ការ Update ចុងក្រោយលើ iPhone អាចដោះស្រាយបញ្ហាថ្មបាន
នាយកប្រតិបត្តិរបស់ Apple លោក Tim Cook បាននិយាយថា ការ Update នៃប្រព័ន្ធ iOS…
នាយកប្រតិបត្តិរបស់ Apple លោក Tim Cook បាននិយាយថា ការ Update នៃប្រព័ន្ធ iOS…
នាយកប្រតិបត្តិរបស់ Apple លោក Tim Cook បាននិយាយថា ការ Update នៃប្រព័ន្ធ iOS ថ្មីលើទូរស័ព្ទ iPhone អាចនឹងចេញក្នុងខែក្រោយ ហើយវានឹងអនុញ្ញាតឲ្យអ្នកប្រើប្រាស់មើលឃើញពីសុខភាពនៃថ្មទូរស័ព្ទរបស់ខ្លួន ។
ការ Update នេះ ក៏នឹងផ្តល់ជាជម្រើសដល់អ្នកប្រើប្រាស់ក្នុងការបិទចំណុចពិសេសៗជាច្រើន ដែលក្រុមហ៊ុនបានចេញកាលពីឆ្នាំមុន ដើម្បីធ្វើឲ្យទូរស័ព្ទស៊េរីចាស់ៗមិនប្រើប្រាស់ថ្មអស់លឿនដូចមុនទៀត ។
លោក Cook បាននិយាយថា ៖« ពួកយើងមិនផ្តល់យោបល់ឲ្យប្រើប្រាស់វាទេ » ។ លោកកត់សម្គាល់ថា ក្រុមហ៊ុនបានធ្វើដូច្នេះដើម្បីជួយឲ្យអ្នកប្រើប្រាស់អាចប្រើទូរស័ព្ទខ្លួនបានយូរជាងមុន ពេលណាដែលពួកគេត្រូវការ ។
លោកបានបន្ថែមថា ៖« សកម្មភាពរបស់ពួកយើងទាំងអស់ គឺសម្រាប់ផ្តល់ជាសេវាដល់អ្នកប្រើប្រាស់ ។ ប្រហែលជាយើងគួរតែប្រាប់ឲ្យច្បាស់ពេលនេះ ប៉ុន្តែសកម្មភាពរបស់ពួកយើងតែងតែធ្វើឡើងដោយភាពបរិសុទ្ធ » ។
លោកបាននិយាយទៀតថា ការ Update ថ្មីនេះនឹងប្រាប់ដល់អ្នកប្រើប្រាស់ មុនពេលវាចាប់ផ្តើមកាត់បន្ថយដំណើរការរបស់ទូរស័ព្ទពេលដែលវាជិតអស់ថ្ម ។
បច្ចុប្បន្ននេះ វាជាវិធីសម្រាប់ Apple ក្នុងការសាកល្បងចំណុចពិសេសៗថ្មីៗ និងការ Update កម្មវិធី Software មុនពេលចេញឲ្យអ្នកប្រើប្រាស់ទាញវាបានជាសាធារណៈ ។
បញ្ហាថ្មទូរស័ព្ទនេះត្រូវបានប្រកាសឲ្យដឹងកន្លងមក ហើយវាបានធ្វើឲ្យអ្នកប្រើប្រាស់ជាច្រើនខឹងសម្បា ។ Apple បានសុំអភ័យទោសពីអ្នកប្រើប្រាស់ ហើយប្រកាសថា ពួកគេនឹងកាត់បន្ថយតម្លៃសម្រាប់ការប្តូរថ្មទូរស័ព្ទ iPhone ពី៧៩ដុល្លារមកត្រឹម២៩ដុល្លារផងដែរក្នុងឆ្នាំ២០១៨នេះ ។
ប៉ុន្តែវានៅតែមិនគ្រប់គ្រាន់ក្នុងការផ្គាប់តាមចិត្តអ្នកប្រើប្រាស់ ឬបញ្ឈប់ពួកគេមិនឲ្យប្តឹងក្រុមហ៊ុនបានដដែល ។ អ្នកបង្កើតច្បាប់មួយចំនួនក្នុងសហរដ្ឋអាមេរិកក៏បានស្នើឲ្យ Apple ព្យាយាមស្វែងរកដំណោះស្រាយបញ្ហានេះផងដែរ ៕
ចែករំលែកព័តមាននេះ