ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តដឹកនាំដោយលោក ណាម ណម នាយរងការិយាល័យនគរបាលប្រឆាំងគ្រឿងញៀនខេត្តចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀនឈានដល់ឃាត់ខ្លួនបាន ជនសង្ស័យប្រុសស្រីចំនួន៤នាក់ ។ ក្នុងប្រតិបត្តិការធ្វើឡើងនៅវេលាម៉ោង២២និង០០នាទីរសៀល…
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តដឹកនាំដោយលោក ណាម ណម នាយរងការិយាល័យនគរបាលប្រឆាំងគ្រឿងញៀនខេត្តចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀនឈានដល់ឃាត់ខ្លួនបាន ជនសង្ស័យប្រុសស្រីចំនួន៤នាក់ ។ ក្នុងប្រតិបត្តិការធ្វើឡើងនៅវេលាម៉ោង២២និង០០នាទីរសៀល ថ្ងៃទី២៧ ខែមករានេះ ស្ថិតនៅភូមិសាលាកន្សែង សង្កាត់ស្វាយដង្គំ ក្រុង-ខេត្តសៀមរាប ។
សមត្ថកិច្ចជំនាញខេត្តបានប្រាប់ថា ជនសង្ស័យប្រុសស្រីទាំង៤នាក់ទី១- ឈ្មោះ អ៊ី រ៉ូហ្សា ហៅ និច ភេទស្រី មុខរបរគ្មាន ទីលំនៅភូមិត្រពាំងសេះ សង្កាត់គោកចក ក្រុង-ខេត្តសៀមរាប (រក្សាទុក និងជួញដូរ) (មានសារធាតុញៀនក្នុងខ្លួន) ទី២- ឈ្មោះ ហ៊ន សាវឿត ភេទប្រុស មុខរបរកម្មករឡនំប៉័ង ទីលំនៅភូមិចុងកៅស៊ូ សង្កាត់ស្លក្រាម ក្រុង-ខេត្តសៀមរាប(រក្សាទុក និងជួញដូរ ទី៣- ឈ្មោះ ព្រឿង ហ្សេវៀត ភេទប្រុស មុខរបរចុងភៅ ទីលំនៅភូមិទក្សិណត្បូង សង្កាត់គោកចក ក្រុង-ខេត្តសៀមរាប និងទី៤- ឈ្មោះ ណាត់ ដុល្លា ភេទប្រុស មុខរបរជាងបិទស្កុតម៉ូតូ ទីលំនៅភូមិទ្រាំង សង្កាត់ស្លក្រាម ក្រុងខេត្ត-សៀមរាប ។
ក្រោយឃាត់ខ្លួនជនសង្ស័យប្រុសស្រីទាំង៤នាក់ ក្នុងនោះកម្លាំងជំនាញបានធ្វើការដកហូតបានវត្ថុតាងរួមមាន ម្សៅ ប្រភេទទឹកកកចំនួន២៥កញ្ចប់ ឧបករណ៍ប្រើប្រាស់ និងសម្ភារវេចខ្ចប់ថ្នាំញៀនមួយចំនួន ទូរស័ព្ទដៃចំនួន០៤គ្រឿង ។
បច្ចុប្បន្នជនសង្ស័យប្រុសស្រីទាំង៤នាក់ និងវត្ថុតាងត្រូវបានកម្លាំងជំនាញរៀបចំកសាងសុំណុំរឿងបញ្ចូនទៅសាលាដំបូងខេត្តនារសៀលថ្ងៃទី២៩ ខែមករានេះ ដើម្បីចាត់ការទៅតាមនីតិវិធីច្បាប់ ៕
ចែករំលែកព័តមាននេះ