ខេត្តឧត្តរមានជ័យ ៖ យ៉ាងហោចណាស់មានមនុស្សម្នាក់បានបាត់បង់ជីវិតនៅនឹងកន្លែងកើតហេតុភ្លាមៗ និង២នាក់ទៀតរងរបួសធ្ងន់ ខណៈជួបគ្រោះថ្នាក់ចរាចរណ៍ដែលបង្កឡើងដោយការជិះម៉ូតូក្នុងល្បឿន លឿន ជ្រុលទៅបុករថយន្តកែច្នៃ កាលពីវេលាម៉ោង១២ និង២០នាទីថ្ងៃត្រង់ ថ្ងៃទី២៣…
ខេត្តឧត្តរមានជ័យ ៖ យ៉ាងហោចណាស់មានមនុស្សម្នាក់បានបាត់បង់ជីវិតនៅនឹងកន្លែងកើតហេតុភ្លាមៗ និង២នាក់ទៀតរងរបួសធ្ងន់ ខណៈជួបគ្រោះថ្នាក់ចរាចរណ៍ដែលបង្កឡើងដោយការជិះម៉ូតូក្នុងល្បឿន លឿន ជ្រុលទៅបុករថយន្តកែច្នៃ កាលពីវេលាម៉ោង១២ និង២០នាទីថ្ងៃត្រង់ ថ្ងៃទី២៣ មករា ២០១៨ ដែលស្ថិតនៅតាមបណ្តោយផ្លូវជាតិលេខ៥៦ ក្នុងភូមិគោកឪឡោក ឃុំអអម្ពិល ស្រុកបន្ទាយអម្ពិល ខេត្តឧត្តរមានជ័យ។ ជនរងគ្រោះឈ្មោះ សារ៉ាត់ ឆានុន ភេទប្រុស អាយុ១៨ឆ្នាំ ជាអ្នកបើកបេម៉ូតូម៉ាក C.B.R ពណ៌ក្រហម គ្មានស្លាកលេខ បានស្លាប់ភ្លាមៗនៅនឹងកន្លែងកើតហេតុ។
ចំណែកអ្នករួមដំណើរ ឈ្មោះ ពេក សារ៉ាន់ ភេទប្រុស អាយុ១៦ឆ្នាំ រងរបួសធ្ងន់ និងម្នាក់ទៀតឈ្មោះ អ៊ួន សុឃី ភេទប្រុសអាយុ១៥ឆ្នាំ រងរបួសធ្ងន់ទាំង៣នាក់ នេះរស់នៅក្នុងភូមិប្រាសាទបី ឃុំបេង ស្រុកបន្ទាយអម្ពិល ខេត្តឧត្តរមានជ័យ។ រីឯអ្នកបើកបររថយន្តកែច្នៃឈ្មោះ មួត ភេទប្រុស អាយុ៣៤ឆ្នាំ រស់នៅភូមិថ្មី ឃុំភូមិថ្មី ស្រុកថ្មពួក ខេត្តបន្ទាយមានជ័យ បានរត់គេចខ្លួនបាត់។ សាក្សីនៅនឹងកន្លែងកើតហេតុនិយាយថា មុនពេលកើតហេតុ គេឃើញម៉ូតូជនរងគ្រោះជិះឌុបគ្នា៣នាក់ បើកបរពីទិសខាងលិចឆ្ពោះទៅកើតដែល ធ្វើដំណើរដោយស្របគ្នាជាមួយនឹងរថយន្តកែច្នៃ ខណៈនោះដែរម៉ូតូបានបើកបរក្នុងល្បឿនយ៉ាងលឿន ដូចហោះ លុះទៅដល់ចំណុចផ្លូវកោងអ្នកបើកម៉ូតូយកចង្កូតមិនទាន់ក៏ជ្រុលទៅបុករនាំងផ្លូវ រួចហើយជ្រុលទៅបុកគូទរថយន្តចូលទៅក្រោមរថយន្តទៀតបណ្តាលឱ្យស្លាប់ម្នាក់ និងរបួសធ្ងន់២នាក់។
ប៉ូលិសស្រុកបន្ទាយអម្ពិលបានឱ្យដឹងថា ក្រោយពីកើតហេតុប៉ូលីសជំនាញបានចុះទៅដល់នឹងកន្លែង គ្រោះថ្នាក់ចរាចរណ៍ឃើញមានមនុស្ស៣នាក់ដេកដួលសន្លប់ស្តូកស្តឹង ប៉ូលិសជំនាញបានជួយសង្គ្រោះ ដឹកយកទៅមន្ទីរពេទ្យមង្គលបូរី ធ្វើការសង្គ្រោះ និងធ្វើការវាស់វែងឃើញថាគ្រោះថ្នាក់នេះបានបង្ក ដោយ ម៉ូតូ។ ដោយឡែកអ្នកដែលស្លាប់ប្រគល់ទៅឱ្យក្រុមគ្រួសារយកធ្វើបុណ្យទៅតាប្រពៃណី ចំណែកម៉ូតូ និងរថយន្តយកមករក្សាទុកនៅអធិការស្រុករងចាំធ្វើការដោះស្រាយ៕
ចែករំលែកព័តមាននេះ