ខណៈពេលដែលគ្រាប់ល្ងជាអាហារដែលមានសុវត្ថិភាពសម្រាប់មនុស្សភាគច្រើន ដូច្នេះអ្នកអាចញ៉ាំវាក្នុងកម្រិតមធ្យមបានបើសិនជាកំពុងតែប្រើថ្នាំបញ្ចុះជាតិស្ករក្នុងឈាម ឬថ្នាំលើសសម្ពាធឈាម ព្រោះថាការដែលញ៉ាំគ្រាប់ល្ងច្រើនពេក អាចមានប្រតិកម្មធ្ងន់ជាមួយថ្នាំនេះ ។ ថ្នាំជំងឺទឹកនោមផ្អែម ការសិក្សាមួយចំនួនបានបង្ហាញថា គ្រាប់ល្ងអាចបញ្ចុះកម្រិតជាតិស្ករក្នុងឈាមបាន ។…
ខណៈពេលដែលគ្រាប់ល្ងជាអាហារដែលមានសុវត្ថិភាពសម្រាប់មនុស្សភាគច្រើន ដូច្នេះអ្នកអាចញ៉ាំវាក្នុងកម្រិតមធ្យមបានបើសិនជាកំពុងតែប្រើថ្នាំបញ្ចុះជាតិស្ករក្នុងឈាម ឬថ្នាំលើសសម្ពាធឈាម ព្រោះថាការដែលញ៉ាំគ្រាប់ល្ងច្រើនពេក អាចមានប្រតិកម្មធ្ងន់ជាមួយថ្នាំនេះ ។
ថ្នាំជំងឺទឹកនោមផ្អែម
ការសិក្សាមួយចំនួនបានបង្ហាញថា គ្រាប់ល្ងអាចបញ្ចុះកម្រិតជាតិស្ករក្នុងឈាមបាន ។ វាដើរតួនាទីជាជាតិសរសៃដែលអាចបន្ថយការបឺតស្រូបជាតិស្ករពីក្នុងអាហារចូលទៅក្នុងឈាម និងបន្ថយជាតិស្ករក្នុងឈាមដែរ ។
ករណីភាគច្រើន ការញ៉ាំគ្រាប់ល្ងក្នុងកម្រិតមធ្យម អាចជួយដល់អ្នកជំងឺទឹកនោមផ្អែមគ្រប់គ្រងជាតិស្ករបាន ។ ប៉ុន្តែការញ៉ាំគ្រាប់ល្ងច្រើនពេកអាចបណ្តាលឲ្យជាតិស្ករក្នុងឈាមចុះខ្លាំង និងអាចគ្រោះថ្នាក់បន្ថែមទៀត នៅពេលអ្នកជំងឺកំពុងតែប្រើថ្នាំបញ្ចុះជាតិស្ករក្នុងឈាម ជាពិសេសការចាក់អាំងស៊ុយលីនតែម្តង ។
ថ្នាំជំងឺលើសសម្ពាធឈាម
ក្រៅពីបញ្ចុះជាតិស្ករក្នុងឈាម គ្រាប់ល្ងក៏អាចជួយបញ្ចុះសម្ពាធឈាមបានយ៉ាងមានប្រសិទ្ធភាពដែរ ។ តាមការសិក្សាមួយបាននិយាយថា ការញ៉ាំគ្រាប់ល្ងរយៈពេល១២សប្តាហ៍ អាចបន្ថយសម្ពាធឈាមផង និងជាតិស្ករក្នុងឈាមផង ។ នេះដោយសារតែគ្រាប់ល្ងមានអាស៊ីតខ្លាញ់អូមេហ្គាបីខ្ពស់ ដែលអាចរំលាយកំណកឈាម និងបញ្ចុះសម្ពាធឈាមបាន ។
ទោះបីជាយ៉ាងណាក៏ដោយ អ្នកដែលមានសម្ពាធឈាមខ្ពស់ ប្រហែលជាទទួលបានប្រយោជន៍ច្រើនពីគ្រាប់ល្ងនេះ ប៉ុន្តែបើសិនជាអ្នកជ្រើសរើសការទទួលគ្រាប់ល្ងច្រើន បូករួមនឹងប្រើថ្នាំបញ្ចុះសម្ពាធឈាមទៀត នោះអាចនាំឲ្យខ្វះសម្ពាធឈាមទៅវិញ ៕
ចែករំលែកព័តមាននេះ