ខេត្តពោធិ៍សាត់ ៖ មានសិស្សសាលានៅវិទ្យាល័យបាក់ចិញ្ចៀន ស្រុកភ្នំក្រវាញចំនួន១២នាក់ បានដួលសន្លប់បន្តបន្ទាប់គ្នា ដោយមិនដឹងមូលហេតុធ្វើឲ្យមានការភ្ញាក់ផ្អើលពេញសាលា កាលពីវេលាម៉ោង០៩ព្រឹកថ្ងៃទី២៥ ខែមករានេះ ។
លោកស៊ុម ផារិទ្ធ នាយកវិទ្យាល័យបាក់ចិញ្ចៀនឲ្យដឹងថា សិស្សទាំង១២នាក់ ខាងលើក្នុងនោះស្រី១១នាក់ ។ ដោយនៅព្រឹកនោះសិស្សចេញលេងពេលចូលវិញស្រាប់តែ មាន៣ទៅ៤នាក់ទន់ដៃជើង សន្លប់នៅខាងមុខថ្នាក់ ហើយក៏ដួលបន្តបន្ទាប់គ្នាធ្វើឲ្យមានការភ្ញាក់ផ្អើលតែម្តង ។ ការដួលសន្លប់នេះមិនដឹងមូលហេតុមកពីអ្វីទេ ព្រោះចំណីអាហារដែលលក់ក្នុងសាលាសិស្សផ្សេងហូបដែរមិនអី ។
បន្ទាប់មកបញ្ជូនមកមន្ទីរពេទ្យខេត្ត គ្រូពេទ្យបញ្ជាក់ថា មិនមែនករណីពុលអាហារទេ អាចមាន២ទៅ៣នាក់កើតជំងឺស្រឺត ទើបធ្វើឲ្យសិស្សផ្សេងស្លុតដួលតគ្នា ៕
ចែករំលែកព័តមាននេះ