ការរាំអាចពង្រឹងដល់មុខងាររបស់ខួរក្បាលបានច្រើនកម្រិតណាស់ ។ ទីមួយ សាច់ដុំដែលទទួលការខុសត្រូវលើការចងចាំ អនុញ្ញាតឲ្យយើងរាំដោយមិនបានគិតអំពីជំហាន អ្វីៗទាំងអស់ ។ តាមអ្នកវិទ្យាសាស្ត្រសរសៃប្រសាទ លោក Daniel…
ការរាំអាចពង្រឹងដល់មុខងាររបស់ខួរក្បាលបានច្រើនកម្រិតណាស់ ។ ទីមួយ សាច់ដុំដែលទទួលការខុសត្រូវលើការចងចាំ អនុញ្ញាតឲ្យយើងរាំដោយមិនបានគិតអំពីជំហាន អ្វីៗទាំងអស់ ។
តាមអ្នកវិទ្យាសាស្ត្រសរសៃប្រសាទ លោក Daniel Glaster ដែលបាននិយាយនៅក្នុងការសែត The New York Times ឲ្យដឹងថា រឿងនេះកើតឡើងដោយសារតែចលនានៃការរាំ បានគូរជាផែនទីនៅក្នុងខួរក្បាល ដើម្បីបង្កើតបានជាផ្លូវកាត់មួយរវាងការគិត និងការធ្វើ ។ ម្យ៉ាងវិញទៀតយើងចងចាំនូវរបៀបដែលយើងធ្វើយ៉ាងមានប្រសិទ្ធភាព និងមិនត្រូវការ ការខិតខំប្រឹងប្រែងអ្វីខ្លាំងក្លាឡើយ ។ ក្នុងពេលរាំ អ្នកនឹងត្រូវធ្វើចលនា ដដែលៗជាប់រហូត ដែលប្រៀបបានដូចជាការអនុវត្តអ្វីមួយបែបអូតូម៉ាទិច ។
ថ្វីបើសាច់ដុំទទួលខុសត្រូវលើការចងចាំ មិនអាចញែកឲ្យដាច់ថា ចលនាមួយត្រូវ ឬខុសក៏ដោយ ក៏ការស្រាវជ្រាវមួយចំនួនណែនាំថា ក្រោយពីធ្វើចលនារាំបានជោគជ័យ វានឹងបញ្ចេញសារធាតុ Endorphins ទៅក្នុងឈាម ដែលជាហេតុនាំឲ្យខួរក្បាលរក្សាវាទុក ក្លាយទៅជាការធ្វើចលនារាងកាយដ៏ត្រឹមត្រូវ ហើយក៏ងាយស្រួលក្នុងការរំលឹកចលនានោះឡើងវិញផងដែរ ។
សរុបសេចក្តីមកការរាំនឹងជំរុញដល់រាងកាយក្នុងការបញ្ចេញសារធាតុ ដែលអាចលើកទឹកចិត្តដល់ខួរក្បាល មានការចងចាំកាន់តែល្អ ជាពិសេសសាច់ដុំដែលជំរុញដល់ការចងចាំតែម្តង ៕
ចែករំលែកព័តមាននេះ