បើកម៉ូតូវ៉ារថយន្តជ្រុលទៅបុករថយន្ត១គ្រឿងទៀតបណ្ដាលឲ្យស្លា.ប់
- បន្ទាយមានជ័យ
ខេត្តបន្ទាយមានជ័យ ៖ នៅវេលាម៉ោង ៣និង០៥នាទី ថ្ងៃច័ន្ទ ៩កើត ខែមាឃ ឆ្នាំរកា នព្វស័ក ព.ស២៥៦១…
ខេត្តបន្ទាយមានជ័យ ៖ នៅវេលាម៉ោង ៣និង០៥នាទី ថ្ងៃច័ន្ទ ៩កើត ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃ២៥ ខែមករា ឆ្នាំ២០១៨ នៅលើកំណាត់ផ្លូវជាតិលេខ៥ ត្រង់ចំណុចមុខ វិទ្យាល័យ ហ៊ុន សែន មង្គលបូរី ក្នុងភូមិជំទាវ ឃុំប្ញស្សីក្រោក ស្រុកមង្គលបូរី ខេត្តបន្ទាយមានជ័យ។ មានករណីគ្រោះថ្នាក់ចរាចរណ៍មួយបានកើតឡើង ដោយបុរសម្នាក់បានជិះម៉ូតូទៅបុករថយន្ត បណ្ដាលឲ្យស្លាប់ភ្លាមៗនៅកន្លែងកើតហេតុ។ នគរបាលបានប្រាប់ឲ្យដឹងថាជនរងគ្រោះមានឈ្មោះ ហន ចំរ៉ុង ភេទប្រុស អាយុ២៩ឆ្នាំ នៅភូមិវត្តចែង ឃុំអូរដំបង ស្រុកសង្កែ ខេត្តបាត់ដំបង ជិះម៉ូតូគ្រឿងម៉ាក ហុងដាវ៉េវ ពណ៌ខ្មៅ ពាក់ស្លាកលេខ បាត់ដំបង ១ខ.៨៤៨០។
នៅមុនពេលកើតហេតុគេបានឃើញ អ្នកបើកបរឈ្មោះ ហន ចំរ៉ុង នេះពាក់មួកសុវត្ថិភាព ធ្វើដំណើរតាមបណ្តោយផ្លូវជាតិលេខ៥ ក្នុងទិសដៅពីត្បូងទៅជើង លុះដល់កន្លែងកើតហេតុខាងលើបានឡើងជែងរថយន្តមួយគ្រឿង ដែលបើកពីមុខ ហើយក៏ជ្រុលទៅបុករថយន្តមួយគ្រឿងទៀតម៉ាកសាំយ៉ុង ប្រភេទទេសចរណ៍ ពណ៌ស ដែលមានពាក់ស្លាកលេខ បាត់ដំបង 1A.8749 ដែលធ្វើដំណើរច្រាស់ទិសគ្នា បុកចំពីមុខថ្ពាល់ខាងឆ្វេង បណ្តាលឲ្យស្លាប់។ ចំណែកឯម៉ូតូខូចខាតធ្ងន់មួយគ្រឿង រថយន្តខូចខាតស្រាល អ្នកបើកបរត្រូវបាន មិនស្គាល់អត្តសញ្ញាណបានគេចខ្លួនបាត់។ ចំពោះមូលហេតុបង្កឲ្យគ្រោះថ្នាក់នេះគឺដោយអ្នកបើកបរម៉ូតូឡើងប្រជែងក្នុងស្ថានភាពគ្រោះថ្នាក់៕
ចែករំលែកព័តមាននេះ