ខេត្តតាកែវ ៖ ស្ត្រីស្រស់ស្អាតមេមាយកូន៣ម្នាក់បានចង.កសម្លាប់នៅផ្ទះជួលធ្វើអាជីវកម្មរបស់ខ្លួនដោយទុកកូន៣នាក់ឲ្យនៅកំព្រាគ្មានម្តាយហៅ ហើយផ្ទះដែលជនរងគ្រោះធ្វើអត្តឃាតនោះស្ថិតនៅភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវ ។
ជនរងគ្រោះដែលចង.កសម្លាប់ខ្លួននោះមានឈ្មោះ ចេវ សុវឌ្ឍនា អាយុ៣៦ឆ្នាំ ត្រូវបានអ្នកបម្រើក្នុងផ្ទះប្រទះឃើញចង.កក្នុងបន្ទប់ដេកនៅល្ងាចថ្ងៃទី២៦ ខែមករា ឆ្នាំ២០១៨ ។ អ្នកស្រី ចេវ សុវឌ្ឍនា ជាមន្ត្រីរាជការមួយរូប ។
ទាក់ទិននឹងករណីនេះលោកអធិកាក្រុងដូនកែវបានឲ្យដឹងថា បើតាមសម្តីអ្នកជិតខាងបានបញ្ជាក់ថា តាមសង្កេតមើលគេឃើញស្ត្រីរងគ្រោះទៅណាមកណាមិនដែលឃើញមានស្វាមីទៅជាមួយទេ ដូច្នេះក៏សន្និដ្ឋានថា ជាស្ត្រីមេម៉ាយតែម្តង ។
មិត្តភក្តិស្និទ្ធស្នាលរបស់ជនរងគ្រោះបានសម្តែងការសោកស្តាយ និងអាណិតអាសូរជាខ្លាំង ព្រោះអ្នកស្រីជាមនុស្សមានទឹកចិត្តល្អ និងតែងជួយរាល់ទុក្ខធុរៈមនុស្សជុំវិញខ្លួនដោយមិនចេះរើសអើងអ្វីឡើយ តែនេះជារឿងនឹកស្មានមិនដល់ហើយក៏គ្មានអ្វីនិយាយក្រៅពីពាក្យថា ស្តាយៗនោះទេ ។
ករណីដែលនាំឲ្យស្ត្រីរូបនេះចង.កសម្លាប់ខ្លួនខាងលើមិនទាន់មានការអះអាងឲ្យច្បាស់លាស់នោះទេ ឯសមត្ថកិច្ចសង្ស័យមានវិបត្តិ ។
ក្រោយពីសមត្ថកិច្ចបានពិនិត្យសពរួចរាល់ហើយ សពជនរងគ្រោះត្រូវបានប្រគល់ជូនក្រុមគ្រួសារយកមកធ្វើបុណ្យតាមប្រពៃណីនៅផ្ទះក្នុងរាជធានីភ្នំពេញ ៕
ចែករំលែកព័តមាននេះ