizer មិនគិតថានឹងដកសហរដ្ឋអាមេរិកចេញទេ ថែមទាំងនិយាយថា មន្ត្រីអាមេរិកកាន់តែមានគំនិតវិជ្ជមានឡើង ។
ការចរចានៅប្រទេសម៉ិកស៊ិកក្នុងខែក្រោយគឺជាការចរចាបន្ថែមដែលមន្ត្រីបានបង្កើតឡើងដើម្បីដោះស្រាយបញ្ហាដែលនៅសេសសល់ជាច្រើន ។ អ្នកចរចាត្រូវបញ្ចប់ការចរចាក្នុងរដ្ឋធានីវ៉ាស៊ីនតោននាខែមីនាខាងមុខក្នុងអំឡុងការចរចាលើកទី៨ ៕
ចែករំលែកព័តមាននេះ