លោក Elton John តារាចម្រៀង និងជាអ្នកតែងបទចម្រៀងដ៏ល្បីរបស់អង់គ្លេសអាយុ៧០ឆ្នាំគឺជាផ្នែកមួយនៃតារាចម្រៀងដ៏ល្បីឈ្មោះនៅលើពិភពលោកបានត្រៀមប្រកាសពីអនាគតរបស់ខ្លួនក្នុងពេល ឆាប់ៗខាងមុខនេះ ។ លោកបញ្ជាក់ថាបានសម្រេចចិត្តពីអនាគតរបស់ខ្លួនរួចរាល់ហើយ ខណៈពេលប្រព័ន្ធផ្សព្វផ្សាយសង្ស័យថា អាចប្រកាសឈប់សម្តែងក្នុងកម្មវិធីប្រគំតន្ត្រី…
លោក Elton John តារាចម្រៀង និងជាអ្នកតែងបទចម្រៀងដ៏ល្បីរបស់អង់គ្លេសអាយុ៧០ឆ្នាំគឺជាផ្នែកមួយនៃតារាចម្រៀងដ៏ល្បីឈ្មោះនៅលើពិភពលោកបានត្រៀមប្រកាសពីអនាគតរបស់ខ្លួនក្នុងពេល ឆាប់ៗខាងមុខនេះ ។ លោកបញ្ជាក់ថាបានសម្រេចចិត្តពីអនាគតរបស់ខ្លួនរួចរាល់ហើយ ខណៈពេលប្រព័ន្ធផ្សព្វផ្សាយសង្ស័យថា អាចប្រកាសឈប់សម្តែងក្នុងកម្មវិធីប្រគំតន្ត្រី ។
លោកEltonធ្លាប់បញ្ជាក់កាលពីខែមករា ២០១៧ថាទៅអនាគតលោកចង់កាត់បន្ថយការសម្តែងឱ្យនៅតិច ដើម្បីមានពេលវេលាថែទាំកូន២នាក់ដែលបានចិញ្ចឹមបីបាច់ ។
លោកEltonបានទទួលពានរង្វាន់កិត្តិយសនៅថ្ងៃទី៩ តុលា ២០០៦ និងកាលពីឆ្នាំមុនបានសម្តែងភាពយន្តរឿង«Kingsman»ហើយសមិទ្ធផលនៃបទចម្រៀងលក់បានជាង៣០០លានបន្ទះនៅទូទាំងពិភពលោក ។ លោកមានគម្រោងសម្តែងតន្ត្រីទេសចរណ៍ក្រោយពីបានចូលប្រឡូកអស់រយៈពេលជិត៥០ឆ្នាំ ប៉ុន្តែនៅសម្តែងលើកចុងក្រោយដែលកំណត់ចាប់ផ្តើមនៅខែកញ្ញា ២០១៨ ដើម្បីមានពេលវេលាដល់ក្រុមគ្រួសារថែទាំកូនចំនួន២នាក់ ។
ការប្រគំតន្ត្រីទេសចរណ៍លើកចុងក្រោយនេះមានឈ្មោះថា«Farewell Yellow Brick Road»ចាប់ផ្តើមនៅខែកញ្ញា ២០១៨ ត្រូវសម្តែងឱ្យបាន៣០០ជុំនៅទ្វីបអាមេរិកខាងជើង អាស៊ី អាមេរិកខាងត្បូង និងត្រូវមកអាស៊ីជាថ្មីដោយចាប់ផ្តើមលក់សំបុត្រនៅថ្ងៃទី២ កុម្ភៈ ៕
ចែករំលែកព័តមាននេះ