រាជធានីភ្នំពេញ ៖ ជាទូទៅកីឡាករបាល់ទាត់ល្បីឈ្មោះ មិនត្រឹមតែមានការចាប់អារម្មណ៍នៅពេលពួកគេប្រកួតនៅលើទីលានប៉ុណ្ណោះទេ សូម្បីតែជីវិតឯកជនរបស់កីឡាករទាំងនោះក៏ត្រូវបានមហាជនផ្ដោតការតាមដានផងដែរ មិនថារឿងរ៉ាវស្នេហា ឬរឿងរ៉ាវផ្សេងៗនៅជុំវិញខ្លួនពួកគេនោះទេ ។ ជាក់ស្ដែង សម្រាប់កីឡាករល្បីឈ្មោះ៤រូប…
រាជធានីភ្នំពេញ ៖ ជាទូទៅកីឡាករបាល់ទាត់ល្បីឈ្មោះ មិនត្រឹមតែមានការចាប់អារម្មណ៍នៅពេលពួកគេប្រកួតនៅលើទីលានប៉ុណ្ណោះទេ សូម្បីតែជីវិតឯកជនរបស់កីឡាករទាំងនោះក៏ត្រូវបានមហាជនផ្ដោតការតាមដានផងដែរ មិនថារឿងរ៉ាវស្នេហា ឬរឿងរ៉ាវផ្សេងៗនៅជុំវិញខ្លួនពួកគេនោះទេ ។
ជាក់ស្ដែង សម្រាប់កីឡាករល្បីឈ្មោះ៤រូប ដែលបានបង្ហាញខ្លួនក្នុងស្ពតខោទ្រនាប់ អមដោយការបង្ហាញរូបរាងសិចស៊ីនោះ ក៏ត្រូវបានអ្នកលេងហ្វេសប៊ុកមានការចាប់អារម្មណ៍ផងដែរ ។ កីឡាករទាំងនោះត្រូវគេឃើញបង្ហាញរូបរាងសិចស៊ីរំលេចភាពសង្ហារមិនធម្មតានោះទេ ថ្វីដ្បិតតែអ្នកខ្លះបានលើកឡើងថា បើកីឡាករទាំង៤រូបមានសាច់ដុំជាងនេះនឹងកាន់តែសង្ហារអាចទាក់ទាញស្ពតពាណិជ្ជកម្មធំៗបានច្រើនឡើងមិនខាន។
កីឡាករដែលបានបង្ហាញខ្លួនក្នុងស្ពតខោទ្រនាប់ ហើយបង្ហាញភាពសិចស៊ីនោះត្រូវ
គេឃើញសុទ្ធតែជាកីឡាករក្នុងក្រុមក្រសួងការពារជាតិ និងជាកីឡាករល្បីក្នុងក្រុមជម្រើសជាតិផងដែរ ។ ការបង្ហាញខ្លួនថតស្ពតរបស់កីឡាករទាំងនោះគឺជារឿងកម្រ ដោយសារតែស្ពតដែលអ្នកទាំង៤បានបង្ហាញនោះមានភាពសិចស៊ី ធ្វើឱ្យអ្នកគាំទ្រភាគច្រើនផ្ដោតការចាប់អារម្មណ៍ ប៉ុន្តែក៏មានការបញ្ជាក់ថា អ្នកទាំង៤មានការអៀនៗផងដែរនៅពេលរូបភាពទាំងនោះត្រូវបានបង្ហោះឡើងជាសាធារណៈ ។
មានការបញ្ជាក់ថា ស្ពតខោទ្រនាប់បុរសដែលតម្រូវឱ្យអ្នកទាំង៤រំលេចដងខ្លួនយ៉ាងសិចស៊ីនេះ ត្រូវបានចេញថតយូរក្រែលមកហើយ គ្រាន់តែគ្មានការផ្សព្វផ្សាយហើយមិនសូវមានការចាប់អារម្មណ៍នាអំឡុងពេលមុន ។ រូបភាពដែលបង្ហាញនេះទើបតែកន្ត្រាក់បាននូវការចាប់អារម្មណ៍នាពេលថ្មីៗប៉ុណ្ណោះ ជាពិសេសក្នុងចំណោមអ្នកគាំទ្របាល់ទាត់មិនថាបុរសឬនារីសុទ្ធតែមានការចែកចាយនូវរូបភាពរបស់អ្នកទាំង៤ដោយអះអាងថា អ្នកទាំង៤ដ្បិតថាជាកីឡាករបាល់ទាត់ ប៉ុន្តែក៏សង្ហារមិនចាញ់តារាសម្ដែងប៉ុន្មានដែរ ។
