ខេត្តសៀមរាប ៖ មន្ត្រីកាំត្រូលសាខាខេត្តសៀមរាបបានសហការជាមួយមន្ទីរពាណិជ្ជកម្មខេត្ត និងអ្នកពាក់ព័ន្ធផ្សារដឹកនាំដោយលោក ង៉ែត ចេក ប្រធានកាំកុងត្រូលសាខាខេត្តសៀមរាបបានចុះត្រួតពិនិត្យម្ហូបអាហារប្រចាំថ្ងៃមួយចំនួនដែលបានដាក់តាំងលក់នៅក្នុងផ្សារដើមក្រឡាញ់ ខេត្តសៀមរាប ពុំបានរកឃើញនៅសារធាតុគីមីឡើយ ។…
ខេត្តសៀមរាប ៖ មន្ត្រីកាំត្រូលសាខាខេត្តសៀមរាបបានសហការជាមួយមន្ទីរពាណិជ្ជកម្មខេត្ត និងអ្នកពាក់ព័ន្ធផ្សារដឹកនាំដោយលោក ង៉ែត ចេក ប្រធានកាំកុងត្រូលសាខាខេត្តសៀមរាបបានចុះត្រួតពិនិត្យម្ហូបអាហារប្រចាំថ្ងៃមួយចំនួនដែលបានដាក់តាំងលក់នៅក្នុងផ្សារដើមក្រឡាញ់ ខេត្តសៀមរាប ពុំបានរកឃើញនៅសារធាតុគីមីឡើយ ។ ហេតុការចុះត្រួតពិនិត្យម្ហូបចំណីអាហារគ្មានជាតិគីមីនោះធ្វើឡើងនាថ្ងៃទី២៣ ខែមករា ឆ្នាំ២០១៨ ស្ថិតនៅភូមិត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ។
លោក ង៉ែត ចេក ប្រធានកាំកុងត្រូលសាខាខេត្តសៀមរាបបានលើកឡើងថា យើងបានត្រួតពិនិត្យទៅលើម្ហូបអាហារប្រចាំថ្ងៃរបស់បងប្អូនប្រជាពលរដ្ឋដែលដាក់តាំងលក់នៅក្នុងផ្សារដើមក្រឡាញ់មួយចំនួនដើម្បីស្វែងរកសារធាតុគីមី និងធ្វើការហាមឃាត់ក្នុងម្ហូបអាហារដើម្បីធានាបាននូវសុវត្ថិភាព និងទំនុកចិត្តដល់បងប្អូនប្រជាពលរដ្ឋទូទាំងខេត្តសៀមរាបផងដែរ ។
លោកបានបន្តថា ក្នុងការចុះត្រួតពិនិត្យទៅលើម្ហូបអាហារប្រចាំថ្ងៃនៅផ្សារតេជោ ហ៊ុន សែន ដើមក្រឡាញ់ ក្នុងនោះរួមមាន គុយទាវសរសៃតូច គុយទាវសរសៃធំ មីលឿង សណ្តែកបណ្តុះ ប្រហិតសាច់ត្រី ប្រហិតសាច់គោ សាច់ក្រក់ ត្រីងៀត ប្រហុក ផ្អកត្រី គ្រឿងសមុទ្រក្លាសេ ប្រភេទជ្រក់ផ្សេងៗ ត្រូវបានយកមកធ្វើការពិសោធន៍ និងពិនិត្យលើគុណភាពដើម្បីវិភាគរកសារធាតុគីមីហាមឃាត់ ។ ជាក់ស្តែងជាលទ្ធផលនៃការវិភាគជាបឋមយើងឃើញថា ម្ហូបអាហារទាំងនោះដែលបានយកមកពិនិត្យនេះមានអនុលោមភាព សុវត្ថិភាពទាំងអស់ បានន័យថា គ្មានជាតិគីមី ៕
ចែករំលែកព័តមាននេះ