ខេត្តព្រៃវែង ៖ មន្ត្រីនគរបាលស្រុកពារាំង បានចាប់ខ្លួនបុរសម្នាក់បញ្ជូនទៅតុលាការ បន្ទាប់ពីមាននារីម្នាក់បានប្តឹងដោយចោទប្រកាន់ថា បុរសរូបនោះចាប់នាងរំលោភរហូតសម្រេចកាលពីមួយសប្តាហ៍មុន គឺថ្ងៃទី២០ ខែមករា ឆ្នាំ២០១៨។ ការឃាត់ខ្លួននេះបានធ្វើឡើងកាលពីរសៀលថ្ងៃទី២៧…
ខេត្តព្រៃវែង ៖ មន្ត្រីនគរបាលស្រុកពារាំង បានចាប់ខ្លួនបុរសម្នាក់បញ្ជូនទៅតុលាការ បន្ទាប់ពីមាននារីម្នាក់បានប្តឹងដោយចោទប្រកាន់ថា បុរសរូបនោះចាប់នាងរំលោភរហូតសម្រេចកាលពីមួយសប្តាហ៍មុន គឺថ្ងៃទី២០ ខែមករា ឆ្នាំ២០១៨។
ការឃាត់ខ្លួននេះបានធ្វើឡើងកាលពីរសៀលថ្ងៃទី២៧ ខែមករា ស្ថិតនៅចំណុចភូមិត្រកៀត ឃុំរកាស្រុកពារាំង ខេត្តព្រៃវែង ដោយជនសង្ស័យឈ្មោះ សុង សី អាយុ៣១ឆ្នាំ មានទីលំនៅក្នុងភូមិ-ឃុំខាងលើ ដោយឡែកនារីរងគ្រោះអាយុ៣៣ឆ្នាំ ជាមនុស្សពិការសុខភាព ។
យោងតាមប្រភពពីលោក ស៊ឹម កុសល អធិការនគរបាលស្រុកពារាំង បានឱ្យដឹងថា នៅក្នុងពាក្យបណ្តឹងរបស់ក្រុមគ្រួសារនារីរងគ្រោះបានអះអាងថា កាលពីថ្ងៃទី២០ មករា វេលាម៉ោង៨និង៣០នាទីយប់ ខណៈពេលដែលនារីរងគ្រោះនៅផ្ទះម្នាក់ឯង ជនសង្ស័យបានចូលទៅចាប់នាងរំលោភរហូតសម្រេច រួចក៏ត្រឡប់ទៅផ្ទះវិញ ដោយមិនបានរត់គេចទៅណាទេ ។ ចំណែកនារីរងគ្រោះក្រោយពីត្រូវគេរំលោភភ្លាម នាងមិនបានប្រាប់អ្នកផ្ទះទេ គឺរហូតដល់៤ថ្ងៃក្រោយមក ទើបនាងប្រាប់អ្នកផ្ទះ ក៏មានការភ្ញាក់ផ្អើល រួចនាំគ្នាទៅដាក់ពាក្យប្តឹងសមត្ថកិច្ច ហើយ៣ថ្ងៃបន្ទាប់មកទៀត ទើបសមត្ថកិច្ចនាំខ្លួនជនសង្ស័យទៅសាកសួរ និងធ្វើការឃាត់ខ្លួនតែម្តង។
លោកអធិការបានបញ្ជាក់ប្រាប់ថា ពេលហៅមកសាកសួរ ជនសង្ស័យបានបដិសេធថា ខ្លួនមិនបានរំលោភនារីរងគ្រោះនោះទេ ប៉ុន្តែដោយយោងលើចម្លើយរបស់នារីរងគ្រោះ ព្រមទាំងចម្លើយរបស់ប្រពន្ធជនសង្ស័យផង ធ្វើឱ្យជនសង្ស័យជាប់ពិរុទ្ធដែលអាចដាក់បន្ទុកបាន ទើបសមត្ថកិច្ចឆ្លងយោបល់ទៅលោកព្រះរាជអាជ្ញា ក៏ធ្វើការឃាត់ខ្លួនជនសង្ស័យតែម្តង គឺឃាត់ខ្លួននៅថ្ងៃទី២៧ មករា ហើយបច្ចុប្បន្ននេះសមត្ថកិច្ចកំពុងកសាងសំណុំរឿងដើម្បីចាត់ការបន្តតាមនីតិវិធីច្បាប់៕
នេះដូចពាក្យមួយពោលថា ត្រីងៀតឆ្លៀតពងមែន
ចែករំលែកព័តមាននេះ