រាជធានីភ្នំពេញ ៖ អភិបាលនៃគណៈអភិបាលរាជធានីភ្នំពេញ លោក ឃួង ស្រេង បានបញ្ជាក់ឲ្យដឹងថា រថយន្តក្រុងដឹកអ្នកដំណើរនៅរាជធានីភ្នំពេញសព្វថ្ងៃនេះ ត្រូវបានបានខាតបង់ក្នុងមួយខែៗប្រមាណ ១៥ម៉ឺនដុល្លារ ដើម្បីបម្រើសេវាដឹកជញ្ជូនសាធារណៈជូនប្រជាពលរដ្ឋ ព្រះសង្ឃ ចាស់ជរា ជនពិការ សិស្សានុសិស្សជាដើម។ លោក ឃួង ស្រេង បានលើកឡើងបែបនេះនៅក្នុងកិច្ចប្រជុំជាមួយ អភិបាលខណ្ឌ ប្រធានមន្ទីរ ចៅសង្កាត់ ស្មៀនទូទាំងរាជធានីភ្នំពេញ កាលពីពេលថ្មីៗនេះ។
លោក ឃួង ស្រេង បានបញ្ជាក់ថា ក្នុងមួយខែៗរដ្ឋបាលរាជធានីភ្នំពេញ បានចំណាយថវិកាប្រមាណ១៥ម៉ឺនដុល្លារ ដើម្បីទូទាត់ថ្លៃខាតបង់សម្រាប់រថយន្តក្រុងដឹកអ្នកដំណើរនៅរាជធានីភ្នំពេញ។ ប៉ុន្តែបើទោះបីជាខាតបង់ យ៉ាងនេះក្តី រដ្ឋបាលរាជធានីភ្នំពេញ មិនរុញរានោះទេ សំខាន់ឲ្យសេវា សេវាដឹកជញ្ជូនសាធារណៈនេះ ប្រើប្រាស់ឲ្យចំគោលដៅ ដែលប្រជាពលរដ្ឋចង់បាន៕
ចែករំលែកព័តមាននេះ