កីឡាករទាំងនោះរួមមាន ៖
+ ច្រឹង ពលរដ្ឋ ៖ ជាកីឡាករខ្សែបម្រើរបស់ក្រុមក្រសួងការពារជាតិ ដោយក្នុងចំណោមកីឡាករល្បីៗនៅកម្ពុជា លោកក៏ជាកីឡាករដែលមានកេរ្តិ៍ឈ្មោះបោះសំឡេងគួរឱ្យកត់សម្គាល់ផងដែររហូតមានទីផ្សារថតស្ពត ជាពិសេសគឺការឡើងឆាកទូរទស្សន៍ ។ លោកធ្លាប់ត្រូវបានបង្ហាញខ្លួនក្នុងឆាកទូរទស្សន៍ច្រើនលើកមកហើយ តាមរយៈការបង្ហាញសមត្ថភាពច្រៀង និងលេងហ្គេមជាមួយកីឡាករដូចគ្នា និងតារាសម្ដែងសិល្បៈ ។
លោកត្រូវបានគេចាត់ទុកថា ជាកីឡាករវ័យក្មេងនិងល្បីឈ្មោះខាងមានរូបរាងសង្ហារជាងស្នាដៃដែលទទួលបាននៅក្នុងពិភពបាល់ទាត់ បើធៀបនឹងកីឡាករលេចធ្លោផ្សេងទៀតដូចជា ចាន់ វឌ្ឍនាកា ជាដើម។ លោកក៏ជាកីឡាករដែលមានអ្នកគាំទ្រច្រើនមិនអន់នោះដែរ អ៊ីចឹងហើយទើបភាពសិចស៊ីដែលកីឡាករវ័យក្មេងរូបនេះបានបង្ហាញក្នុងស្ពត ក៏កន្ត្រាក់អារម្មណ៍អ្នកគាំទ្រមិនធម្មតា ។
លោកបានបញ្ជាក់ប្រាប់មិត្តរួមក្រុមថា ការបង្ហាញខ្លួនថតស្ពតខោទ្រនាប់បែបនេះ មិនមែនជារឿងដែលលោកត្រូវខ្មាសនោះទេ ប៉ុន្តែនៅពេលរូបភាពដែលលោកបានថតត្រូវបង្ហោះ ហាក់ធ្វើឱ្យលោកអៀនៗយ៉ាងម៉េចទេ បើធៀបនឹងការថតស្ពតបែបនេះដូចគ្នាជាវីដេអូដែលអ្នកទស្សនាមិនសូវបានមើលឃើញច្បាស់នោះ។
+ ឈិន ឈឿន ៖ ខ្សែបម្រើរបស់ក្រុមក្រសួងការពារជាតិរូបនេះ ក៏កម្របង្ហាញខ្លួនក្នុងស្ពតនានាផងដែរ ទើបស្ពតខោទ្រនាប់ដែលលោកបានបង្ហាញគឺជារឿងមួយថ្មី ដែលធ្វើឱ្យអ្នកគាំទ្រភាគច្រើនចាប់អារម្មណ៍ ។
លោកគឺជាកីឡាករដែលមានកេរ្តិ៍ឈ្មោះបោះសំឡេង ហើយបើនិយាយពីស្នាដៃនៅក្នុងពិភពបាល់ទាត់ក៏មិនណយនោះដែរ ទើបលោកក៏មានអ្នកគាំទ្រច្រើនមិនតិចដូចគ្នា ។ តាមរយៈស្ពតដែលបានបង្ហាញ លោក ឈិន ឈឿន ក៏អាចរំលេចរូបរាងសង្ហារបានមួយផ្នែកផងដែរ ដោយមុខមាត់ និងទម្រង់រូបរាងរបស់លោកត្រូវគេកត់សម្គាល់ថាមិនខុសពីតារាសម្ដែងនោះផង។
