«ស៊ីនហួ» របស់ចិន ផ្សាយកាលពីពេលថ្មីៗកន្លងមកថា មានក្បួនរថយន្តដឹករ៉ែ និងរថយន្តធុនតូចជាច្រើនគ្រឿងត្រូវបានដង្ហែពេញផ្លូវ ។
រថយន្តទាំងនោះជួលដោយសេដ្ឋីចិនម្នាក់នៅតំបន់លីងស៊ឺ ខេត្តសានស៊ី ប្រទេសចិនដើម្បីដង្ហែសពម្តាយដែលស្លាប់ កាលពីថ្ងៃទី២១ មករា ២០១៨ ។ មិនតែប៉ណ្ណោះបានជួលអ្នកសិល្បៈចូលរួមសម្តែងយ៉ាងអធិកអធម ដើម្បីដង្ហែសពម្តាយជាលើកចុងក្រោយ។
អ្នកលេងអ៊ីនធើរណេតមួយចំនួនសម្តែងការយល់ឃើញថា ការរៀបចំដង្ហែសពដ៏អធិកអធមបែបនោះអាចឆ្លុះបញ្ចាំងថា ប្រហែលជាកូនថែទាំម្តាយមិនបានដិតដល់ ដូច្នេះហើយនៅពេលម្តាយចែកឋានក៏រៀបចំពិធីយ៉ាងគគ្រឹកគគ្រេង ដើម្បីលាងកំហុស ។
ខ្លះទៀតយល់ថា ក្នុងនាមកូនជាសេដ្ឋីគួររៀបចំបុណ្យសពម្តាយឱ្យល្អ និងរៀបចំឱ្យស្របទៅតាមទ្រព្យធន ៕
ចែករំលែកព័តមាននេះ