ខេត្តតាកែវ ៖ មានករណីហិង្សាដោយចេតនាមួយកើតឡើងនៅក្នុងកម្មវិធីពិធីអាពាហ៍ពិពាហ៍ ស្ថិតក្នុងភូមិរលៀក ឃុំតាអូរ ស្រុកគិរីវង់ ខេត្តតាកែវ បង្កឡើងដោយក្មេងទំនើងចំនួន០១ក្រុមមានគ្នា១៦នាក់(ស្រី០៤នាក់) កាលពីវេលាម៉ោង០៨នឹង៥០នាទីយប់ ថ្ងៃទី២៦ ខែមករា ឆ្នាំ២០១៨ ដែលបានធ្វើសកម្មភាពវាយទៅលើ០១ក្រុមទៀតមានគ្នា០៤នាក់ មូលហេតុដែលឈានដល់បង្កហិង្សាគឺបណ្តាលមកពីទំនាស់ពាក្យសម្ដីគ្នា ។
លោកអធិការនគរបាលស្រុកគិរីវង់សហការជាមួយកម្លាំងប៉ុស្ដិ៍នគរបាលរដ្ឋបាលតាអូរបានចុះអន្តរាគមន៍ និងឃាត់ខ្លួនក្រុមក្មេងទំនើងទាំងពីរក្រុមមានចំនួន១៦នាក់ត្រូវធ្វើការសួរនាំ លុះពេលសួរនាំរួចជនសង្ស័យទាំង២ក្រុមមានតែ៩នាក់ដែលជាប់ពាក់ព័ន្ធនៅក្នុងអំពើហិង្សាមួយនេះ ។
ក្រោយពេលបញ្ចប់ការសាកសួរនៅឯស្រុករួចក៏បានបញ្ជូនជនសង្ស៏យទាំង៩នាក់នោះមកកាន់ស្នងការដ្ឋាននគរបាលខេត្តចាត់ការបន្ត និងកសាងសំណុំរឿងបញ្ជូនទៅសាលាដំបូងខេត្តចាត់កាទៅតាមច្បាប់ ៕
ចែករំលែកព័តមាននេះ