គួរឲ្យអនិច្ចាណាស់ ! ត្រូវរថយន្តកិនបែកក្បាលចេញខួរ
- ភ្នំពេញ
រាជធានីភ្នំពេញ ៖ នៅវេលាម៉ោង៥ល្ងាច ថ្ងៃទី២៤ ខែមករា ឆ្នាំ២០១៨នេះ ក្នុងតំបន់សេដ្ឋកិច្ចពិសេស ភ្នំពេញកំបូល ស្ថិតនៅក្នុងភូមិបឹងធំទី៣ សង្កាត់បឹងធំ…
រាជធានីភ្នំពេញ ៖ នៅវេលាម៉ោង៥ល្ងាច ថ្ងៃទី២៤ ខែមករា ឆ្នាំ២០១៨នេះ ក្នុងតំបន់សេដ្ឋកិច្ចពិសេស ភ្នំពេញកំបូល ស្ថិតនៅក្នុងភូមិបឹងធំទី៣ សង្កាត់បឹងធំ ខណ្ឌពោធិ៍សែនជ័យ។ មានករណីគ្រោះថ្នាក់ ចរាចរណ៍មួយបានកើតឡើង បណ្ដាលឲ្យបុរសម្នាក់បែកក្បាលចេញខួរ ស្លាប់ភ្លាមៗ មួយរំពេចនៅ កន្លែងកើតហេតុ។ ប្រភពពីកន្លែងកើតហេតុបានឲ្យដឹងថា គេបានឃើញបុរសម្នាក់ជិះ ម៉ូតូហុងដាឌ្រីម សេ១២៥ ផលិតឆ្នាំ២០១៦មួយគ្រឿង ពាក់ស្លាកលេខ ភ្នំពេញ ១FP-៩៩៧៣ ក្នុងទិសដៅពីលិច ទៅកើត។
លុះមកដល់ចំណុចកើតហេតុត្រង់ផ្លូវបំបែក ដោយឃើញមានរថយន្តឆ្លងកាត់ច្រើន ក៏ឈប់សិនរង់ចាំឲ្យរថយន្តទៅផុត ខណៈនោះក៏មានម៉ូតូម៉ាកឌុក១គ្រឿង ពាក់ស្លាកលេខ ភ្នំពេញ ១CZ-៥២៥៥ ជិះគ្នា២នាក់ ធ្វើដំណើរមកពីក្រោយបើកបរមិនបានប្រយ័ត្នក៏បានបុកពេញទំហឹង។បណ្ដាលឲ្យបុរសម្នាក់ដែលជិះម៉ូតូម៉ាកឌុក ខ្ទាតទៅកណ្ដាលថ្នល់ ខណៈនោះរថយន្តមួយគ្រឿង ម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ ៣C-១១៤៣ ដឹកគ្រឿងចក្រ ដែលធ្វើដំណើរក្នុងទិសដៅ ពីជើងទៅត្បូង កិនជនរងគ្រោះបែកក្បាលចេញខួរស្លាប់ភ្លាមៗមួយរំពេច។
ចំណែកឯអ្នករួមដំណើរជាមួយ និងជនងគ្រោះម្នាក់ទៀតដែលជិះម៉ូតូហុងដាឌ្រីម បានរងរបួសធ្ងន់ ឆ្លៀតក្នុងឱកាសនោះជនបង្កបើកបរ រថយន្តហ៊ីយ៉ាន់ដាយ បានបន្ថែមល្បឿនបញ្ជារថយន្តទៅមុខទៀតដើម្បីគេចខ្លួន តែធ្វើដំណើរបានប្រហែល ២០០ម៉ែត្រ ត្រូវបានក្រុមសន្តិសុខដែលប្រចាំការ ក្នុងតំបន់សេដ្ឋកិច្ចពិសេសនោះ ស្ទាក់ឃាត់ជាប់ តែអ្នកបើកបរបានចុះពីលើរថយន្តគេចខ្លួនបាត់ស្រមោល បន្សល់ទុកតែរថយន្តឲ្យសមត្ថកិច្ច ធ្វើការដោះស្រាយ។ ជនរងគ្រោះដែលបាត់បង់ជីវិតនោះមានឈ្មោះ មុន្នី សិលា ភេទប្រុស អាយុ២៩ឆ្នាំ មុខរបរកម្មកររោងចក្រ មានទីលំនៅក្នុងភូមិកោះខែល ឃុំទេពអកជូរ ស្រុកស្អាង ខេត្តកណ្ដាល។ ហើយជនរងគ្រោះដែលបានស្លាប់នេះ និងជនរងគ្រោះដែលរបួសធ្ងន់បើកបរម៉ូតូហុងដាឌ្រីម សេ១២៥ ត្រូវជាបងប្អូនជីដូនមួយនឹងគ្នាទៀតផង៕
https://youtu.be/czwMZDitYw0
ចែករំលែកព័តមាននេះ