ខេត្តកំពង់ធំ ៖ ហេតុការដែលបង្កឲ្យមានការភ្ញាក់ផ្អើលបានកើតឡើងកាលពីព្រឹកថ្ងៃទី២៨ ខែមករា ឆ្នាំ២០១៨ នៅកសិដ្ឋានចិញ្ចឹមត្រីជាប់នឹងទំនប់ប្រឡាយទឹក៦មករា ក្នុងភូមិល្អក់ ឃុំកំពង់ថ្ម ស្រុកសន្ទុក ខេត្តកំពង់ធំ…
ខេត្តកំពង់ធំ ៖ ហេតុការដែលបង្កឲ្យមានការភ្ញាក់ផ្អើលបានកើតឡើងកាលពីព្រឹកថ្ងៃទី២៨ ខែមករា ឆ្នាំ២០១៨ នៅកសិដ្ឋានចិញ្ចឹមត្រីជាប់នឹងទំនប់ប្រឡាយទឹក៦មករា ក្នុងភូមិល្អក់ ឃុំកំពង់ថ្ម ស្រុកសន្ទុក ខេត្តកំពង់ធំ ។
ពាក់ព័ន្ធករណីខាងលើនេះបើតាមការឲ្យដឹងពីឈ្មោះ ផូ យុត្តា អាយុ៣០ឆ្ឋាំ ជាមេការ និងត្រូវជាមិត្តភក្តិរបស់ជនរងគ្រោះបានប្រាប់ថា ក្រោយចប់ការងារនៅពេលល្ងាចនាំគ្នាហូបបាយរួច ម្ចាស់កសិដ្ឋានលោក សុខ រ៉ាដែន មកពីភ្នំពេញលោកបានទិញគ្រឿងក្លែម និងស្រាបៀមួយកេសមកផ្ញើរកម្មករចែកគ្នាហូបដែលមានគ្នា៥នាក់ហើយជនរងគ្រោះឈ្មោះ វន្ថា ធូ ភេទប្រុស អាយុ២៩ឆ្នាំ មុខរបរកម្មករចិញ្ចឹមត្រី មានស្រុកកំណើតនៅភូមិបាក់ព្រី ឃុំបឹងដោល ស្រុកព្រះស្តេច ខេត្តព្រៃវែង បច្ចុប្បន្នបានមកស្នាក់នៅកន្លែងកើតហេតុខាងលើក៏បានផឹកនឹងគេដែរ អស់ប្រហែល៣កំប៉ុងមិនមានស្រវឹងអីនោះទេ នៅពេលដែលអស់ស្រាក៏នាំគ្នាសម្រាកលើគ្រែរៀងៗខ្លួននៅក្បែរៗគ្នាទាំងអស់គ្នាទៅ ។
លុះព្រឹកឡើងថ្ងៃកើតហេតុខាងលើស្ត្រីឈ្មោះ ផាប់ សុផាត ហៅស្រីពៅ អាយុ២៤ឆ្នាំ ជាអ្នកដាំស្លនៅទីនោះមកដល់ពីផ្ទះក៏បានរៀបចំកន្លែងក៏ឃើញកង្ហានៅចុងជើងជនរងគ្រោះវិលរហូតក៏ដើរទៅបិតហើយក៏បានដាស់ជនរងគ្រោះឱ្យងើបនៅពេលអង្រួនជើងក៏រង្គើរដល់ក្បាល អង្រួនពីរបីដងនៅតែអញ្ចឹងក៏មានការភ្ញាក់ផ្អើលនាំគ្នាពិនិត្យមើលឃើញជនរងគ្រោះបានស្លាប់បាត់មិនដឹងតាំងពីពេលណាមកនោះទេក៏បានរាយការណ៍ឲ្យសមត្ថកិច្ច ។
ក្រោយដឹងព័ត៌មានលោកនាយប៉ុស្តិ៍កំពង់ថ្ម កម្លាំងជំនាញបានចុះដល់កន្លែងកើតហេតុពិនិត្យកន្លែងកើតហេតុ និងពិនិត្យសពដោយមានសមាសភាពចូលរួម លោកមេឃុំកពង់ថ្ម ប្រឹក្សាឃុំពីររូប លោកមេភូមិល្អក់ និងលោកគ្រូពេទ្យប្រចាំមណ្ឌលភូមិល្អក់ បន្ទាប់ពីធ្វើកោសល្យវិច្ឆ័យរួចឃើញថា ជនរងគ្រោះដេកស្លាប់ដោយសារការគាំងបេះដូង ៕
ចែករំលែកព័តមាននេះ