ខេត្តព្រៃវែង ៖ បុរសម្នាក់បានស្លាប់បាត់បង់ជីវិតយ៉ាងអាណោចអាធ័មដោយសារតែបើករថយន្តក្រឡាប់ធ្លាក់ចូលប្រឡាយត្រូវកាប៊ីនរថយន្តកៀបជាប់ធ្វើឱ្យឈ្លក់ទឹកស្លាប់ ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៨ចន្លោះគីឡូម៉ែត្រលេខ៥៣ និង៥៤ ស្ថិតក្នុងភូមិវៃវេទ ឃុំរាប ស្រុកពារាំង ខេត្តព្រៃវែង…
ខេត្តព្រៃវែង ៖ បុរសម្នាក់បានស្លាប់បាត់បង់ជីវិតយ៉ាងអាណោចអាធ័មដោយសារតែបើករថយន្តក្រឡាប់ធ្លាក់ចូលប្រឡាយត្រូវកាប៊ីនរថយន្តកៀបជាប់ធ្វើឱ្យឈ្លក់ទឹកស្លាប់ ។ ហេតុការណ៍គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៨ចន្លោះគីឡូម៉ែត្រលេខ៥៣ និង៥៤ ស្ថិតក្នុងភូមិវៃវេទ ឃុំរាប ស្រុកពារាំង ខេត្តព្រៃវែង កាលពីវេលាម៉ោង៩យប់ថ្ងៃទី ២៥ ខែមករា ឆ្នាំ២០១៨ ។
ប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តមួយគ្រឿងម៉ាក វ៉េអងភ្លៅ៥ ពណ៌ក្រហម ពាក់ស្លាកលេខ ភ្នំពេញ ៣D-២២៧៣ បើកបរពីលិចទៅកើតក្នុងល្បឿនលឿន ។ លុះមកដល់កន្លែងកើតហេតុបានរ៉េចង្កូតធ្លាក់ពីលើផ្លូវក្រឡាប់ផ្ងាជើងចូលក្នុងទឹកកៀបជាប់អ្នកបើកបរបណ្តាលឲ្យស្លាប់នៅក្នុងរថយន្ត ។
លោក សឹម កុសល អធិការស្រុកពារាំងបានឲ្យដឹងថា ជនរងគ្រោះជាអ្នកបើកបរឈ្មោះ ឈឿន ងួនហេង ភេទប្រុស អាយុ២៩ឆ្នាំ មុខរបអ្នកបើករថយន្ត រស់នៅភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង ។
ក្រោយពេលកើតហេតុប្រជាពលរដ្ឋព្រមទាំងសមត្ថកិច្ចបាននាំគ្នាគាស់ទ្វារថយន្តយកជនរងគ្រោះចេញពីរថយន្តមកក្រៅដើម្បីជួយសង្គ្រោះតាមពិតជនរងគ្រោះបានស្លាប់បាត់ទៅហើយ ។ លោកអធិការបន្តថា មូលហេតុដែលបណ្ដាលជួបគ្រោះថ្នាក់ចរាចរណ៍បែបនេះគឺដោយសារ បើកបរម្នាក់ឯងងងុយដេកងោកមួយភាំងធ្វើឲ្យរថយន្តជ្រុលចង្កូតធ្លាក់ក្រឡាប់ខាងត្បូងផ្លូវ ៕
ចែករំលែកព័តមាននេះ