លោកស្រី អេនជេលីណា ជូលី ថា ដំណោះស្រាយជម្លោះត្រូវមានជាបន្ទាន់
ប្រទេសស៊ីរី ៖ តារាភាពយន្តអាមេរិក លោកស្រី អេនជេលីណា ជូលី កាលពីថ្ងៃទី២៨ មករា បានទៅជួបជាមួយជនភៀសខ្លួនស៊ីរី នៅហ្សកដានី…
ប្រទេសស៊ីរី ៖ តារាភាពយន្តអាមេរិក លោកស្រី អេនជេលីណា ជូលី កាលពីថ្ងៃទី២៨ មករា បានទៅជួបជាមួយជនភៀសខ្លួនស៊ីរី នៅហ្សកដានី…
ប្រទេសស៊ីរី ៖ តារាភាពយន្តអាមេរិក លោកស្រី អេនជេលីណា ជូលី កាលពីថ្ងៃទី២៨ មករា បានទៅជួបជាមួយជនភៀសខ្លួនស៊ីរី នៅហ្សកដានី ដោយជំរុញឱ្យបណ្តាសមាជិកក្រុមប្រឹក្សាសន្តិសុខ អ.ស.ប ធ្វើសកម្មភាពបន្ទាន់ ដើម្បីដោះស្រាយជម្លោះនៅស៊ីរី ដែលនាពេលឆាប់ខាងមុខឈានចូលដល់ឆ្នាំទី៨ហើយ ។
ជាឯកអគ្គរដ្ឋទូតសុឆន្ទៈរបស់ស្នងការជាន់ខ្ពស់ អ.ស.ប ខាងជនភៀសខ្លួន HCR តារាភាពយន្តហោះអាមេរិករូបនេះបានទៅកាន់ជំរំជនភៀសខ្លួន ZAATARI ហើយថ្លែងទៅកាន់សារព័ត៌មាននៅទីនោះ ។ លោកស្រីថ្លែងថា ខ្ញុំពិតជាមានការច្របូកច្របល់ក្នុងចិត្តពេលមកកាន់ហ្សកដានីជាថ្មី ហើយសង្កេតឃើញកម្រិតនៃទុក្ខសោក ការលំបាកនានាដែលជនភៀសខ្លួនស៊ីរីជួបប្រទះ ខណៈជម្លោះឈានចូលដល់ឆ្នាំទី៨ ហើយ ។
ស្ថិតនៅភាគខាងជើងហ្សកដានី ជំរំ ZAATARI មានជនភៀសខ្លួនស៊ីរីចំនួន៨០.០០០នាក់ ។ តាម HCR ពលរដ្ឋស៊ីរីជាង៦៥០.០០០នាក់ បានរត់ភៀសខ្លួនចេញពីសង្គ្រាម មកកាន់ហ្សកដានី ជាប្រទេសមានព្រំដែនជាប់ស៊ីរីប្រវែង៣៧០គីឡូម៉ែត្រ ។ ទោះបីយ៉ាងណា អាជ្ញាធរហ្សកដានីវាយតម្លៃថា ជនភៀសខ្លួនស៊ីរីនៅប្រទេសនេះមានដល់ជាង១លាននាក់ឯណោះ ។
ហ្សកដានី តួកគី លីបង់ និងអ៊ីរ៉ាក់ ពេលនេះទទួលជនភៀសខ្លួនស៊ីរីសរុបជិត៥,៥លាននាក់ ។ លោកស្រីជូលី គូសបញ្ជាក់ថា នេះជាមេរៀនមួយសម្រាប់ពិភពលោក ។ លោកស្រីអះអាងថា រយៈពេលយូរជំនួយមនុស្សធម៌ពុំមានបញ្ហាឡើយ ។
លោកស្រីជូលី ដែលមកកាន់ហ្សកដានីជាលើកទី៥ បន្តថា យើងស្នើដល់សមាជិកក្រុមប្រឹក្សាសន្តិសុខ អ.ស.ប ឱ្យធ្វើសកម្មភាពដើម្បីដោះស្រាយជម្លោះ ហើយកសាងសន្តិភាពឡើងវិញនៅស៊ីរី ៕
ចែករំលែកព័តមាននេះ