ខេត្តបន្ទាយមានជ័យ ៖ បុរសចំនួន២នាក់ជាអ្នកបើកបរម៉ូតូ បានរងរបួសយ៉ាងធ្ងន់ធ្ងរក្នុងករណីគ្រោះថ្នាក់ចរាចរ គួរឲ្យហួសចិត្តមួយបានមួយកើតឡើង នៅវេលាម៉ោង០៦ល្ងាច ថ្ងៃទី២៨ ខែមករា ឆ្នាំ២០១៨ នៅចំណុចចន្លោះបង្គោលគីឡូម៉ែត្រលេខ…
ខេត្តបន្ទាយមានជ័យ ៖ បុរសចំនួន២នាក់ជាអ្នកបើកបរម៉ូតូ បានរងរបួសយ៉ាងធ្ងន់ធ្ងរក្នុងករណីគ្រោះថ្នាក់ចរាចរ គួរឲ្យហួសចិត្តមួយបានមួយកើតឡើង នៅវេលាម៉ោង០៦ល្ងាច ថ្ងៃទី២៨ ខែមករា ឆ្នាំ២០១៨ នៅចំណុចចន្លោះបង្គោលគីឡូម៉ែត្រលេខ ១៣-១៤ ស្ថិតក្នុងភូមិអូរអំពិល ឃុំទួលឡពង្រ ស្រុកម៉ាឡៃ ខេត្តបន្ទាយមានជ័យ ។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានប្រាប់ឲ្យដឹងថា នៅមុនពេលកើតហេតុនោះ មានម៉ូតូ២គ្រឿង ១គ្រឿងបើកបរដោយឈ្មោះ កង ភឿន ភេទប្រុស អាយុ២០ឆ្នាំ និង១គ្រឿងទៀតបើកបរដោយឈ្មោះ កង គង់ ភេទប្រុស អាយុ២៧ឆ្នាំ ។ អ្នកទាំងពីររស់នៅភូមិទួលពង្រ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ បើកពីមុខក្រោយគ្នា ក្នុងល្បឿនលឿនពីលិចទៅកើត លុះបើកមកដល់ចំណុចកើតហេតុនោះ ស្រាប់តែមានសត្វគោ១ក្បាលដើរឆ្លើងកាត់ផ្លូវវាក់ចាប់ហ្វ្រាំងមិនទាន់ ក៏បានទៅបុកគោកំពុងដើរឆ្លងថ្នល់ពេញទំហឹងទាំង២គ្រឿង បណ្ដាលឲ្យរបួសធ្ងន់ទាំង២នាក់ ។
ក្រោយពីកើតហេតុ ជនរងគ្រោះទាំង២នាក់ត្រូវបានបងប្អូនដឹកយកទៅព្យាបាលនៅមន្ទីពេទ្យបង្អែកក្រុងប៉ោយប៉ែត ដើម្បីសង្គ្រោះជីវិតភ្លាមៗផងដែរ ។ ចំណែកម៉ូតូ និងសត្វគោត្រូវបានកម្លាំងសមត្ថកិច្ចយកទៅរក្សារទុកនៅនគរបាលប៉ុស្តិ៍ទួលពង្រ ដើម្បីរង់ចាំដោះស្រាយនៅថ្ងៃក្រោយ ៕
ចែករំលែកព័តមាននេះ