ខេត្តបន្ទាយមានជ័យ ៖ ជិះម៉ូតូបុករថយន្តស្លាប់២នាក់ នៅស្រុកស្វាយចេក មនុស្សចំនួន២នាក់បានស្លាប់ៗនៅនឹងកន្លែង ដោយហេតុជិះម៉ូតូបុករថយន្តទំនើប១គ្រឿង ។ ហេតុការណ៍គ្រោះថ្នាក់ចរាចរដ៏ឲ្យរន្ធត់ បានកើតឡើងនៅវេលាម៉ោង០៦និង២០នាទីល្ងាច ថ្ងៃទី២៥…
ខេត្តបន្ទាយមានជ័យ ៖ ជិះម៉ូតូបុករថយន្តស្លាប់២នាក់ នៅស្រុកស្វាយចេក មនុស្សចំនួន២នាក់បានស្លាប់ៗនៅនឹងកន្លែង ដោយហេតុជិះម៉ូតូបុករថយន្តទំនើប១គ្រឿង ។ ហេតុការណ៍គ្រោះថ្នាក់ចរាចរដ៏ឲ្យរន្ធត់ បានកើតឡើងនៅវេលាម៉ោង០៦និង២០នាទីល្ងាច ថ្ងៃទី២៥ ខែមករា ឆ្នាំ២០១៨ កំណាត់ផ្លូវជាតិលេខ៥៦ A ស្ថិតក្នុងភូមិគោកតាឯក ឃុំតាបែន ស្រុកស្វាយចេក ខេត្តបន្ទាយមានជ័យ ។
លោកវរសេនីយ៍ទោ ជា ស្លូញ អធិការនគរបាលស្រុកស្វាយចេក បានឲ្យដឹងថា ជនរងគ្រោះស្លាប់ទាំង២នាក់ម្នាក់ ឈ្មោះ ប៉ុក មឿយ ភេទប្រុស អាយុ៦៤ឆ្នាំ រស់នៅភូមិគោកកីឃុំតាផូ ស្រុកស្វាយចេក បើកបរម៉ូតូឌ្រីម ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ ប.មានជ័យ ១Q-៨០៤៣ អ្នករួមដំណើរម្នាក់ទៀត ឈ្មោះ នេ ឡាម ភេទប្រុស អាយុ៥៥ឆ្នាំ នៅភូមិជាមួយគ្នា ជនរងគ្រោះមានពាក់មួកសុវត្ថិភាព ។
ចំណែកអ្នកបើរថយន្តត្រូវបានគេស្គាល់ឈ្មោះ លន់ ប៊ុនលើយ ភេទប្រុស អាយុ៤៧ឆ្នាំ រស់នៅភូមិ២ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បើកបររថយន្តម៉ាក 4RUNNER ពណ៌ខ្មៅ ពាក់ស្លាកលេខ ភ្នំពេញ ២I-៣០១៤ បើកបរពីជើងទៅត្បូង រត់គេចខ្លួនពីកន្លែងកើតហេតុបាត់ ។
លោកអធិការបានបញ្ជាក់ថា មុនពេលកើតហេតុ ជនរងគ្រោះបើកបរម៉ូតូពីត្បូងទៅជើង ហើយបានបើកវ៉ាជែងរថយន្ត១គ្រឿងទៀត ដោយខ្វះការប្រុងប្រយ័ត្ន បណ្តាលឲ្យជ្រុលទៅបុកនឹងរថយន្តម៉ាកខាងលើ ច្រាសទិសគ្នាពីជើងទៅត្បូង ចំពីមុខអ្នកបើកម៉ូតូ និងអ្នករួមដំណើរស្លាប់ទាំង២នាក់ ។ ក្រោយកើតហេតុ ម៉ូតូ និងរថយន្ត ត្រូវបានកម្លាំងនគរបាលជំនាញយកមករក្សាទុកនៅអធិការដ្ឋាននគរបាលស្រុក រង់ចាំធ្វើការដោះស្រាយតាមច្បាប់ ៕
ចែករំលែកព័តមាននេះ