ក្នុងចំណោមកីឡាករដែលបានចូលរួមថតស្ពតជាមួយ លោកត្រូវអ្នកគាំទ្រសរសើរថា មានរាងកាយមាំមួន និងសក្ដិសមជាបុរសខ្មែរជាងមិត្តរួមក្រុមនោះផង បើទោះជាមើលទៅឃើញលោកមានសម្រស់រាងស្រគត់ស្រគំបែបខ្មែរជាងគេក្ដី។
+ អ៊ុំ វិចិត្រ ៖ អ្នកចាំទីដែលមានកេរ្តិ៍ឈ្មោះបោះសំឡេងរូបនេះ ក៏មិនធម្មតានោះដែរ នៅពេលបង្ហាញខ្លួនថតស្ពតខោទ្រនាប់ដែលបានបង្ហោះជាមួយនឹងការស្លៀកពាក់សិចស៊ី។
លោកគឺជាកីឡាករដែលមានរូបរាងខ្ពស់សង្ហារទាំងក្នុងពេលស្លៀកសម្លៀកបំពាក់កីឡា និងទាំងក្នុងពេលស្លៀកពាក់ជាយុវវ័យ ។ នៅលើហ្វេសប៊ុកគេឃើញមានការចែកចាយរូបភាពសិចស៊ីរបស់លោកច្រើនមិនធម្មតា ថែមទាំងមានការសរសើរថា លោកជាកីឡាករដែលមានរូបរាងមិនចាញ់អ្នកហាត់ប្រាណជាប់លាប់ទេ ។
យ៉ាងណាមិញ លោកថា ខ្លួនមិនសូវមានចំណូលចិត្តនៅក្នុងវិស័យសិល្បៈនោះទេ ដោយការបង្ហាញខ្លួនថតស្ពតក្នុងទម្រង់ជាតួស្លៀកខោស្ល៊ីបរបស់លោក គឺដោយសារតែមិត្តរូមក្រុមច្រើននាក់ត្រូវបានក្រុមហ៊ុននេះទទួលយកដែរប៉ុណ្ណោះ ។ ទោះជាមានការសរសើរថាលោកមានរូបរាងល្អនៅពេលបញ្ចេញភាពសិចស៊ី តែលោកថា ការបង្ហាញទម្រង់ខ្លួនបែបនេះ ក៏មិនសូវជាចង់ប៉ុន្មានដែរ ជាពិសេសការថតស្ពតដែលមានលក្ខណៈននលគកបែបនេះ។
+ អ៊ុំ សេរីរ័ត្ន ៖ មិនខុសគ្នាពីមិត្តរួមក្រុម កីឡាករអ្នកចាំទីដែលមានកេរ្តិ៍ឈ្មោះបោះសំឡេងរូបនេះ ក៏មិនសូវជាចង់បង្ហាញរូបរាងក្នុងលក្ខណៈស្លៀកខ្យល់ដណ្ដប់មេឃនៅសល់តែខោក្នុងបែបនេះដែរ ។ លោកថា មិនសូវចង់ល្បីបែបហ្នឹងឡើយប៉ុន្តែដោយសារតែនោះជាស្ពតដែលគ្រាន់តែថតបង្ហាញរូបរាងសង្ហារ ហើយក៏បានលុយផង ទើបលោកសម្រេចចិត្តទទួលថត។
លោកបានបង្ហើបប្រាប់អ្នករួមអាជីពថា ក្នុងពេលរូបថតនេះមិនទាន់ត្រូវបានចែកចាយគគ្រឹគគគ្រេង លោកហាក់មិនសូវមានការចាប់អារម្មណ៍នោះទេ ប៉ុន្តែនៅពេលគេយកមកបង្ហាញច្រើនក៏រាងអៀនៗផងដែរ ជាពិសេសនៅពេលអ្នកលេងហ្វេសប៊ុកជាបុរសដែលបានឃើញរូបរាងរបស់លោកក្នុងស្ពតនេះហើយ ក៏បានបញ្ចេញមតិក្នុងន័យសរសើរមិនប្រក្រតីផងដែរ៕
ចែករំលែកព័តមាននេះ