ខ្ទឹម ស គឺជាគ្រឿងផ្សំមួដែលម្ហូបជាច្រើនត្រូវការជាចាំបាច់ ដើម្បីឲ្យមានរសជាតិកាន់តែប្រសើរឡើង។ វាអាចកាត់ក្លិនឆ្អាប និងក្លិនអាក្រក់ផ្សេងទៀត ដែលធ្វើឲ្យយើងពិបាកទទួលទាន។ ថ្វីបើខ្ទឹម ស អាចកាត់ក្លិនអាក្រក់ក្នុងម្ហូបមែន…
ខ្ទឹម ស គឺជាគ្រឿងផ្សំមួដែលម្ហូបជាច្រើនត្រូវការជាចាំបាច់ ដើម្បីឲ្យមានរសជាតិកាន់តែប្រសើរឡើង។ វាអាចកាត់ក្លិនឆ្អាប និងក្លិនអាក្រក់ផ្សេងទៀត ដែលធ្វើឲ្យយើងពិបាកទទួលទាន។ ថ្វីបើខ្ទឹម ស អាចកាត់ក្លិនអាក្រក់ក្នុងម្ហូបមែន វាធ្វើឲ្យយើងពិបាកទ្រាំចំពោះក្លិនជាប់ដៃរបស់យើង ក្រោយហាន់វារួច។
ខាងក្រោមនេះ គឺជាវិធីងាយស្រួលខ្លះៗពីប្រភពព័ត៌មាន Metro សម្រាប់បំបាត់ក្លិនខ្ទឹម ស ជាប់ដៃក្រោយធ្វើម្ហូប ៖
១. អំបិល និងក្រូចឆ្មា ៖ លាយអំបិល និងក្រូចឆ្មាជាមួយគ្នា រួចហើយមកលាងដៃសើម។ អាស៊ីតស៊ីដ្រិច នៅក្នុងក្រូចឆ្មា និងភាពគ្រើមរបស់អំបិល នឹងស្រូបយកក្លិនខ្ទឹមជាប់នឹងដៃបានដោយមានប្រសិទ្ធភាព។
២. ម្ស៉ៅ Baking Soda ៖ ម្ស៉ៅដុតនំ គឺជាសារធាតុស្រូបក្លិនយ៉ាងល្អ។ យើងគ្រាន់ដួសមួយស្លាបព្រាបាយ លាយជាមួយនឹងទឹកបន្តិចឲ្យវាខាប់ៗ ហើយយកមកដដុសនឹងដៃទាំងពីរ។
៣. ថ្នាំដុសធ្មេញ ឬ ទឹកខ្ពុលមាត់ ៖ ចំពោះថ្នាំដុសធ្មេញ យើងត្រូវយកប្រភេទមានក្លិនជីអង្កាម។ សារធាតុអាល់កាឡាំងរបស់វា មានប្រតិកម្មជាមួយនឹងសារធាតុអាលីស៊ីនរបស់ខ្ទឹម ស ។ ចំណែកឯទឹកខ្ពុលមាត់ មានសារធាតុអាល់កុល ដែលអាចបិទរន្ធតូចៗនៅលើស្បែកដៃ។ ក្លិនក៏បាត់ទៅតាមហ្នឹងដែរ។
គួរបញ្ជាក់ផងដែរថា មនុស្សភាគច្រើនយល់ថា ការប្រើប្រាស់ទឹកក្តៅសម្រាប់លាងសម្អាត គឺជាវិធីល្អ។ តាមការពិត វាធ្វើឲ្យក្លិនកាន់តែខ្លាំងជាងមុន ព្រោះវាបើករន្ធតូចៗលើស្បែកដៃ។ យើងគួរតែប្រើទឹកត្រជាក់វិញ ទើបអាចដោះស្រាយបានដោយមានប្រសិទ្ធភាព៕
ចែករំលែកព័តមាននេះ