ខេត្តបន្ទាយមានជ័យ ៖ សំបុត្រចេញចូលផ្សាររុងក្លឿទឹកដីថៃ នៅច្រកទ្វារអន្តរជាតិប៉ោយប៉ែត បានកែប្រែពីការមិនយកប្រាក់មកយកប្រាក់វិញ ប៉ុន្តែក្នុងតម្លៃទាបត្រឹម១សន្លឹក១០០រៀល ចាប់ពីថ្ងៃទី០១ ខែកុម្ភៈ ខាងមុខនេះ ដល់ចុងខែសីហា…
ខេត្តបន្ទាយមានជ័យ ៖ សំបុត្រចេញចូលផ្សាររុងក្លឿទឹកដីថៃ នៅច្រកទ្វារអន្តរជាតិប៉ោយប៉ែត បានកែប្រែពីការមិនយកប្រាក់មកយកប្រាក់វិញ ប៉ុន្តែក្នុងតម្លៃទាបត្រឹម១សន្លឹក១០០រៀល ចាប់ពីថ្ងៃទី០១ ខែកុម្ភៈ ខាងមុខនេះ ដល់ចុងខែសីហា ឆ្នាំ២០១៨ នេះបើយោងតាមសេចក្តីជូនដំណឹងរបស់នគរបាលប៉ុស្តិ៍ច្រកទ្វារព្រំដែនអន្តរជាតិប៉ោយប៉ែត យោងតាមស្មារតីអង្គប្រជុំមួយដែលបានប្រារព្ធធ្វើឡើងកាលពីពេលថ្មីៗ នៅរដ្ឋបាលសាលាខេត្តបន្ទាយមានជ័យ ។
សេចក្តីជូនដំណឹងនេះបន្តថា ថវិកាថ្លៃសំបុត្រចេញចូលដីថៃ (ផ្សាររុងក្លឿ) ១សន្លឹក១០០រៀលនេះ រដ្ឋបាលខេត្តបន្ទាយមានជ័យ ជាអ្នកតម្រូវឲ្យខាងប៉ុស្តិ៍នគរបាលអន្តោប្រវេស្តន៍ច្រកទ្វារប្រមូលយកទៅឲ្យខេត្តបោះពុម្ភសំបុត្រយកឲ្យខាងប៉ុស្តិ៍នគរបាលអន្តោប្រវេស្តន៍ចែកជូនប្រជាពលរដ្ឋវិញ ។
ក្រៅពីនេះសេចក្តីជូនដំណឹងនោះ ក៏បានបញ្ជាក់ថា ចាប់ពីថ្ងៃទី០១ ខែកញ្ញា ឆ្នាំ២០១៨ តទៅ រដ្ឋបាលខេត្ត និងបញ្ឈប់ឲ្យនគរបាលអន្តោប្រវេស្តន៍បន្តការចែកសំបុត្រព្រំដែនបណ្តោះអាសន្ននេះទៀតហើយ គឺតម្រូវឲ្យប្រជាពលរដ្ឋទាំងអស់ប្រើប្រាស់ប័ណ្ណព្រំដែន និងលិខិតឆ្លងដែនវិញ ។
លោកវរសេនីយ៍ត្រី សេម មករា ប្រធានសេនាធិការនគរបាលអន្តោប្រវេស្តន៍ប៉ុស្តិ៍ច្រកទ្វារអន្តរជាតិប៉ោយប៉ែត ប្រាប់តាមទូរស័ព្ទ នៅព្រឹកថ្ងៃទី៣០ ខែមករា នេះថា ករណីខាងលើពិតជាកើតមានមែន ។ ពេលសួរថា តើការតម្រូវឲ្យពលរដ្ឋប្រើប័ណ្ណព្រំដែន (Border Pass) និងលិខិតឆ្លងដែន (Pass Port) ជំនួសប័ណ្ណចេញចូលផ្សាររុងក្លឿសម្រាប់តែពលរដ្ឋក្នុងខេត្តបន្ទាយមានជ័យ ឬទូទៅ0x017d7 លោកប្រាប់ថា អាចសម្រាប់ពលរដ្ឋទូទៅ មិនមែនសម្រាប់តែក្នុងខេត្តបន្ទាយមានជ័យឡើយ ។
មជ្ឈដ្ឋាននានាជាច្រើនបានលើកជាចម្ងល់ថា បើពេលខាងមុខគេតម្រូវឲ្យពលរដ្ឋចេញចូលដីថៃ (ផ្សាររុងក្លឿ) តាមច្រកទ្វារអន្តរជាតិប៉ោយប៉ែត ប្រើប័ណ្ណព្រំដែន និងលិខិតឆ្លងដែន តើពលរដ្ឋ និងជួបផលលំបាកដែរឬទេ0x017d7 ព្រោះអ្នកចេញចូលផ្សាររុងក្លឿភាគច្រើនជាកម្មករអូសរទេះ ត្រូវប្រថាប់ត្រាឯកសាជាប្រចាំសម្រាប់ចេញចូល អ្នកខ្លះ១ថ្ងៃ៤ទៅ៥ដងឯណុះ ម្យ៉ាងប័ណ្ណព្រំដែន និងលិខិតឆ្លងដែន បើមានការប្រថាប់ត្រាចេញចូលញឹកញាប់វា និងងាយឆាប់ពេញមុនពេលផុតសុពលភាព វានឹងធ្វើឲ្យពលរដ្ឋជួបការលំបាក ។
ចម្ងល់នេះត្រូវបាន លោក សេម មករា អះអាងថា ពេលនោះប្រហែលជាថ្នាក់លើពិសេសរាជរដ្ឋាភិបាល អាចនឹងរិះរកវិធីងាយណាមួយជាមួយភាគីថៃ ដើម្បីឲ្យពលរដ្ឋមានភាពងាយស្រួលក្នុងការឆ្លងដែនដោយស្របច្បាប់ ៕
ចែករំលែកព័តមាននេះ